ເມື່ອບໍ່ດົນມານີ້, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດພິທີມອບໂອນວຽກງານການປ້ອງກັນ
ແລະ ຄວບຄຸມໄພພິບັດທີ່ຂຶ້ນກັບກະຊວງຕົນ ໃນໄລ ຍະຜ່ານມາ, ຄືນໃຫ້ກະຊວງແຮງງານ
ແລະ ສະຫວັດດີການສັງຄົມ ເປັນຜູ້ຮັບຜິດຊອບໂດຍກົງ, ລະຫວ່າງທ່ານ
ສົມມາດ ພົນເສນາ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ທ່ານ ຄຳແພງ
ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ
ຕາມຂໍ້ຕົກລົງວ່າດ້ວຍການສືບຕໍ່ຊັບຊ້ອນບາງວຽກງານຂອງລັດຖະບານ, ອີງຕາມຜົນການປຶກສາຫາລືລະຫວ່າງລັດຖະມົນຕີສອງກະຊວງ
ກ່ຽວຂ້ອງດັ່ງກ່າວ ແລະ
ອີງຕາມແຈ້ງການຂອງກະຊວງພາຍໃນກ່ຽວກັບການເຫັນດີມອບໂອນໜ້າທີ່ກອງເລຂາຄະນະກຳມະການປ້ອງກັນ
ແລະ ຄວບຄຸມໄພພິບັດແຫ່ງຊາດ, ຊຶ່ງເຫັນວ່າວຽກງານດັ່ງກ່າວໄປຂຶ້ນກັບກະຊວງແຮງງານເໝາະສົມກວ່າ,
ຍ້ອນພາລະບົດບາດ ແລະ ໜ້າທີ່
ດ້ານວິຊາການແມ່ນແທດເໝາະກັບກົມສັງຄົມສົງເຄາະ, ແຕ່ຢູ່ພາຍໃຕ້ການຊີ້ນຳຂອງກະຊວງແຮງງານ
ແລະ ສະຫວັດດີການສັງຄົມ, ຊຶ່ງການມອບໂອນຄັ້ງນີ້
ເພື່ອເຮັດໃຫ້ການປະຕິບັດວຽກງານໃນການກຽມພ້ອມຕອບໂຕ້ໄພພິບັດສຸກເສີນໃຫ້ມີປະສິດທິຜົນ ແລະ
ປະສິດທິພາບກວ່າເກົ່າ, ໃນການເຮັດໜ້າທີ່ເປັນຜູ້ປະສານງານກັບພາກສ່ວນຕ່າງໆທັງພາຍໃນ
ແລະ ຕ່າງປະເທດ ເພື່ອຊ່ວຍເຫລືອໃນເວລາມີໄພພິບັດເກີດຂຶ້ນໃນທົ່ວປະເທດໃຫ້ທັນການ.
No comments:
Post a Comment