ໃນສະພາບການສັນຈອນມີຄວາມສັບສົນແອອັດ ເຮັດໃຫ້ຜູ້ຂັບຂີ່ຈຳນວນບໍ່ໜ້ອຍໄດ້ມີການປັບປ່ຽນພຶດຕິກຳ
ແລະ ອາລົມ ເຊິ່ງເຫັນໄດ້ຈາກການຂັບຂີ່ຢ່າງບໍ່ເປັນລະບຽບ, ຈອດລົດຊະຊາຍ, ລະເມີດກົດຈະລາຈອນ
ເຊິ່ງ ທັງໝົດແມ່ນເກີດຈາກຄວາມຮີບຮ້ອນຟ້າວຟັ່ງຂອງຜູ້ຂັບຂີ່.
ຕາມການລາຍງານຂອງເຈົ້າໜ້າທີ່ຈະລາຈອນນະຄອນຫລວງວຽງຈັນ
ໃຫ້ຮູ້ວ່າ: ປັດຈຸບັນ,ການລະເມີດລະ ບຽບການສັນຈອນຕາມທ້ອງຖະໜົນຂອງນັກຂັບຂີ່ມີລັກສະນະເພີ່ມຂຶ້ນ
ເຊິ່ງມັນສະແດງອອກໃນໂຕເລກຂອງອາ ທິດໜຶ່ງຜ່ານມາ ໄດ້ກວດກາພົບຜູ້ລະເມີດລະບຽບການສັນຈອນປະມານ
300 ຄົນ ໂດຍຜູ້ລະເມີດສ່ວນຫລາຍແມ່ນລ່ວງໄຟແດງ, ມີການດັດແປງສະພາບລົດ,ບໍ່ໃສ່ໝວກກັນກະທົບ,ຂັບຂີ່ລົດໄວເກີນຂອບເຂດ
ແລະ ບໍ່ມີເອກະສານອື່ນໆ ເຊິ່ງເຈົ້າໜ້າທີ່ໄດ້ມີການສຶກສາອົບຮົມ ແລະ ປັບໃໝຕາມລະບຽບການ.
ເຈົ້າໜ້າທີ່ຈະລາຈອນນະຄອນ ຫລວງວຽງຈັນ ໃຫ້ຮູ້ວ່າ:
ໃນໄລ ຍະຜ່ານມານອກຈາກການລົງຕິດຕາມກວດກາຜູ້ຂັບຂີ່ທີ່ລະເມີດລະບຽບແລ້ວ,ຍັງໄດ້ສຸມໃສ່ການໂຄສະນາ,ສຶກສາອົບຮົມໃຫ້ມວນຊົນໃນສັງຄົມໄດ້ຮັບຮູ້
ແລະ ເຂົ້າໃຈກ່ຽວກັບການໃຊ້ລົດໃຊ້ຖະ ໜົນຢ່າງຖືກຕ້ອງຜ່ານທາງພາ ຫະນະສື່ມວນຊົນ,
ໂຄສະນາຕາມໂຮງຮຽນ, ໂຮງງານ, ບ້ານ ແລະ ຕາມສາຍທາງຕ່າງໆຫລາຍເທື່ອ, ແຕ່ກໍປາກົດວ່າການລະເມີດລະ
ບຽບການຂັບຂີ່ກໍຍັງມີລັກສະນະເພີ່ມຂຶ້ນ ແລະ ອຸປະຕິເຫດກໍເພີ່ມຂຶ້ນ ສົ່ງຜົນເຮັດໃຫ້ມີການສູນເສຍຊີວິດ
ແລະ ຊັບສິນເປັນຈຳ ນວນບໍ່ໜ້ອຍໃນແຕ່ລະປີ.
No comments:
Post a Comment