 |
| ພາບ-ຂ່າວ : ຫນັງສືພິມ ປກສ |
ເຈົ້າໜ້າທີ່ ປກສ ແຂວງບໍລິຄໍາໄຊລາຍງານວ່າ:
ເມື່ອທ້າຍອາທິດຜ່ານມາເຈົ້າໜ້າທີ່ຂອງຕົນສາມາດຈັບຕົວຂະບວນການຄ້າຢາເສບຕິດລາຍໃຫຍ່ປະກອບມີທ້າວ
ທອງຈັນ,
ທ້າວ ເຄືອ, ທ້າວ ບຸນທຳ ຢູ່ບ້ານປາກຊຸມ, ເມືອງປາກກະດິງ ແລະ ທ້າວ ກິ ຢູ່ບ້ານປາກກະດັນ ແລະ ທ້າວ ພູ
ບ້ານຫາດຊາຍຄູນ,
ເມືອງປາກຊັນ, ແຂວງບໍລິຄຳໄຊ,
ພ້ອມຂອງກາງປະເພດກັນຊາຈໍານວນ 29 ເປົາ, ລວມມີນໍ້າໜັກ 1.218
ກິໂລທີ່ຊຸກເຊື່ອງໄວ້ໃນເຮືອຫາງ
ສອງລໍາເພື່ອກຽມສົ່ງໄປໃຫ້ເຄືອຂ່າຍຄ້າຢາເສບຕິດຢູ່ປະເທດໃກ້ຄຽງຜ່ານຈຸດບ້ານຫ້ວຍສຽດ, ເມືອງປາກຊັນ, ຈຶ່ງໄດ້ຍຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.
ຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວຮັບສາລະພາບວ່າ:
ກັນຊາທັງໝົດແມ່ນເປັນຂອງພໍ່ຄ້າຕ່າງປະເທດຄົນໜຶ່ງທີ່ໄດ້ຈ້າງພວກຕົນຂົນສົ່ງໃຫ້, ແຕ່ຖືກເຈົ້າໜ້າທີ່ຈັບຕົວໄດ້ກ່ອນ ແລະ
ຄະດີຢາເສບຕິດລາຍນີ້ເຈົ້າໜ້າທີ່ຈະສືບສວນຂະຫຍາຍຜົນຫາຜູ້ຮ່ວມຂະບວນການເພື່ອນໍາຕົວມາດໍາເນີນຄະດີຕາມລະບຽບກົດໝາຍໂດຍໄວ.
No comments:
Post a Comment