ໃນວັນທີ 20 ທັນວາ ນີ້ ຢູ່ຫໍປະຊຸມແຫ່ງຊາດ
ກະຊວງແຜນການ ແລະ ການລົງທຶນ ຮ່ວມກັບກະຊວງການເງິນ
ໄດ້ຈັດກອງປະຊຸມແນະນໍາການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ ແລະ
ແຜນງົບປະມານແຫ່ງລັດ ປະຈໍາປີ 2017 ຂຶ້ນ ເພື່ອສະຫລຸບ ການຈັດຕັ້ງປະຕິບັດວຽກງານແຜນການ
ແລະ ການເງິນ ໃນສົກປີຜ່ານ ມາກໍານົດທິດທາງໃນປີ
ເພື່ອເຮັດໃຫ້ການຈັດຕັ້ງປະຕິບັດສອງວຽກງານມີຄວາມສອດຄ່ອງ ແລະ ກົມກຽວກັນ
ແນໃສ່ເພື່ອບັນລຸເປົ້າໝາຍຕາມແຜນການທີ່ກໍານົດໄວ້.
ໂດຍການເປັນທານ ຂອງທ່ານ ສົມດີ ດວງດີ ຮອງນາຍົກລັດຖະມົນຕີ
ລັດຖະມົນຕີກະຊວງການເງິນ,
ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ມີບັນດາຮອງລັດ
ຖະມົນຕີ, ຮອງເຈົ້າແຂວງ,
ຫົວໜ້າກົມ,
ຮອງກົມ ແລະ ພະນັກງານກ່ຽວຂ້ອງເຂົ້າຮ່ວມເປັນຈຳນວນຫລາຍ.
ກອງປະຊຸມໄດ້ມີການເຜີຍແຜ່ເນື້ອໃນເອກະສານສໍາຄັນ
ຂອງມະຕິ ສະພາແຫ່ງຊາດຈໍານວນ 3 ສະບັບ ຄື: ມະຕິວ່າດ້ວຍການຮັບຮອງເອົາ
ການດັດແກ້ຕົວເລກມະຫາພາກ ແຜນໄລຍະ 4 ປີ. ການຮັບຮອງເອົາບົດລາຍງານ
ລັດຖະບານກ່ຽວກັບການຈັດຕັ້ງປະຕິ ບັດແຜນງົບປະ ມານປະຈໍາສົກ ປີ 2015-2016 ແລະ
ທິດທາງແຜນ ການປີ 2017 ແລະ
ຮັບຮອງເອົາບົດລາຍງານຂອງລັດຖຖະບານກ່ຽວກັບການຈັດຕັ້ງປະຕິບັດ
ແຜນພັດທະນາເສດຖະກິດ-ສັງຄົມ ປະຈໍາສົກປີ 2015-2016 ແລະ ທິດທາງແຜນການ ປີ 2017
ພ້ອມນັ້ນ ກອງປະຊຸມໄດ້ສະເໜີດໍາລັດ ແລະ ບົດແນະນໍາທີ່ກ່ຽວຂ້ອງຈໍານວນໜຶ່ງ
ຫລັງຈາກນັ້ນກໍຈະເປີດໂອກາດໃຫ້ຜູ້ເຂົ້າຮ່ວມ ແລກ ປ່ຽນຄຳເຫັນກ່ຽວກັບທິດທາງໃນການຈັດຕັ້ງຜັນຂະຫຍາຍ
ບັນດາມະຕິດໍາລັດ ແລະ ບົດແນະນໍາໃນຂະແໜງການ ແລະ ທ້ອງຖິ່ນຂອງຕົນ. ທັງນີ້, ເພື່ອໃຫ້ທັງສອງຂະແໜງການມີຄວາມຮັບຜິດຊອບຮ່ວມກັນ
ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ
ໃຫ້ມີປະສິດທິຜົນໂດຍສະເພາະເຮັດໃຫ້ການພັດທະນາສາມາດບັນລຸຄາດໝາຍ
ຮັບປະກັນສະຖຽນລະພາບທາງດ້ານການເມືອງ,
ຄວາມສະຫງົບ,
ຄວາມເປັນລະບຽບຮຽບຮ້ອຍທາງດ້ານສັງຄົມຢ່າງໜັກແໜ້ນ
ສືບຕໍ່ແກ້ໄຂຄວາມທຸກຍາກຂອງປະຊາຊົນໃຫ້ໄດ້ຢ່າງທົ່ວເຖິງ
ພັດທະນາປະເທດໃຫ້ຫລຸດພົ້ນອອກຈາກສະຖານະພາບດ້ອຍພັດທະນາໃນປີ 2020 ໂດຍຊຸກຍູ້
ໃຫ້ລະດັບການເຕີບໂຕຢ່າງຕໍ່ເນື່ອງ,
ສົມດູນ,
ມີຄຸນນະພາບຕາມທິດການພັດທະນາແບບຍືນຍົງ ແລະ ສີຂຽວ, ມີການຄຸ້ມຄອງ
ແລະ ນໍາໃຊ້ຊັບ ພະຍາກອນຢ່າງມີປະສິດທິຜົນສູງ.
No comments:
Post a Comment