ວັນທີ 20 ທັນວານີ້,
ກະຊວງສາທາລະນະສຸກຮ່ວມກັບກະຊວງກະສິກຳ ແລະ ປ່າໄມ້
ແລະ ອົງການເພື່ອພັດທະນາສາກົນສະຫາລັດອາເມຣິກາ ( USAID ) ໄດ້ຈັດກອງປະຊຸມປຶກສາຫາລືກຳນົດທິດທາງໃນ 5 ປີຕໍ່ໜ້າຕາມກອບຂອງລະບຽບການສາກົນດ້ານສາທາລະນະສຸກ (
ສັນຍາວ່າດ້ວຍຄວາມໝັ້ນຄົງດ້ານສຸຂະພາບສາກົນທີ່ລາວເຮົາໄດ້ເຂົ້າຮ່ວມເປັນພາຄີ ) , ຄວາມໝັ້ນຄົງດ້ານສຸຂະພາບ
ແລະ ສຸຂະພາບໜຶ່ງດຽວ, ເພື່ອກຽມຕອບໂຕ້ກັບໄພຂົ່ມຂູ່ດ້ານສຸຂະພາບຂຶ້ນທີ່ນະຄອນຫຼວງວຽງຈັນ,
ໂດຍການເຂົ້າຮ່ວມຂອງທ່ານ ຮອງຫົວໜ້າກົມຄວບຄຸມ
ພະຍາດຕິດຕໍ່, ກະຊວງສາທາລະນະສຸກ, ທ່ານຮອງຫົວໜ້າກົມລ້ຽງສັດ ແລະ ການປະມົງກະຊວງກະສິກຳ ແລະ ປ່າໄມ້, ຜູ້ຕ່າງໜ້າອົງການ USAID, ອົງການອະນາໄມໂລກ, ອົງການອາຫານ ແລະ ການກະເສດ, ພ້ອມດ້ວຍຄູ່ຮ່ວມພັດທະນາ ເຂົ້າຮ່ວມນຳດ້ວຍ.
ທ່ານ ຫົວໜ້າກົມຄວບຄຸມພະຍາດຕິດຕໍ່ກ່າວວ່າ: ຈາກທີ່ຕັ້ງຂອງປະເທດລາວເຮົາຊຶ່ງເປັນຈຸດເຊື່ອມຕໍ່ລະຫວ່າງຫຼາຍປະເທດໃນຂົງເຂດພາກພື້ນມັນເຮັດໃຫ້ການຄວບຄຸມພະຍາດ ຫຼື ການລະບາດຂອງໄພຂົ່ມຂູ່ທີ່ເກີດຂື້ນຈາກທຳມະຊາດ
ຫຼື ການກໍ່ການຮ້າຍກໍຕາມ,ຊຶ່ງມັນບໍ່ແມ່ນ ບັນຫາຂອງປະເທດໃດປະເທດໜຶ່ງ,ຈາກບົດຮຽນການລະບາດຂອງພະຍາດໃນໄລຍະຜ່ານມາໃຫ້ເຫັນວ່າພຽງລຳພັງປະເທດດຽວບໍ່ວ່າຈະມີສະຖານະພາບເສດຖິດດີປານໃດກໍຕາມກໍບໍ່ສາມາດຕອບໂຕ້ກັບການລະບາດຂອງພະຍາດໄດ້, ຊຶ່ງມັນໄດ້ຮຽກຮຽກໃຫ້ທຸກປະເທດໃນໂລກຕ້ອງໄດ້ມີການຮ່ວມື
ແລະ ແລກປ່ຽນບົດຮຽນດ້ານຕ່າງໆເພື່ອສາມາດຕອບໂຕ້ກັບການລະບາດ
ແລະ ສາມາດຄວບຄຸມການລະບາດຂອງພະຍາດໄດ້, ດັ່ງນັ້ນ ການປະຕິບັດກົດລະບຽບສາກົນດ້ານສາທາລະນະສຸກຂອງບັນດາປະເທດທີ່ເຂົ້າຮ່ວມເປັນພາຄີໃຫ້ບັນລຸໃນຈຳນວນ
140 ກວ່າປະເທດໃນໂລກ ແລະ ໜຶ່ງໃນນັ້ນກໍມີປະເທດລາວເຮົາ,ແມ່ນມີຄວາມສຳຄັນຫຼາຍຕໍ່ກັບການປ້ອງການລະບາດຂອງພຍາດ,.
ທ່ານ ຫົວໜ້າກົມກ່າວວ່າ:
ການລະບາດຂອງພະຍາດໃນປັດຈຸບັນນອກຈາກຄົນສູ່ຄົນ ແລະ ແລ້ວ,
ຍັງມີການລະບາດຂອງພະຍາດຈາກສັດສູຄົນ, ດັ່ງນັ້ນມັນມີຄວາມຈຳເປັນຫຼາຍທີ່ພວກເຮົາຈະຕ້ອງໄດ້ມີການຮ່ວມມືກັນຢ່າງໃກ້ຊິດ,ໃນທຸດຂົງເຂດ, ໂດຍສະເພາະແມ່ນຂົງເຂດກະສິກຳເພື່ອສ້າງສຸຂະພາບໜຶ່ງດຽວ ,ດັ່ງນັ້ນກອງປະຊຸມຄັ້ງນີ້ແມ່ນມີຄວາມໝາຍສຳຄັນຫຼາຍຕໍ່ຂົງເຂດສາທາລະນະສຸກ
ແລະ ກະສິກຳ,ເນື່ອງຈາກຜູ້ເຂົ້າຮ່ວມຈະໄດ້ພ້ອມກັນແລກປ່ຽນບົດຮຽນ ແລະ ປະກອບຄຳຄິດເຫັນເພື່ອເຮັດໃຫ້ການກຳນົດທິດທາງໃນ 5 ປີຕໍ່ໜ້າຕາມກອບຂອງລະບຽບສາກົນດ້ານສາທາລະນະສຸກຂອງ ສປປ ລາວ ມີປະສິດທີຜົນ
ແລະ ສາມາດຈັດຕັ້ງປະຕິບັດປະສົບຜົນສຳເລັດ.
No comments:
Post a Comment