ໜ່ວຍເຝົ້າລະວັງພະຍາດ, ກະຊວງສາທາລະນະສຸກລາຍງານວ່າ: ນັບແຕ່ເດືອນມັງກອນມາຮອດດຽວນີ້ທົ່ວປະເທດມີຍອດຜູ້ຕິດເຊື້ອໄຂ້ເລືອດອອກຫຼາຍກວ່າ
5.400 ກໍລະນີ, ເພີ່ມຂຶ້ນຫຼາຍກວ່າປີ
2015 ຜ່ານມາ, ມີຜູ້ເສຍຊີວິດ 10 ຄົນ ແລະ
ໃນນັ້ນແຂວງຈໍາປາສັກເປັນແຂວງທີ່ມີຈຳນວນຜູ້ຕິດເຊື້ອຫຼາຍກວ່າໝູ່ 1,333 ກໍລະນີ,
ເສຍຊີວິດ 7 ຄົນ, ຮອງລົງມາແມ່ນນະຄອນຫຼວງວຽງຈັນມີ
1.234 ກໍ ລະນີ, ເສຍຊີວິ 1 ຄົນ; ບໍລິຄຳໄຊ
646 ກໍລະນີ, ເສຍຊີວິດ 1 ຄົນ, ສະຫວັນນະເຂດ 644 ກໍ ລະນີ, ຄຳມ່ວນ 622 ກໍລະນີ,
ສາລະວັນ 221 ກໍ ລະນີ, ເສຍຊີວິດ 1 ຄົນ;
ອັດ ຕະປື184 ກໍ ລະນີ; ວຽງຈັນ 150 ກໍລະນີ;
ເຊກອງ 126 ກໍລະ ນີ; ຫຼວງພະບາງ 131
ກໍລະນີ,ອຸດົມໄຊ 94 ກໍລະນີ; ຫຼວງນ້ຳທາ
26 ກໍລະນີ, ໄຊຍະບູລີ 16
ກໍລະນີ; ບໍ່ແກ້ວ 7 ກໍລະນີ, ໄຊສົມບຸນ 6
ກໍລະນີ ແລະ ແຂວງອື່ນໆອີກຈຳນວນໜຶ່ງ. ເຖິງວ່າປີນີ້ກະຊວງສາທາລະນະສຸກ
ແລະ ອຳນາດການປົກຄອງໄດ້ສຸມໃສ່ການປ້ອງກັນ ແລະ
ສະກັດກັ້ນພະຍາດດັ່ງກ່າວຢ່າງຈິງຈັງດ້ວຍການຮ່ວມມືກັນໂຄສະນາແນະນຳປະຊາຊົນປ້ອງກັນຕົນເອງ
ແລະ ທຳລາຍແຫລ່ງເພາະພັນຂອງຍຸງລາຍຢູ່ຕາມບ້ານເຮືອນ ແລະ ເຂດທີ່ມີຄວາມສ່ຽງຕ່າງໆ,
ແຕ່ກໍເຫັນວ່າຈຳນວນຜູ້ຕິດເຊື້ອ ແລະ
ຊີວິດຍັງຫຼາຍເມື່ອທຽບໃສ່ປີຜ່ານມາ ແລະ
ເຖິງວ່າປັດຈຸບັນສະພາບອາກາດຈະມີການປ່ຽນແປງ
ໜາວເຢັນລົງເຮັດໃຫ້ຈຳນວນຜູ້ຕິດເຊື້ອພະຍາດດັ່ງກ່າວຈຶ້ງຕົວ, ແຕ່ພວກເຮົາທຸກຄົນກໍຕ້ອງເພີ່ມທະວີການເຝົ້າລະວັງ,ປ້ອງກັນ ແລະ ສະກັດກັ້ນພະຍາດດັ່ງກ່າວຢູ່ສະເໝີ, ສຳລັບພາກສ່ວນກ່ຽວຂ້ອງກໍໃຫ້ເພີ່ມທະວີໃນການສະກັດກັ້ນ
ແລະ ປ້ອງກັນພະຍາດດັ່ງກ່າວຢ່າງເຂັ້ມງວດໃນປີຕໍ່ໄປເພື່ອບໍ່ໃຫ້ມີການລະບາດດັ່ງປີນີ້,
ພ້ອມນັ້ນປະຊາຊົນບັນດາເຜົ່າໃນທົ່ວປະເທດກໍຕ້ອງເປັນເຈົ້າການປະຕິບັດຄຳຂວັນ 5 ປ ທີ່ກະຊວງສາທາລະນະສຸກວາງອອກຢ່າງເຂັ້ມງວດຄື: 1
ປິດຝາພາຊະນະທີ່ເກັບນ້ຳໃນເຮືອນ ແລະ ນອກເຮືອນເພື່ອບໍ່ໃຫ້ຍຸງມາໄຂ່ໃສ່. 2
ປ່ຽນນ້ຳໃນພາຊະນະເຊັ່ນ: ເຕົ້າດອກໄມ້, ນ້ຳຮອງຕີນຕູ້,
ຖ້ານຮອງຈອກນ້ຳ. 3 ປ່ອຍປາຫາງນົກຍູງເພື່ອກິນໜອນນ້ຳ. 4
ປັບປຸງການອະນາໄມສິ່ງແວດລ້ອມອ້ອມເຮືອນບໍ່ໃຫ້ມີກະໂປະ, ກະປ໋ອງ,
ຢາງຕີນລົດເກົ່າທີ່ມີນ້ຳຂັງ ແລະ 5
ປະຕິບັດໃຫ້ເປັນນິໃສປະຈຳທຸກໆອາທິດ ແລະ
ຖ້າຫາກເປັນໄຂ້ໃຫ້ໄປພົບແພດໝໍດ່ວນເພື່ອສາມາດຈຳກັດພະຍາດນີ້ໃຫ້ນັບມື້ຫຼຸດໜ້ອຍຖອຍລົງ
ແລະ ຈົນກວ່າມັນຈະດັບສູນ.
No comments:
Post a Comment