ສະມາຄົມທຸລະກິດທ່ອງທ່ຽວແຂວງຈຳປາສັກ ຈັດຄາລາວານທ່ອງທ່ຽວເຂດໃຕ້ລາວ

       ມັນບໍ່ແມ່ນທຳມະດາ ທີ່ໄດ້ຮ່ວມຄາລາວານການທ່ອງທ່ຽວ ຂອງສະມາຄົມທຸລະກິດທ່ອງ ທ່ຽວແຂວງຈຳປາສັກ ໂດຍ ການ ນຳທີມຂອງທ່ານ ນາງ ສົມເບັດ ໂພສາລາດ ປະທານສະມາຄົມທຸ ລະກິດທ່ອງທ່ຽວ ແລະ ທ່ານ ນາງ ມາລາ ຮອງຫົວຫນ້າ ພະແນກຖະແຫລງຂ່າວ, ວັດທະນະ ທຳ ແລະ ທ່ອງທ່ຽວ ແຂວງຈຳ ປາສັກ ແລະ ຄະນະຄາລາວານ ຈາກ 10 ບໍລິສັດ ທີ່ເຂົ້າ ຮ່ວມເພື່ອເຊື່ອມ ຕໍ່ເສັ້ນທາງການທ່ອງທ່ຽວ ພາກພື້ນແມ່ນ້ຳຂ ອງຕອນໃຕ້ເຂດ ມະຫານະທີ ສີ່ພັນດອນ ແລະ ເວີນວັງ ປ່າຂ່າທີ່ ຫາງຄອນ ແລະ ແຫລ່ງທ່ອງທ່ຽວມະຫານະທີສີ່ພັນດອນມີອານາເຂດກວ້າງ ໃຫຍ່ຕໍ່ໃສ່ ແຂວງພະວິເຮ່ຍ ແລະ ແຂວງຊຽງແຕງເປັນແຂວງຊາຍແດນເຊື່ອມຕໍ່ສອງຟາກຝັ່ງແມ່ນ້ຳຂ ອງຕອນໃຕ້ກ່ອນທີ່ມັນຈະໄຫລລົງສູ່ ທະເລສາບອ່າວຕົງແກງ.

      ເຊົ້າມື້ນັ້ນ ວັນທີ 22 ມິຖຸນາ ກຸ່ມຄາລາວານທັງຫມົດມີ ຈຸດນັດພົບກັນຢູ່ຫ້ອງການ ຖວທ ແຂວງຈຳປາສັກ ໃນກຸ່ມ ຄາລາວານມີຂະບວນລົດ 11 ຄັນ ທັງລົດຕູ້, ລົດກະບະ ແລະ ລົດຈິບ ອື່ນໆ ໄດ້ຄ່ອຍໆເຄື່ອນຍ້າຍອອກຈາກປາກເຊມຸ່ງຫນ້າ ສູ່ບ້ານນາ ກະຊັງ ເຊິ່ງເປັນຈຸດຈອດລົດເພື່ອຂ້າມນ້ຳໄ ປບ້ານດອນເດດຄອນ ອັນເປັນສູນລວມແຫ່ງຄວາມງາມຂອງທຳມະ ຊາດທີ່ຂຶ້ນຊື່ໃນເຂດມະຫານະທີສີ່ພັນດອນຈົນບາງຄົນຕັ້ງສາຍານາມໄວ້ໃຫ້ ວ່າ : “ ເກາະບາຫລີ ແຫ່ງອິນໂດ ເນເຊຍ ” ຫລື ເປັນ “ ພັດທະຍາ ໃນປະເທດໄທ ” ບ້ານໃກ້ເຮືອນ ຄຽງເຮົານີ້ເອງ ເພາະແຫລ່ງ ທ່ອງທ່ຽວເຂດນີ້ ຈະເຫັນມີນັກທ່ອງທ່ຽວ ຈາກເອີຣົບມາທ່ຽວບໍ່ ຂາດ ທັງບ້ານເຮືອນພັກ, ໂຮງ ແຮມ ແລະ ຮ້ານອາຫານ ກໍເກີດ ຂຶ້ນຫລາຍປານດອກເຫັດ.

       ໃນມື້ທຳອິດຂອງການເດີນ ທາງດ້ວຍລົດ ເຖິງວ່າຈະຫຍຸ້ງ ຍາກແດ່ ເພາະຝົນຈະຕົກຫມົດມື້  ຈົນມືນຫູລືມຕາບໍ່ໄດ້ ການຖ່າຍ ພາບກໍເປັນອຸ ປະສັກຈາກປາກເຊ ເຖິ່ງນາກະສັງ ພວກເຮົາໃຊ້ເວ ລາແລ່ນລົດເກືອບ 4 ຊົ່ວໂມງ ຈຶ່ງ ໄປຮອດຈຸດສະ ຖານທາີ່ຝາກລົດ ເຊິ່ງເປັນຫ້ອງສູນ ຂ້ໍມູນຂ່າວສານ ຂອງສະມາຄົມທ່ອງທ່ຽວນາກະ ສັງ-ຫນອງນົກຂຽນ ແລ້ວຈາກ ນັ້ນທັງ ຫມົດກໍເດີນທາງຕໍ່ດ້ວຍເຮືອໃຫຍ່ຈຳນວນ 3 ລຳ ມຸ່ງໜ້າ ສູ່ດອນເດດແລ້ວ ຈຶ່ງໄດ້ຂຶ້ນລົດ ຮັບສົ່ງ ແລະ ບໍລິການ ໄປຍັງດອນ ຄອນໂດຍຜ່ານຂົວເບຕົງຂ້າມນ້ຳຂອງແຫ່ງທຳອິດຂອງ ເມືອງລາວ ດ້ວຍໄລຍະທາງປະ ມານ 2 ກິໂລແມັດກໍໄປເຖິງສະຖານ ທີ່ພັກຜ່ອນກິນເຂົ້າທ່ຽງ ໂດຍທາງສະມາຄົມໄດ້ເລືອກເອົາຮ້ານອາຫານ ແສງອາລຸນເປັນສະຖານທີ່ຮັບຕ້ອນຂະບວນຄາລາວານ ທຸກໆຄົນຕ່າງກໍດີໃຈທີ່ໄດ້ມາຮ່ວມເດີນທາງເປັນຄາລາວານ ແລະ ຫມູ່ຄະນະແບບນີ້ ຈົນມີສຽງເພງລຳດັງຢູ່ບໍ່ຂາດໄລຍະ ຫລັງ ຈາກພັກຜ່ອນກິນເຂົ້າທ່ຽງແລ້ວຕ່າງຄົນຕ່າງກໍ ຊອກບ່ອນພັກດ້ວຍຕົນເອງຕາມ ອັດທະຍາໄສ, ຈາກນັ້ນຈຶ່ງເດີນທາງໄປດ້ວຍ ລົດເພື່ອມຸ່ງຫນ້າສູ່ນ້ຳຕົກຕາດສົມພະນິດ ຫລື ບາງຄົນຍັງເອີ້ນກັນຕິດປາກຢູ່ວ່າ : ຫລີ່ຜີແຕ່ຄວາມຈິງແລ້ວ ຄຳວ່າ “ ຫລີຜີ ” ນັ້ນ ແມ່ນກວມເອົາໝົດທັງຕາດ ເຊ່ັນ : ຕາດເຫວ ແລະ ທຸກໆຮູນ້ຳຕົກ ລວມເຖິງຄອນພະເພງປະມານ 23 ແຫ່ງ ໃນເຂດ ມະຫານະທີສີ່ພັນດອນ.

       ຫລັງຈາກກິນເຂົ້າທ່ຽວ ແລ້ວ ບາງພາກສ່ວນກໍເດີນທາງ ຕໍ່ໄປໃຫ້ເຖິງຕາດຄອນສົມພະ ນິດ ເພື່ອຊົມຄວາມງາມຂອງນ້ຳ ຕົກຕາດໃນໄລຍະດູຝົນ  ແລ້ວໃນຕອນແລງໄດ້ມີງານລ້ຽງ ແລະ ສ້າງສັນສາມັກຄີ ໂດຍມີຄວາມມ່ວນຊື່ນລື່ນເລີງໃນຍາມ ຄຳ່ຄືນຢູ່ເດີ່ນຄອນສົມພະມິດມີອາຫານຈາກປານ້ຳຂອງສົດໆທີ່ເພິ່ນຊອກຫາ ແລະ ກະກຽມມາໄວ້ໃຫ້ ກຸ່ມນັກທ່ອງທ່ຽວ ໄດ້ກິນໄດ້ແກ້ມມີທັງປິ່ນງົວ, ຫລັງຈາກກິນເຂົ້າໃຕ້ສຽງຕະກຽງໂຄມປະສານດອກໄຟຫລອດນ້ອຍໆ  ແລະ ກອງໄຟໃຫຍ່ ໃນນັ້ນມີທັງສຽງເພງສົດຈາກຄາລາໂອເກະ ແລະ ລຳວົງດ້ວຍລີລາ ແລະ ຈັງຫວະລິ່ມເປີລ໊ອກ ແລະ ຈັງຫວະບັດສະ ຫລົບ ດ້ວຍຄວາມເບີກບານມ່ວນຊື່ນກ່ອນຈະອຳລາຈາກກັນໃນມື້ໃຫມ່.