ຫົວເຫວີຍ GR5 2017 ຮຸ່ນໃໝ່ມີຈຳໜ່າຍໃນລາວແລ້ວ

          ວັນທີ 17 ທັນວານີ້, ບໍລິສັດ ຫົວເຫວີຍ ໄດ້ນຳສະເໜີສະມາດໂຟນ ຫົວເຫວີຍ GR5 2017 ຮຸ່ນໃໝ່ ຂຶ້ນທີ່ສູນການຄ້າວຽງຈັນເຊັນເຕີ ນະຄອນຫລວງວຽງຈັນ, ໂດຍການນຳສະເໜີຂອງ ນາງ ແອນນິຕ້າ ທູດການຄ້າ (Brand Ambassador) ຂອງຫົວເຫວີຍ, ມີບັນດາສາຂາຈຳໜ່າຍ ແລະ ລູກຄ້າເຂົ້າຮ່ວມເປັນຈຳນວນຫລາຍ.

          ທ່ານ ຊູຈິນຢົງ ອຳນວຍການຝ່າຍອຸປະກອນສື່ສານ ກ່າວວ່າ: ພາຍຫລັງຫົວເຫວີຍ P9 ປະສົບຜົນສຳເລັດຢູ່ລາວ, ຊຶ່ງເປັນສັນຍານທີ່ລູກຄ້າໄວ້ວາງໃຈ ແລະ ເຊື່ອໝັ້ນໃນ

ຜະລິດຕະພັນຫົວເຫວີຍ, ສະນັ້ນ ຫົວເຫວີຍຈຶ່ງສືບຕໍ່ນຳສະເໜີຜະລິດຕະພັນທີ່ມີຄຸນນະພາບຮຸ່ນໃໝ່ລ່າສຸດ ຫົວເຫວີຍ GT5 2017, ຊຶ່ງຍັງຄົງເກັບຮັກສາກ້ອງຄູ່ ຈາກບໍລິສັດໄລກ້າ Leica ທີ່ສາມາດຖ່າຍຮູບອອກມາສົມຈິງ ແລະ ແຈ້ງ, ພ້ອມປະກອບສິ່ງທີ່ຈຳເປັນ ແລະ ມີຄຸນນະພາບເຂົ້າໄປໃນຮຸ່ນດັ່ງກ່າວຕື່ມອີກຢ່າງຫລວງ ຫລາຍ. ສຳລັບລູກຄ້າທີ່ເຂົ້າໄປຊື້ໃນໄລຍະນີ້ ຮັບໄປເລີຍສາຍຫັດແຂນອັດສະລິຍະ Huawei Band A1, ຊິມມືຖື ທີ່ສາມາດໂທ ແລະ ຫລິ້ນອິນເຕີເນັດແບບບໍ່ຈຳກັດ. ພິເສດບໍລິສັດຍັງແຖມສະລັກຊື່ໃສ່ເທິງໂທລະສັບມືຖືພ້ອມ.

          ພາຍໃນງານດັ່ງກ່າວ ຍັງໄດ້ມີການສະແດງຕ່າງໆເພື່ອສ້າງຄວາມມ່ວນຊື່ນໃຫ້ກັບຜູ້ທີ່ເຂົ້າຮ່ວມເປັນຕົ້ນການສະແດງລົດຖີບ BMX, ການເຕັ້ນຮູບແບບ B-Boy, ການຮ້ອງເພັງຈາກນັກຮ້ອງຂອງລາວທີ່ມີຊື່ສຽງ, ການສະແດງຄອນເສີດຈາກດີເຈຊື່ດັງ ແລະ ອື່ນໆຫລາຍລາຍການ.