ທ່ານນາງ ປູ້ ຈ້ຽນ ກົວ ເອກອັກຄະລັດຖະທູດວິສາມັນ
ຜູ້ມີອຳ ນາດເຕັມ ແຫ່ງ ສປ ຈີນ ປະຈຳ ລາວ ໄດ້ກ່າວໃນກອງປະຊຸມພົບປະແລກປ່ຽນ
ລະຫວ່າງພາກລັດ ຖະບານ ແລະ ນັກທຸລະກິດຈີນ ຄັ້ງທີ III ເມື່ອກາງເດືອນມັງ ກອນແລ້ວນີ້
ຢູ່ໂຮງແຮມຊັງຈຽງ ນະຄອນຫຼວງວຽງຈັນ ວ່າ: ປີ 2012, ການຮ່ວມມື ແລະ ແລກ ປ່ຽນລະຫວ່າງ
ຈີນ ແລະ ລາວ ໄດ້ຮັບການເພີ່ມທະວີຢ່າງຮອບ ດ້ານ ແລະ ໄດ້ຮັບໝາກຜົນອັນໃຫຍ່ຫລວງ
ທັງສອງຝ່າຍໄວ້ເນື້ອເຊື່ອໃຈກັນທາງການເມືອງ, ຮ່ວມມືຢ່າງຈິງໃຈທາງເສດຖະກິດ,
ປະສານສົມທົບໃນເວທີຫລາຍຝ່າຍ, ການນຳຂັ້ນສູງຂອງສອງ ປະເທດໄດ້ພົບປະຢ້ຽມຢາມກັນ
ຢ່າງສະໜິດແໜ້ນ. ພ້ອມນີ້ ການນຳຂັ້ນສູງສອງຝ່າຍ ໄດ້ບັນລຸຄວາມເປັນເອກະພາບກັນອັນສຳ
ຄັນ ເຊິ່ງໄດ້ຊີ້ທິດເຍືອງທາງໃຫ້ແກ່ການພັດທະນາສາຍພົວພັນ ຈີນ-ລາວ ໃນອະນາຄົດໃຫ້ສູງຂຶ້ນ.
ທ່ານຍັງກ່າວຕື່ມວ່າ: ໃນປີ 2012, ການຮ່ວມມືທາງເສດຖະ
ກິດ-ການຄ້າຂອງສອງປະເທດໄດ້ຮັບໝາກຜົນຢ່າງຈະແຈ້ງ. ຕາມສະຖິຕິຝ່າຍຈີນ ແຕ່ເດືອນມັງ
ກອນຫາເດືອນພະຈິກ 2012 ຍອດມູນຄ່າການຄ້າຂາເຂົ້າ-ຂາອອກ ສອງປະເທດ ຈີນ ແລະ
ລາວ ໄດ້ບັນລຸເຖິງ 1 ຕື້ 566 ລ້ານໂດລາສະຫະລັດ ເພີ່ມຂຶ້ນ 34,2% ເມື່ອປຽບທຽບໃສ່ໄລຍະດຽວກັນ
ຂອງປີ 2011, ໃນນັ້ນ ຍອດມູນຄ່າການຄ້າຂາອອກຂອງຝ່າຍຈີນ ບັນລຸເຖິງ 838
ລ້ານໂດລາສະຫະ ລັດ ເພີ່ມຂຶ້ນ 108,6% ເມື່ອ
ທຽບໃສ່ໄລຍະດຽວກັນຂອງປີ 2011,
ຍອດມູນຄ່າການຄ້າຂາເຂົ້າຂອງຝ່າຍຈີນ ບັນລຸເຖິງ 728 ລ້ານໂດລາສະຫະລັດ ຫລຸດລົງ
4,9% ເມື່ອທຽບໃສ່ໄລຍະດຽວກັນຂອງປີ 2011. ຕາມສະຖິຕິຂອງຝ່າຍລາວ, ຮອດປີ
2012 ມູນຄ່າການລົງທຶນຂອງຈີນຢູ່ລາວ ບັນລຸເຖິງ 3 ຕື້ 927 ລ້ານໂດລາສະຫະລັດ
ເຊິ່ງເປັນປະເທດອັນດັບ III ໃນບັນດາປະເທດທີ່ລົງທຶນຢູ່ລາວ. ໃນປີ 2012ໂຄງການສຳຄັນຕ່າງໆທີ່ຝ່າຍຈີນລົງທຶນ
ແລະ ຊ່ວຍເຫລືອລາວໄດ້ສຳເລັດ ແລະ ເລີ່ມນຳໃຊ້, ໃນນັ້ນ ມີໂຄງການຫໍປະຊຸມແຫ່ງຊາດ
ໄລຍະທີ 1, ໂຄງການກໍ່ສ້າງໄຟຟ້າຊົນນະບົດຢູ່ພາກເໜືອລາວ, ໂຄງການປັບປຸງຍົກລະດັບສະ
ໜາມບິນສາກົນວັດໄຕ, ໂຄງການ ASEM VILLA, ໂຄງການອູ່ສ້ອມແປງເຮືອບິນ ແລະ ສູນເຝິກອົບຮົມ
ແລະ ປະຕິບັດການບິນ, ເຂື່ອນໄຟຟ້ານ້ຳງື່ມ 5, ສູນບໍລິ ການຊອກຄົ້ນສຳຫລວດ ແລະ
ວິໄຈແຮ່ທາດ ແລະ ອື່ນໆ. ມີໂຄງ ການຈຳນວນໜຶ່ງໄດ້ລິເລີ່ມການກໍ່ສ້າງ ເປັນຕົ້ນໂຄງການດາວທຽມລາວ,
ຂົວແມ່ນ້ຳຂອງຢູ່ເມືອງປາກແບ່ງ ແຂວງອຸດົມໄຊ, ໂຄງການໄຟຟ້ານ້ຳຕົກນ້ຳອູ
2, 5 ແລະ 6, ໂຄງການພັດທະນາເຂດເສດຖະກິດສະເພາະບຶງທາດ ຫລວງ, ໂຄງການສູນການຄ້າ
ແລະ ທ່ອງທ່ຽວສາກົນວຽງຈັນເຊັນເຕີ ແລະ ອື່ນໆ. ນອກຈາກນີ້ ບັນດາວິສາຫະກິດຈີນ
ຍັງພະຍາ ຍາມປະຕິບັດຄວາມຮັບຜິດຊອບດ້ານສັງຄົມ ແລະ ອຸປະຖຳຢ່າງຫ້າວຫັນ ເຊິ່ງປະກອບວັດຖຸສິ່ງຂອງ
ແລະ ຮັບປະກັນເຕັກໂນໂລຊີ ໃນໄລຍະລາວຈັດກອງປະຊຸມທີ່ສຳຄັນຄື ກອງປະຊຸມ
ASEM ຄັ້ງທີ 9 ແລະ ກິລານັກສຶກສາອາຊຽນ ຄັ້ງທີ 16 ແລະ ໃນການກໍ່ສ້າງໂຮງຮຽນ,
ຖະໜົນຫົນທາງ ແລະ ກູ້ໄພທຳມະຊາດ ເປັນຕົ້ນ. ການພັດທະນາສາຍພົວພັນສອງຊາດ
ຈີນ-ລາວ ໄດ້ມີສ່ວນປະກອບຂອງວິສາຫະກິດຈີນ ແລະ ພ້ອມດຽວກັນນັ້ນ ກໍໄດ້ຮັບການສະໜັບສະ
ໜູນອັນໃຫຍ່ຫລວງຈາກການນຳ ແລະ ບັນດາຫົວໜ້າພາກສ່ວນຂອງລັດຖະບານລາວ.
No comments:
Post a Comment