ສົກປີ 2011 - 2012 ຜ່ານມາ ຍອດການສົ່ງອອກຂອງແຂວງ
ໄຊຍະບູລີ ບັນລຸ 49 ກວ່າລ້ານໂດລາສະຫະລັດ ເພີ່ມຂຶ້ນ 14% ທຽບໃສ່ໄລຍະດຽວກັນຂອງປີຜ່ານມາ
ທຽບໃສ່ແຜນການປະຈຳປີປະຕິ ບັດໄດ້ 101% ສາເຫດທີ່ເຮັດໃຫ້ມູນຄ່າການສົ່ງອອກເພີ່ມຂຶ້ນ
ເນື່ອງຈາກການສົ່ງອອກຂະແໜງກະສິກຳ, ເຄື່ອງປ່າຂອງດົງ ແລະ ພາກອຸດສາຫະກຳມີບາດກ້າວເຕີບໃຫຍ່ຂະ
ຫຍາຍຕົວ ບວກກັບບັນຍາກາດການລົງທຶນ ທັງພາກລັດ ແລະ ເອກະຊົນນັບມື້ນັບຟົດ
ຟຶ້ນຂຶ້ນ.
ພະແນກອຸດສາຫະກຳ ແລະ ການຄ້າ ແຂວງໄຊຍະບູລີ
ໃຫ້ຮູ້ວ່າ: ຍອດການສົ່ງອອກຂອງແຂວງ ໃນສົກປີ 2011 - 2012 ຜ່ານມາ ບັນລຸ 49 ກວ່າລ້ານໂດລາສະຫະລັດ
ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 14%. ຂະນະທີ່ອັດຕາການນຳເຂົ້າບັນລຸເກືອບ
25 ລ້ານໂດລາສະຫະລັດ ຫຼຸດລົງ 5% ທຽບໃສ່ໄລຍະດຽວກັນຂອງປີຜ່ານມາ.
ສິນຄ້າທີ່ສົ່ງອອກຕົ້ນຕໍຂອງແຂວງໄຊຍະບູລີ
ປະກອບມີກະສິ ກຳ, ເຄື່ອງປ່າຂອງດົງ ແລະ ຜະ ລິດຕະພັນໄມ້, ໃນນັ້ນ ສິນຄ້າກະສິ
ກຳ ບັນລຸ 43 ລ້ານກວ່າໂດລາສະ ຫະລັດ ໂດຍມີສາລີ, ຖົ່ວແດງ, ເຂົ້າ, ໝາກເດື່ອຍ
ແລະ ມັນຕົ້ນ,ການສົ່ງອອກເຄື່ອງປ່າຂອງດົງບັນລຸ 2 ລ້ານກວ່າໂດລາສະຫະ ລັດ
ສິນຄ້າຕົ້ນຕໍແມ່ນແກ່ນຕາວ, ດອກແຂມ, ເປືອກກໍ, ເປືອກບົງ. ຂະນະທີ່ການສົ່ງອອກຜະລິດຕະ
ພັນໄມ້ບັນລຸ 2 ລ້ານກວ່າໂດລາສະຫະລັດ, ສ່ວນຂະແໜງອຸດສາ ຫະກຳຜະລິດຕະພັນທີ່ສົ່ງອອກຕົ້ນຕໍໄດ້ແກ່ເຄື່ອງຫັດຖະກຳ,
ຖ່ານຫີນ, ພະລັງງານບໍ່ແຮ່ ແລະ ໄຟຟ້າ ດັ່ງນີ້ເປັນຕົ້ນ. ນອກນັ້ນ ຂະແໜງການບໍລິການກໍນັບມື້ນັບ
ມີບາດກ້າວເຕີບໃຫຍ່ຂະຫຍາຍ ຕົວ.
ສາເຫດທີ່ເຮັດໃຫ້ຍອດການສົ່ງອອກບັນລຸລື່ນຄາດໝາຍນັ້ນ
ເນື່ອງຈາກສະມັດຖະພາບຂອງຜົນຜະລິດກະສິກຳນັບມື້ນັບໄດ້ຮັບການພັດທະນາ, ການຜະລິດໃນ
ຂະແໜງອຸດສາຫະກຳປຸງແຕ່ງ ນັບມື້ນັບເພີ່ມຂຶ້ນ, ການກໍ່ສ້າງ ພື້ນຖານໂຄງລ່າງ ແລະ ບັນ ຍາກາດການລົງທຶນ
ທັງພາຍໃນ ແລະ ຕ່າງປະເທດນັບມື້ນັບດີຂຶ້ນ ກວ່າເກົ່າ ເມື່ອທຽບໃສ່ໄລຍະ ດຽວກັນຂອງປີຜ່ານມາ
ໂດຍ ໂຮງງານອຸດສາຫະກຳປຸງແຕ່ງ ແລະ ຜະລິດຕະພັນຫັດຖະກຳທີ່ ເປັນທ່າແຮງຕົ້ນຕໍຂອງແຂວງໃນ ປັດຈຸບັນ
ໄດ້ແກ່ໂຮງ ງານຜະລິດ ຕະພັນໄມ້ສຳເລັດຮູບ. ນອກນັ້ນ ທາງແຂວງໄດ້ປະສານສົມທົບ ຢ່າງໃກ້ຊິດກັບເມືອງ
ແລະ ບັນ ດາຫ້າງຮ້ານ, ຫົວໜ່ວຍທຸລະກິດ ຕ່າງໆ ເພື່ອສ້າງເງື່ອນໄຂ ແລະ ສະພາບແວດລ້ອມທີ່ອຳນວຍໃຫ້
ແກ່ການລົງທຶນຜະລິດ ແລະ ສົ່ງ ອອກ, ໄດ້ປັບປຸງພື້ນຖານໂຄງ ລ່າງເສດຖະກິດ ແລະ ການຄຸ້ມ ຄອງວຽກງານຕ່າງໆໃຫ້ດີຂຶ້ນ
ກວ່າເກົ່າ ໂດຍສະເພາະເສັ້ນທາງ ຄົມມະນາຄົມ ແລະ ການຂຶ້ນທະ ບຽນວິສາຫະກິດຕ່າງໆ ເພື່ອອຳ ນວຍຄວາມສະດວກໃຫ້ແກ່ການ
ຂົນສົ່ງສິນຄ້າ ແລະ ການລົງທຶນ ພາຍໃນ.
No comments:
Post a Comment