ການເຄື່ອນໄຫວຢ້ຽມຢາມ ເຊິ່ງກັນ ແລະ ກັນ
ເພື່ອເພີ່ມທະວີການແລກປ່ ຽນການຮ່ວມມື ລະ ຫວ່າງ ສື່ມວນຊົນ ຈີນ ແລະ ສື່ ມວນຊົນ
5 ປະເທດ ໃນອະນຸພາກພື້ນແມ່ນ້ຳຂອງ ແນໃສ່ຊຸກຍູ້ການພັດທະນາ ແລະ ຄວາມຈະເລີນ
ຮຸ່ງເຮືອງຮ່ວມກັນ ຊຶ່ງປີນີ້ຈັດຂຶ້ນ ເປັນປີທີສາມ ໃນວັນທີ 5 ມິຖຸນາ 2013
ນີ້ ທີ່ຄຸນມິງ ແຂວງຢຸນນານ ສປ.ຈີນ ແລະ ໃນໂອກາດໄຂພິທີວາງສະແດງສິນຄ້າສິນຄ້າ ຈີນ-ອາຊຽນ
ຄັ້ງປະຖົມມະເລີກ ແລະ ວາງສະແດງສິນຄ້າ ຂາ ເຂົ້າ-ຂາອອກ ຄຸນມິງຄັ້ງທີ 21.
ການພົບປະຢ້ຽມຢາມໃນຄັ້ງນີ້ໂດຍການເປັນປະທານຂອງ
ທ່ານ ຫວາງ ກວາຊິນ ຮອງຫົວ ຫນ້າ ຫ້ອງວ່າການຖະ ແຫລງ ຂ່າວ ຄະນະລັດຖະບານຈີນ, ມີ ທ່ານ ຈາວຈີນ
ກຳມະການປະຈຳ ຄະນະພັກແຂວງ, ຫົວໜ້າຄະນະໂຄສະນາອົບຮົມຄະນະພັກແຂວງ ຢຸນນານ, ມີບັນດາລັດຖະມົນຕີວ່າການ, ຊ່ວຍວ່າການ, ຫົວໜ້າກົມ,
ຮອງກົມ ແລະ ສື່ມວນຊົນ ຈາກ 5 ປະເທດອະນຸພາກພື້ນແມ່ນ້ຳຂອງ ເຊັ່ນ: ກຳປູເຈຍ,
ມຽນມາ, ລາວ, ຫວຽດນາມ ແລະ ໄທ ເຂົ້າຮ່ວມ.
ທ່ານ ຫວ່າງ ກົວຊີນ ຮອງຫົວໜ້າຫ້ອງວ່າການຖະແຫລງ
ຂ່າວ ຄະນະລັດຖະບານຈີນ ກ່າວວ່າ: ການເຄື່ອນໄຫວຢ້ຽມຢາມ ເຊິ່ງກັນ ແລະ ກັນ ລະຫວ່າງ
ສື່ມວນຊົນຈີນ ແລະ ສື່ມວນຊົນ 5 ປະເທດອະນຸພາກພື້ນແມ່ນ້ຳຂອງ ໃນຄັ້ງນີ້ ແມ່ນມີຄວາມໝາຍຄວາມສຳຄັນທີ່ສຸດ
ຊຶ່ງບັນດາປະເທດອະນຸພາກພື້ນແມ່ນ້ຳຂອງ ໄດ້ມີພູຜາແມ່ນ້ຳຂອງຕິດຈອດກັນ,
ໄດ້ມີການໄປມາຫາສູ່ກັນ ຖານໄມຕິຈິດມິດຕະພາບ ມາແຕ່ບູຮານນະການ ໂດຍສະເພາະ
ປະ ຊາຊົນທຸກຊົນເຜົ່າຂອງຢຸນນານ ທ່ີມີຊາຍແດນທິດຕາເວັນຕົກຂອງຈີນ ແລະ ປະຊາຊົນກຳປູເຈຍ,
ມຽນມາ, ລາວ, ຫວຽດນາມ ແລະ ໄທ ທີ່ມີແມ່ນ້ຳລ້ານຊ້າງ-ແມ່ນ້ຳຂອງໄຫລຜ່ານແຕ່ໃດໆມາ
ທີ່ມີການດໍາລົງຊິວິດຮ່ວມກັນ ແລະ ໄດ້ມີການພັດທະນາຮ່ວມມື ທາງເສດຖະກິດ ໃນອະນຸພາກ
ພື້ນແມ່ນ້ຳຂອງ ເລີ່ມແຕ່ປີ 1992 ໃນໄລຍະ 20
ກວ່າປີຜ່ານມານີ້, ສື່ມວນຊົນຂອງຈີນ, ກຳປູເຈຍ, ມຽນມາ, ລາວ, ຫວຽດ ນາມ ແລະ ໄທ
ໄດ້ມີບົດບາດສຳ ຄັນຕໍ່ການເພີ່ມທະວີຄວາມເຂົ້າໃຈເຊິ່ງກັນ ແລະ ກັນ ຂອງປະ
ຊາຊົນ ແລະ ການຊຸກຍູ້ການຮ່ວມມືກັນລະຫວ່າງບັນດາປະເທດອະນຸພາກພື້ນແມ່ນ້ຳຂອງທັງໄດ້ປະກອບສ່ວນຢ່າງຕັ້ງໜ້າເຂົ້າໃນວຽກງານສື່ມວນຊົນ. ຫລາຍປີ ຜ່ານມານີ້ ການນຳຂອງຈີນ ໄດ້ເນັ້ນໜັກວ່າ:
ປະເທດຈີນ ຢຶດໝັ້ນແນວທາງການຕ່າງປະເທດ ທີ່ວ່າ: ເປັນບ້ານໃກ້ເຮືອນຄຽງທີ່ດີ,
ຖືເອົາບ້ານໃກ້ເຮືອນ ຄຽງເປັນຄູ່ຮ່ວມມືທີ່ດີ, ອອກແຮງຮັດແໜ້ນມິດຕະພາບທີ່ເປັນມູນເຊື້ອ
ກັບບັນດາປະເທດອະນຸພາກພື້ນແມ່ນ້ຳຂອງໃຫ້ແໜ້ນແກ່ນ, ເພີ່ມທະວີການພົວພັນບ້ານໃກ້ເຮືອນຄຽງ
ແບບໄມຕີຈິດມິດຕະພາບ ແລະ ການຮ່ວມມືທີ່ມີໝາກຜົນຕົວຈິງນຳກັນ, ຊຸກຍູ້ການພັດທະ
ນາເສດຖະກິດອະນຸພາກພື້ນຢ່າງຕັ້ງໜ້າ.
ໃນໂອກາດນີ້, ບັນດາຜູ້ຕາງ ໜ້າສື່ມວນຊົນແຕ່ລະປະເທດ
ກໍໄດ້ຜັດປ່ຽນກັນຂຶ້ນກ່າວຄຳປາ ໄສ ຕາມລຳດັບ ໂດຍທ່ານ ປິ່ນປາຖະໜາ ພັນທະມາລີ ຫົວໜ້າກົມສື່ມວນຊົນ ກະຊວງຖະແຫລງ
ຂ່າວ,ວັດທະນະທຳແລະ ທ່ອງ ທ່ຽວ ສປປ ລາວ ກໍໄດ້ກ່າວບາງ ຕອນວ່າ:ໃນໄລຍະຜ່ານມາລັດ ຖະບານ
ສປຈີນ ໄດ້ໃຫ້ການ ຊ່ວຍເຫລືອ ສປປ ລາວ ຫລາຍ ດ້ານ.
ໃນ ການພົບປະຢ້ຽມຢາມ ເຊິ່ງກັນ ແລະ ກັນ ຂອງສື່ມ່ວນຊົນປະເທດອະນຸພາກພື້ນແມ່ນ້ຳຂອງ ເພື່ອແລກປ່ຽນປະສົບການ
ແລະ ຮັດແຫນ້ນສາຍພົວພັນການ ຮ່ວມມືໃນຂົງເຂດຂໍ້ມູນຂ່າວ ສານ ແລະ ອື່ນໆ.
No comments:
Post a Comment