ໄຟຟ້າລາວ ໄດ້ວາງເປົ້າ ໝາຍຫຼຸດຜ່ອນການຕົກເຮ່ຍພະ
ລັງງານໄຟຟ້າໄວ້ 10% ແຕ່ໂດຍອີງໃສ່ການຈັດຕັ້ງປະຕິບັດຜ່ານມາໄຟຟ້ານະຄອນຫຼວງເຫັນວ່າມີຫຼາຍດ້ານ
ແລະ ຫຼາຍເງື່ອນໄຂທີ່ສາມາດຫຼຸດຜ່ອນລົງໄດ້ຫລາຍ ກວ່ານັ້ນ ຖ້າທຸກຝ່າຍ ມີຄວາມຕັ້ງໜ້າ ຊ່ວຍກັນ
ແລະ ຈະສາມາດຈຳກັດພະລັງງານຕົກເຮ່ຍລົງຢູ່ໃນລະດັບ 9,5% ໃນປີ 2013.
ຫົວໜ້າໄຟຟ້ານະຄອນ ຫລວງໃຫ້ຮູ້ວ່າ: ແຜນການຈຳ
ໜ່າຍພະລັງງານໄຟຟ້າ ຂອງຕົ້ນປີ 2013 ໃຫ້ບັນລຸຢ່າງໜ້ອຍ 1,587 ກວ່າ KWh ແລະ ຈະແກ້ໄຂພະລັງງານຕົກເຮ່ຍໃຫ້ໄດ້
ຫລາຍກວ່າ 158.700 kwh ຫຼື 9,5%. ແຕ່ເພື່ອເຮັດໃຫ້ແຜນ ການດັ່ງກ່າວ ບັນລຸຜົນຈະຕ້ອງໄດ້ເອົາໃຈໃສ່ບັນດາໜ້າວຽກສຳ
ຄັນເປັນຕົ້ນ: ຈົດຕົວເລກພະລັງ ງານໃຫ້ຈະແຈ້ງ ແລະ ຖືກຕ້ອງ, ນຳໃຊ້ລະບົບ IT (
BS2000 )ເພື່ອ ກວດກາການຊົມໃຊ້ພະລັງງານໄຟຟ້າ ແລະ ອື່ນໆ, ແກ້ໄຂໝໍ້ນັບໄຟທີ່ເຫັນວ່າເປັນສາເຫດພາໃຫ້ເກີດພະລັງງານຕົກເຮ່ຍເຊັ່ນ:
ປ່ຽນໝໍ້ນັບໄຟຕາຍໃໝ່ໃຫ້ຮັບ ປະ ກັນ ແລະ ຖ້າໝໍ້ນັບໄຟໜ່ວຍໃດທີ່ມີອາຍຸການນຳໃຊ້ເກີນ
15 ປີ, ກໍ ຕ້ອງໄດ້ປັບປ່ຽນເຊັ່ນດຽວກັນ ແລະ ພ້ອມນັ້ນກໍຕ້ອງເອົາໃຈໃສ່ເຝິກອົບຮົມພະນັກງານ
ຈົດໄຟຂອງຕົນໃຫ້ມີຄວາມຮູ້ກ່ຽວກັບ ໝໍ້ນັບໄຟ, ວິທີຈົດຕົວເລກພະລັງ ງານ ແລະ
ວິທີລາຍງານສະພາບ ໝໍ້ໄຟ ແລະ ການຕິດຕັ້ງໝໍ້ນັບໄຟໃຫ້ໄດ້ຕາມມາດຕະຖານ.
ທ່ານ ສຸຄົນ ຈັນທອນ ຫົວ ໜ້າອຳນວຍການລັດວິສາຫະກິດ
ໄຟຟ້າ ນະຄອນຫຼວງວຽງຈັນ ກ່າວວ່າ: ປີຜ່ານມາ, ໄຟຟ້າ ນະຄອນຫຼວງ ໄດ້ສຸມໃສ່ປະຕິບັດວຽກງານຂອງຕົນດ້ວຍຄວາມຮັບຜິດຊອບສູງໂດຍສະເພາະແມ່ນບັ້ນຮັບໃຊ້ວັນສຳຄັນ
ຕ່າງໆ ຄື: ກອງປະຊຸມສະໄໝສາມັນເທື່ອທີ
3 ຂອງສະພາແຫ່ງຊາດ ຊຸດທີ VII,ກອງປະຊຸມທ່ອງທ່ຽວ ອາຊຽນ ATF ແລະ ຮັບປະກັນການສະໜອງໄຟຟ້າຮັບໃຊ້ກອງປະຊຸມ
ອາແຊັບ 7 ແລະ ອາເຊັມ ຄັ້ງທີ 9 ຊຶ່ງໄດ້ຮັບຜົນສຳເລັດຢ່າງຈົບງາມ ໂດຍ ໄດ້ເພີ່ມທະວີການຄວບຄຸມລະບົບສະໜອງໄຟຟ້າໃນໄລຍະລະດູຮ້ອນໄດ້ປ່ຽນ
ແລະ ເສີມໝໍ້ແປງຕື່ມ ອີກ 17 ໜ່ວຍ. ພ້ອມດຽວກັນກໍໄດ້ເອົາໃຈໃສ່ປັບປຸງຕາຂ່າຍໄຟຟ້າບາງເຂດ
ຊຶ່ງເຫັນວ່າເປັນສາເຫດໃຫ້ເກີດພະລັງງານຕົກເຮ່ຍ. ນອກນັ້ນກໍມີມາດ ຕະການເຂັ້ມງວດຕໍ່ຜູ້ລັກລອບນຳໃຊ້ໄຟທີ່ບໍ່ຖືກຕ້ອງໄດ້
100 ກ່ວາກໍລະນີສາມາດນຳລາຍຮັບຄືນໃຫ້ລັດໄດ້ 100 ກວ່າຕື້ກີບ.
No comments:
Post a Comment