ລາວ-ຫວຽດນາມ ເພີ່ມທະວີການຮ່ວມມືຂົງເຂດຊັບພະຍາກອນທຳມະຊາດ ແລະ ສິ່ງແວດລ້ອມ

      ໃນລະຫວ່າງວັນທີ 25-27 ເມ ສາແລ້ວນີ້, ຄະນະຜູ້ແທນກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມຂອງ ລາວ ເຊິ່ງນຳ ໂດຍທ່ານ ສີສະຫວັດ ວິທະໄຊ ລັດຖະມົນຕີຊ່ວຍວ່າການກະ ຊວງຊັບພະຍາກອນທຳມະຊາດ ແລະ ສິ່ງແວດ ລ້ອມໄດ້ເດີນທາງໄປຢ້ຽມຢາມ ແລະ ເຮັດວຽກກັບ ກະຊວງຊັບພະຍາກອນທຳມະ ຊາດ ແລະ ສິ່ງແວດລ້ອມ ຢູ່ນະຄອນ ຫລວງຮ່າໂນ້ຍ ສສ ຫວຽດນາມ ເພື່ອຮັດແໜ້ນຄວາມສາມັກ ຄີ ແລະ ເສີມຂະຫຍາຍສາຍພົວ ພັນ ແລະ ການຮ່ວມມືລະ ຫວ່າງສອງກະຊວງໃນຂົງເຂດຊັບພະ ຍາກອນທຳມະຊາດ ແລະ ສິ່ງ ແວດລ້ອມ.

    ພາຍຫລັງທັງສອງຝ່າຍໄດ້ຈັດ ໃຫ້ມີການພົບປະຫາລືແລກປ່ຽນ ບົດຮຽນນຳກັນແລ້ວ ກໍໄດ້ມີພິທີ ລົງນາມບົດບັນທຶກ ຄວາມເຂົ້າໃຈ ວ່າດ້ວຍການຮ່ວມມືໃນຂົງເຂດ ກະຊວງຊັບພະຍາກອນທຳມະ ຊາດ ແລະ ສິ່ງແວດລ້ອມລະ ຫວ່າງສອງກະ ຊວງຂອງລາວ ແລະ ຫວຽດນາມ. ຕາງໜ້າໃຫ້ ຝ່າຍລາວແມ່ນທ່ານ ສີສະຫວັດ ວິທະໄຊ ລັດຖະມົນຕີຊ່ວຍວ່າ ການກະຊວງ ຊັບພະຍາກອນທຳ ມະຊາດ ແລະ ສິ່ງແວດລ້ອມ ແລະ ຝ່າຍຫວຽດນາມແມ່ນທ່ານ ເຈິນຮົງຮາ (Tran Hong Ha) ລັດ ຖະມົນຕີຊ່ວຍວ່າການກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໂດຍບົດບັນທຶກດັ່ງກ່າວໄດ້ກວມເອົາວຽກ ງານທີ່ສຳຄັນເຊັ່ນ: ການຄຸ້ມຄອງຊັບພະຍາກອນມະນຸດ, ການກວດກາ, ການ ບໍລິຫານທີ່ດິນ, ການປົກປັກຮັກ ສາສິ່ງແວດ ລ້ອມ, ການຄຸ້ມຄອງ ແລະ ສຳຫລວດທາງທໍລະນີສາດ ແລະ ແຮ່ທາດ, ອຸຕຸນິຍົມ ແລະ ອຸ ທົກກະສາດ, ການຫລຸດຜ່ອນ ແລະ ການປັບໂຕຕໍ່ການປ່ຽນແປງດິນຟ້າອາກາດ. ນອກນັ້ນ ຍັງມີການຄຸ້ມຄອງຂໍ້ມູນ-ຂ່າວ ສານຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ການນຳໃຊ້ເຕັກໂນໂລຊີຄວບຄຸມໄລ ຍະໄກສຳລັບການຈັດການຊັບພະຍາກອນທຳມະຊາດ ແລະ ສິ່ງ ແວດລ້ອມ.

    ຫລັງລົງນາມໃນບົດບັນທຶກ ຄວາມເຂົ້າໃຈສະບັບນີ້ແລ້ວ, ທັງ ສອງຝ່າຍຈະໄດ້ຕົກລົງແຕ່ງຕັ້ງ ກົມແຜນການ ແລະ ການ ຮ່ວມມືຂອງສອງກະຊວງລາວ ແລະ ຫວຽດນາມ ເປັນຜູ້ປະສານງານ ແລະ ມີຄວາມຮັບຜິດຊອບຕໍ່ການ ພັດທະນາແຜນການ ໃນການຈັດຕັ້ງປະຕິບັດແຕ່ລະໄລຍະ ເຊິ່ງມີ ເວລາຈັດຕັ້ງປະຕິບັດແຕ່ນີ້ໄປ ເປັນເວລາ 5 ປີ ກ່ອນເຖິງປີ 2020. ໃນແຕ່ລະປີ ສອງຝ່າຍຈະ ໄດ້ມີການຢ້ຽມຢາມ ເພື່ອແລກ ປ່ຽນລະຫວ່າງເຈົ້າໜ້າທີ່ອາວຸໂສ ຂັ້ນສູງຂອງສອງກະຊວງ, ໃນ ນັ້ນ ຈະມີການ ຈັດກອງປະຊຸມສຳມະນາທາງວິຊາການຮ່ວມກັນ, ການແລກປ່ຽນຂໍ້ມູນ-ຂ່າວສານ ແລະ ປະສົບການດ້ານຕ່າງໆນຳກັນ, ການ ເຝິກອົບຮົມ ແລະ ສ້າງຄວາມເຂັ້ມແຂງໃຫ້ບຸກຄະລາກອນ. ພ້ອມກັນນັ້ນ ສອງຝ່າຍຍັງ ຈະໄດ້ມີການຮ່ວມມື ແລະ ເປັນຄູ່ ຮ່ວມພາຄີນຳກັນທາງການຈັດຕັ້ງປະຕິບັດໃນລະດັບພາກພື້ນ ແລະ ສາກົນນຳອີກ.