ການພົບປະສອງຝ່າຍລະຫວ່າງທ່ານ
ດຣ. ທອງລຸນ ສີສຸລິດ ຮອງນາຍົກ ລັດຖະມົນຕີ, ລັດຖະ ມົນຕີວ່າການກະ
ຊວງການຕ່າງປະເທດ ແຫ່ງ ສປປ ລາວ ແລະ ທ່ານ ຟາມບິງມິງ ລັດຖະ ມົນ
ຕີວ່າການກະຊວງການຕ່າງປະເທດ ແຫ່ງ ສສ ຫວຽດ ນາມ ໄດ້ມີຂຶ້ນໃນວັນທີ 14-16
ມິຖຸ ນານີ້ ຢູ່ເມືອງມໍລະ ດົກໂລກ ຫລວງພະບາງ ລະຫວ່າງການຢ້ຽມຢາມ ແລະ
ເຄື່ອນໄຫວເຮັດວຽກຢູ່ລາວຂອງຄະນະຜູ້ແທນດັ່ງ ກ່າວ
ຕາມການເຊື້ອເຊີນຂອງລັດຖະມົນຕີການຕ່າງປະເທດ ສປປ ລາວ
ເພື່ອຕີລາຄາຄືນເຖິງຄວາມພະ ຍາຍາມສອງຝ່າຍໃນການຈັດຕັ້ງປະຕິບັດໂຄງການປັກຫລັກໝາຍຖີ່
ແລະ ປັບປຸງຫລັກໝາຍຊາຍແດນ ລະຫວ່າງສອງປະເທດ ລາວ- ຫວຽດນາມ
ທີ່ໄດ້ປະຕິບັດຕັ້ງແຕ່ປີ 2008 ເປັນ ຕົ້ນມາ ແລະ ເຫັນວ່າມາຮອດປັດຈຸບັນ ໄດ້ສຳເລັດໂດຍພື້ນຖານ.
ພ້ອມນັ້ນສອງຝ່າຍໄດ້ເປັນເອກະພາບກັນສືບຕໍ່ກະຕຸກຊຸກຍູ້ບັນດາຂະແໜງການ
ແລະ ທ້ອງຖິ່ນທີ່ມີເສັ້ນຊາຍແດນຮ່ວມກັນ
ເຮັດສຳເລັດບັນດາໜ້າວຽກຕ່າງໆໃນພື້ນທີ່ຕົວຈິງ
ເພື່ອສາມາດກ້າວເຂົ້າສູ່ການຈັດຕັ້ງປະຕິບັດໂຄງການໄລຍະສອງໂດຍໄວ
ເພື່ອໃຫ້ໜ້າວຽກດັ່ງກ່າວສຳເລັດລົງໂດຍໄວກ່ອນປີ 2014
ຕາມທິດຊີ້ນຳຂອງການນຳຂັ້ນສູງສອງຝ່າຍ.
ໃນກອງປະຊຸມ,
ສອງຝ່າຍຍັງໄດ້ແລກປ່ຽນເຖິງຫລາຍບັນຫາສຳຄັນອື່ນໆອີກ
ຄືຈະໄດ້ເລັ່ງໃສ່ຍົກລະ ດັບພື້ນຖານໂຄງລ່າງເສັ້ນທາງຄົມມະ
ນາຄົມ,
ເຮັດສຳເລັດຄວາມພ້ອມຕ່າງໆຂອງລະບົບດ່ານຜ່ານແດນທາງບົກ,
ເພີ່ມທະວີການພັດທະນາເຂດເສດຖະກິດຊາຍແດນ ເພື່ອອຳ ນວຍຄວາມສະດວກໃຫ້ປະຊາຊົນສອງຝ່າຍ,
ກະຕຸກຊຸກຍູ້ການພົວພັນຮ່ວມມືແລກປ່ຽນການຄ້າ, ການລົງທຶນ, ທ່ອງທ່ຽວ ແລະ
ການໄປ ມາຫາສູ່ຂອງປະຊາຊົນເຂດຊາຍແດນ ລາວ-ຫວຽດ ນາມໃຫ້ນັບມື້ກວ້າງຂວາງ. ພ້ອມ
ນັ້ນ ທັງສອງຝ່າຍຍັງໄດ້ເປັນເອ ກະພາບກັນເພີ່ມທະວີການປະ
ສານສົມທົບແໜ້ນໃນການປົກປັກຮັກສາ ແລະ ຄຸ້ມຄອງເສັ້ນ ຊາຍແດນໃຫ້ກາຍເປັນເສັ້ນຊາຍແດນມິດຕະພາບ
ແລະ ການຮ່ວມມື, ຮັບປະກັນຄວາມສະຫງົບປອດໄພ ແລະ ປະຕິບັດລະບຽບຫລັກ
ການຜ່ານແດນໃຫ້ເຂັ້ມງວດ, ໃນນັ້ນ ຈະຕ້ອງໄດ້ເອົາໃຈໃສ່ຕື່ມໃນການຕ້ານ
ແລະ ສະກັດກັ້ນອາດ ຊະຍາກອນຂ້າມແດນ, ການລັກ ລອບເຂົ້າເມືອງຜິດກົດໝາຍອື່ນໆ
ແລະ ເພີ່ມທະວີວຽກງານໂຄສະ ນາ, ສຶກສາອົບຮົມ ເພື່ອຍົກສູງລະດັບຄວາມຮັບຮູ້ທາງດ້ານກົດ
ໝາຍໃຫ້ແກ່ພະນັກງານ, ລັດຖະ ກອນ ແລະ ປະຊາຊົນສອງປະເທດ,
ປະຕິບັດເຂັ້ມງວດບັນດາລະບຽບຫລັກການໃນການຄຸ້ມຄອງເສັ້ນຊາຍແດນ,
ສູ້ຊົນສ້າງເສັ້ນຊາຍແດນສອງຝ່າຍເປັນຊາຍແດນສັນຕິພາບ, ມິດຕະພາບ ແລະ
ການຮ່ວມມືທີ່ໝັ້ນຄົງ. ພ້ອມກັນນັ້ນ ກອງປະຊຸມຍັງເຫັນວ່າ
ສອງຝ່າຍຈະຕ້ອງໄດ້ເພີ່ມທະວີແລກປ່ຽນຄວາມຄິດຄວາມເຫັນ ແລະ
ຂໍ້ມູນຂ່າວສານຕ່າງໆ, ປະ ກອບສ່ວນເຂົ້າໃນການຍົກສູງຊື່ສຽງ ແລະ
ພາລະບົດບາດຂອງກັນໃຫ້ພົ້ນເດັ່ນຂຶ້ນໃນເວທີສາກົນ ແລະ ຂົງເຂດ
ແນໃສ່ຜັນຂະ ຫຍາຍປະສິດທິຜົນຂອງແນວ ທາງຕ່າງປະເທດສູນກາງພັກ,
ລັດຖະບານສອງປະເທດວາງອອກໃຫ້ປາກົດຜົນເປັນຈິງ.
No comments:
Post a Comment