ປຶກສາຫາລືການກະກຽມອັງເຊີນ ພະບາງໄປປະດິດສະຖານຢູ່ຫໍພະບາງ

    ແຫລ່ງຂ່າວແຂວງຫລວງພະ ບາງລາຍງານວ່າ: ເພື່ອເຮັດໃຫ້ ພິທີອັງເຊີນພະບາງ ອອກຈາກທີ່ ປະທັບຫໍພິພິທະພັນແຫ່ງຊາດ ຫລວງພະບາງໄປປະດິດສະຖານ ຢູ່ຫໍພຣະບາງຫລັງໃໝ່ຢ່າງສົມ ກຽດນັ້ນ, ໃນວັນທີ 17 ກຸມພານີ້ ຫ້ອງວ່າການປົກ ຄອງແຂວງ ຫລວງພະບາງ ໄດ້ໄຂກອງປະ ຊຸມປຶກສາຫາລືການກະກຽມອັງ ເຊີນ ພຣະບາງນີ້ຂຶ້ນ ໂດຍການ ເປັນປະທານຂອງທ່ານ ສົມສະ ຫວາດ ເລັ່ງສະຫວັດ ຮອງນາຍົກ ລັດຖະມົນຕີ, ພະເຖລະນຸເຖລະ, ທ່ານ ສຈ. ດຣ. ບໍ່ແສງຄຳ ວົງດາລາ ລັດຖະມົນຕີວ່າ ການກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ເຈົ້າແຂວງ, ຮອງເຈົ້າແຂວງຫລວງພະບາງ, ຫົວໜ້າກົມມໍລະ ດົກພ້ອມດ້ວຍເຖົ້າແກ່ອາວຸໂສ, ຜູ້ຊົງຄຸນວຸດທິພາຍໃນແຂວງ ຫລວງພະບາງເຂົ້າຮ່ວມຢ່າງພ້ອມພຽງ.

    ເບື້ອງຕົ້ນກຳນົດເອົາວັນທີ 14 ມີນາ 2013 ເປັນມື້ອັງເຊີນ, ແຕ່ພາຍຫລັງໄດ້ມາປຶກສາຫາລືກັນໃໝ່ແລ້ວ ເຫັນວ່າພິທີນີ້ ເປັນພິທີລະດັບຊາດຈຶ່ງໄດ້ຄົ້ນຄວ້າຄືນໃໝ່ໃຫ້ຫາມື້ຫາຍາມໃໝ່ຄາດວ່າຈະຈັດຂຶ້ນໃນລະຫວ່າງເດືອນພະຈິກຫາເດືອນທັນວາ 2013 ເພື່ອ ໃຫ້ພິທີດັ່ງກ່າວມີຂຶ້ນຢ່າງສົມກຽດ ແລະ ຮັກສາຮີດຄອງປະເພ ນີອັນດີງາມນັ້ນ ຕ້ອງປະກອບມີ 3 ພິທີການໃຫຍ່ ຄືພິທີຕາມຮີດຄອງ ເດີມຂອງຊາວຫລວງພະບາງ, ພິທີທາງສາສະໜາ ແລະ ພິທີທາງລັດຖະການ.

    ທ່ານ ສົມສະຫວາດ ກ່າວວ່າ: ແຕ່ລະພິທີນັ້ນເຮົາຈະເຮັດແນວໃດ? ຈະແຫ່ອົງພະບາງໄປທາງໃດ? ຈະສູດແນວໃດ? ຈະຕ້ອງມີ ການກ່າວປະຫວັດຄວາມເປັນມາ ແລະ ຈຸດປະສົງຄັກແນ່ ເຊິ່ງກອງ ປະຊຸມເທື່ອນີ້ ຜູ້ເຂົ້າຮ່ວມກໍໄດ້ຜັດ ປ່ຽນກັນ ປະກອບຄຳຄິດຄຳເຫັນ ເພື່ອເຮັດໃຫ້ພິທີດັ່ງກ່າວອຸດົມສົມ ບູນ ແລະ ຖືກຕາມຮີດຄອງປະເພ ນີຢ່າງມີເຫດຜົນ ແລະ ກົງໄປກົງ ມາ. ພ້ອມນັ້ນ ກອງປະຊຸມຍັງໄດ້ ມອບພິທີຕາມຮີດຄອງຂອງຊາວ ຫລວງພະບາງໃຫ້ເຖົ້າແກ່ອາວຸ ໂສໄປປຶກສາຫາລືກັນຕື່ມ ວ່າຈະ ເຮັດແນວໃດ, ມອບພິທີທາງສາ ສະໜາ ພະເຖລະນຸເຖລະວ່າຈະ ສູດຫຍັງ? ເທດຫຍັງ? ແລະ ມອບ ພິທີທາງການໃຫ້ ອຳນາດການປົກຄອງແຂວງສົມທົບກັບກະຊວງຖະແຫລງຂ່າວ, ວັດທະນະ ທຳ ແລະ ທ່ອງທ່ຽວເປັນຜູ້ຮັບຜິດຊອບແຕ່ງຕັ້ງ ວຽກແຕ່ລະດ້ານຕື່ມອີກ.