ສົກຮຽນປີ 2012-13 ອັດຕາເຂົ້າຮ່ວມສຸດທິຂອງຊັ້ນປະຖົມບັນລຸ 96%

       ທ່ານ ດຣ  ພັນຄຳ ວິພາວັນ ລັດຖະມົນຕີວ່າການກະຊວງສຶກ ສາທິການ ແລະ ກິລາ ໄດ້ໃຫ້ສຳ ພາດຕໍ່ສື່ມວນຊົນເມື່ອ ບໍ່ດົນນີ້ ວ່າ : ໃນສົກປີ 2012-2013, ອັດ ຕາການເຂົ້າຮຽນສຸດທິຂອງຊັ້ນ ປະຖົມບັນລຸ 96% ແລະ ຄາດວ່າ ມີຄວາມເປັນ ໄປໄດ້ສູງທີ່ຈະບັນລຸ 98% ໃນປີ 2015. ຕາມການສຳຫລວດໃນປີ 2012 ອັດຕາເຂົ້າຮຽນສຸດທິຊັ້ນ ປະຖົມໃນເຂດໂຕເມືອງ ແມ່ນ 95% ຖ້າທຽບໃສ່ຄາດຫມາຍ ແມ່ນຍັງເຫລືອ 3%, ສ່ວນຢູ່ເຂດ ຊົນນະບົດມີພຽງ 83% ທຽບໃສ່ ຄາດຫມາຍຍັງ 15% ເຊິ່ງເຫັນ ວ່າມີຄວາມແຕກໂຕນກັນຫລາຍ ລະຫວ່າງໂຕເມືອງ ແລະ ຊົນນະ ບົດ. ຈາກໂຕເລກດັ່ງກ່າວສະ ແດງໃຫ້ເຫັນ ວ່າ ການເຂົ້າເຖິງ ລະບົບການສຶກສາຢູ່ເຂດຊົນນະ ບົດແມ່ນມີຫນ້ອຍ ດັ່ງນັ້ນເພື່ອແກ້ ໄຂບັນຫາດັ່ງກ່າວ ຕ້ອງສືບຕໍ່ປັບ ປຸງ ແລະ ຂະຫຍາຍໂຮງຮຽນລ້ຽງເດັກ, ໂຮງຮຽນອະນຸບານ, ຫ້ອງກຽມປະຖົມ, ສູນກາງສຶກ ສາຊຸມຊົນໄປສູ່ເຂດທີ່ບໍ່ທັນມີ ໂດຍ ຕິດພັນກັບວຽກ 3 ສ້າງ ທັງສະຫນອງອຸປະກອນການຮຽນ- ການສອນໃຫ້ແທດເຫມາະກັບ ຄວາມຕ້ອງການຂອງຜູ້ຮຽນ ໂດຍສະເພາະແມ່ນເດັກທີ່ມີຄວາມຕ້ອງການພິເສດ, ເດັກຍິງ, ເດັກທີ່ຢູ່ເຂດຊົນນະບົດຫ່າງໄກ ສອກຫລີກ, ສະຫນອງຄູສອນ ໃຫ້ໄດ້ປະລິມານ ແລະ ຄຸນນະພາບ. ພ້ອມນີ້ຕ້ອງຫັນໂຮງຮຽນມູນລະປະຖົມໃຫ້ເປັນໂຮງຮຽນປະຖົມສົມບູນ ໂດຍນຳໃຊ້ ການສອນແບບຫ້ອງດ່ຽວ ແລະ ຫ້ອງຄວບ ເພື່ອໃຫ້ນັກຮຽນໄດ້ຮຽນຢູ່ໃກ້ ບ້ານຄຽງຄູ່ກັບການປະຕິບັດການສຶກສາຮຽນ ຮ່ວມໃຫ້ໂອກາດແກ່ທຸກຄົນເຊັ່ນ : ເດັກຊົນ ເຜ່ົາ, ເພດຍິງ, ເດັກພິການເພື່ອ ປະຕິບັດສິດສະເຫມີພາບ ແລະ ຄວາມຍຸຕິທຳ ທາງການສຶກສາ. ສືບຕໍ່ຈັດຕັ້ງປະຕິບັດ ແລະ ຂະ ຫຍາຍບັນດາໂຄງການໃຫ້ໄປຈັດ ຕັ້ງຢູ່ທ້ອງຖິ່ນເຊັ່ນ : ໂຄງການອາຫານ ກາງເວັນ, ອາຫານເສີມໃນໂຮງຮຽນ, ໂຄງການສ້າງຫໍພັກສຳລັບນັກຮຽນທີ່ຢູ່ຫ່າງໄກ ແລະ ອື່ນໆ.