ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ:
ພາຍຫຼັງໄດ້ປະສານສົມທົບກັບເຈົ້າໜ້າທີ່ ປກສ ແຂວງ ຫຼວງພະບາງຈຶ່ງສາມາດ ຈັບໂຈນລັກລົດຈັກ
ທີ່ອັນຕະລາຍມາດຳເນີນຄະດີຕາມລະບຽບກົດໝາຍພາຍຫຼັງຫຼົບໜີ້ໄປລີ້ຊ້ອນຢູ່ແຂວງດັ່ງ
ກ່າວ.
ເຈົ້າໜ້າທີ່ ປກສ ນະຄອນຫຼວງວຽງຈັນ ລາຍງານວ່າ:
ໃນວັນທີ 30 ພຶດສະພານີ້, ເຈົ້າ ໜ້າທີ່ພະແນກຕຳຫຼວດສືບຂ່າວອາຍາໄດ້ຮັບຜູ້ຕ້ອງຫາຈາກເຈົ້າໜ້າທີ່ຕຳຫຼວດແຂວງ
ຫຼວງພະບາງຄື: ທ້າວ ພອນທະນົງ ວົງນະ ຄອນເພັດ ອາຍຸ 33 ປີ ຫວ່າງວຽກ ຢູ່ບ້ານ ທົ່ງສ້າງນາງ
ເມືອງ ຈັນທະບູລີ ນະຄອນຫຼວງ ວຽງຈັນ ມາດຳເນີນຄະດີໃນຂໍ້ຫາ ລັກຊັບ ແລະ ປຸ້ນຈີ້-ຊີງຊັບ
ຊຶ່ງຜູ້ກ່ຽວໄດ້ເຄື່ອນໄຫວກະທຳຜິດມາຫຼາຍຄັ້ງ ແລະ ໄດ້ຫຼົບໜີໄປລີ້ຊ້ອນ ຢູ່ແຂວງ
ຫຼວງພະບາງ.
ຜ່ານການສືບສວນ-ສອບສວນ ຂອງເຈົ້າ ໜ້າທີ່,
ຜູ້ກ່ຽວຮັບສາລະພາບວ່າ: ໄດ້ເຄື່ອນໄຫວລັກຊັບ ແລະ ປຸ້ນຊັບພົນລະເມືອງ ໃນເຂດນະຄອນ
ຫຼວງວຽງຈັນ ມາແລ້ວຫຼາຍຄັ້ງ ຊຶ່ງໄດ້ລົດຈັກຈຳນວນ 10 ຄັນ ກ່ອນທີ່ຈະນຳເອົາໄປຂາຍໃຫ້ກັບນາຍ
ໜ້າທີ່ຕິດຕໍ່ຊື້, ຂະນະດຽວ ກັນໃນຊ່ວງທ້າຍ ເດືອນ ມັງກອນ ໂດຍໄດ້ໃຊ້ອາວຸດປືນຈີ້ເອົາຊັບ
ແລະ ລົດຈັກຂອງປະຊາຊົນ ຢູ່ເຂດບ້ານ ຫ້ວຍຫົງ ພາຍຫຼັງໄດ້ຊັບແລ້ວກໍ ໄດ້ເອົາຕົວຫຼົບໜີໄປລີ້ຊ້ອນຢູ່
ແຂວງ ຫຼວງພະບາງ ກ່ອນທີ່ຈະຖືກເຈົ້າໜ້າທີ່ຈັບຕົວໄດ້. ປະຈຸບັນເຈົ້າໜ້າທີ່ ປກສ
ນະຄອນຫຼວງວຽງຈັນ ເລັ່ງຫຼຸບ ສຳນວນຄະດີສົ່ງໃຫ້ໄອຍະສານ ແລະ ສານຕັດສິນຕາມລະບຽບ
ກົດໝາຍບ້ານເມືອງ.
No comments:
Post a Comment