ທູດລາວປະຈຳປະເທດໄທ ພົບ ປະຢ້ຽມຢາມຄົນເຊື້ອສາຍລາວ

     ໃນວັນທີ 16 ກຸມພານີ້, ທ່ານ ຫລີ ບຸນຄ້ຳ ເອກອັກຄະລັດຖະທູດ ແຫ່ງ ສປປ ລາວ ປະຈຳຣາຊະອານາຈັກໄທ ພ້ອມ ດ້ວຍຄະນະ ໄດ້ລົງເຄື່ອນໄຫວຢ້ຽມຢາມພົບ ປະຄົນໄທເຊື້ອສາຍລາວ ຢູ່ແຂວງ ສຸພັນບຸລີ ປະເທດໄທ ໃນໂອກາດ ບຸນປະຈຳປີ “ກິນເຂົ້າແລງງັນ ກັນ” ຂອງໄທພວນ ແຂວງສຸພັນບຸ ລີ ໂດຍມີຄະນະສະມາຄົມໄທ ພວນແຫ່ງປະເທດໄທ, ການນຳ ທ້ອງຖິ່ນ ແລະ ປະຊາຊົນເຊື້ອ ສາຍລາວຕ້ອນຮັບຢ່າງອົບອຸ່ນ.

    ໂອກາດດັ່ງກ່າວ, ເອກອັກຄະ ລັດຖະທູດລາວ ໄດ້ຢ້ຽມຢາມພົບ ປະປະຊາຊົນຄົນໄທວຽງ ຫລື ລາວວຽງ, ໄຕດຳ (ໄທເອີ້ນ ລາວ ໂຊ້ງ) ແລະ ໄທພວນ ສືບເຊື້ອສາຍ ບັນພະບູລຸດໄປຈາກປະເທດລາວ. ຢູ່ແຕ່ລະບ່ອນຂອງການຢ້ຽມ ຢາມພົບປະ, ເອກອັດຄະລັດຖະ ທູດລາວ ໄດ້ກ່າວສະແດງຄວາມ ດີໃຈທີ່ໄດ້ພົບພໍ້ຄົນເຊື້ອສາຍລາວ, ຊົມເຊີຍການຮັກສາຮີດຄອງປະ ເພນີອັນດີງາມຂອງບັນພະບູລຸດ ທັງພາສາປາກເວົ້າ, ການນຸ່ງຖື ແລະ ການດຳລົງຊີວິດ, ຮຽກ ຮ້ອງໃຫ້ສືບຕໍ່ປົກປັກຮັກສາ ສືບ ທອດໃຫ້ລູກຫລານຕໍ່ໄປ, ແຈ້ງໃຫ້ ຊາບຜົນສຳເລັດການພັດທະນາ ເສດຖະກິດ-ສັງຄົມຂອງສາທາ ລະນະລັດ ປະຊາທິປະໄຕ ປະຊາ ຊົນລາວ, ການພົວພັນລະຫວ່າງ ສອງຊາດ ລາວ-ໄທ ໃນໄລຍະໃໝ່ທີ່ໄດ້ຮັບການພັດທະນາດີຂຶ້ນເລື້ອຍໆ ແລະ ເຊີນ ຊວນໃຫ້ມາຢ້ຽມຢາມປະເທດລາວ.

     ການຢ້ຽມຢາມຢູ່ແຕ່ລະບ່ອນ, ປະຊາຊົນເຊື້ອສາຍລາວ ໂດຍສະເພາະຜູ້ເຖົ້າຜູ້ແກ່ ລ້ວນແຕ່ອອກ ປາກວ່າ: ດີໃຈທີ່ສຸດທີ່ ໄດ້ພົບພໍ້ຄົນລາວໂດຍບໍ່ນຶກບໍ່ຝັນ, ຕ້ອງການຢາກໄປເຫັນດິນແດນຂອງບັນພະບູລຸດ ແລະ ຢາກສືບທາວຫາຍາດ ຕິພີ່ນ້ອງ, ແຕ່ກໍເປັນໄປບໍ່ໄດ້ ເພາະຜ່ານມາຫລາຍເຊັ່ນຄົນ ແລ້ວ ຍັງນຶກເຖິງບໍ່ເຄີຍລືມວ່າ: ຕົນແມ່ນເຊື້ອສາຍລາວທີ່ບັນພະບູລຸດໄດ້ພັດ ພາກຈາກມາເປັນເວລາຫລາຍກວ່າ 200 ປີ.

    ຄົນໄທເຊື້ອສາຍລາວຢູ່ແຂວງ ສຸພັນບຸລີມີ 3 ເຜົ່າ ຄືພວນ, ມີການຈັດຕັ້ງເປັນສະມາຄົມລະດັບ ແຂວງຂຶ້ນກັບສະມາຄົມ ພວນແຫ່ງປະເທດໄທ, ທົ່ວແຂວງມີພົນລະເມືອງປະມານ 2 ໝື່ນກວ່າ ຄົນ; ໄທວຽງ ຫລື ລາວວຽງ ແລະ ໄຕດຳ ຫລື ລາວໂຊ້ງ ບໍ່ມີໂຕເລກສະຖິຕິລະອຽດ, ຂໍ້ມູນບໍ່ ເປັນທາງການ ສອງເຜົ່າດັ່ງກ່າວ ຢູ່ໃນແຂວງສຸພັນບຸລີ ປະມານເຜົ່າ ລະ 4.000-5.000 ຄົນ. ຄົນທັງສາມເຜົ່າມີອາຊີບຜະລິດກະສິກຳ ແລະ ຄ້າຂາຍ, ທຸກຄອບຄົວກຸ້ມຢູ່ ກຸ້ມກິນ, ຈຳນວນໜຶ່ງ ຮັ່ງມີເປັນເສດຖີ (ໄທພວນ) ແລະ ມີຖານະທາງສັງຄົມ. ທັງສາມເຜົ່າໂດຍສ່ວນໃຫຍ່ດຳລົງຊີວິດຢູ່ເຂດເທ ສະບານເມືອງ, ອູ່ທອງ, ສອງພີ່ນ້ອງ ແລະ ບາງປາມ້າ.