ລາວ-ຈີນ ເສີມຂະຫຍາຍການຮ່ວມມືວຽກງານໂທລະພາບ

           ໃນວັນທີ 15 ສິງຫານີ້, ສະຖານີໂທລະພາບແຫ່ງຊາດລາວ ແລະ ສະຖານີວິທະ ຍຸໂທລະພາບສາກົນ ແຂວງຢູນນານ ສປ ຈີນ ໄດ້ຮ່ວມລົງນາມໃນບົດບັນທຶກການຮ່ວມ ມືດ້ານວິຊາການຢູ່ນະຄອນຫລວງວຽງຈັນ ລະຫວ່າງ ທ່ານ ດຣ ບຸນຈອມ ວົງເພັດ ຜູ້ອຳ ນວຍການສະຖານີໂທລະພາບແຫ່ງຊາດລາວ ແລະ ທ່ານ ລີ ຈຽນ ເຊິນ ຫົວໜ້າບັນນາ ທິການໃຫຍ່ວິທະຍຸໂທລະພາບສາກົນແຂວງຢູນນານ, ມີພະນັກງານວິຊາການທີ່ກ່ຽວ ຂ້ອງທັງສອງ ຝ່າຍເຂົ້າຮ່ວມເປັນສັກຂີພະຍານ.            

           ໃນບົດບັນທຶກການຮ່ວມ ມືດັ່ງກ່າວ ໄດ້ລະບຸວ່າ:ສອງຝ່າຍຈະຮ່ວມມືກັນຜະ ລິດລະຄອນໂທລະພາບ, ສາ ລະຄະດີປະຫວັດສາດ, ຮ່ວມກັນຈັດຄອນ ເສີດຕ້ອນ ຮັບ ບຸນປີໃໝ່ຈີນ 2014 ຢູ່ປະເທດລາວ, ການນຳເອົາສັນ ຍານໂທລະພາບຂອງຊ່ອງສະ ຖານີວິທະຍຸໂທລະພາບສາກົນ ແຂວງຢູນນານ ມາອອກອາກາດທາງໂທລະພາບດີຈີ ຕອນລາວ ແລະ ການສະໜັບສະໜູນໃຫ້ ສະຖານີວິທະຍຸໂທລະພາບສາກົນ ແຂວງຢູນນານ ມາຕັ້ງສຳນັກງານຜູ້ຕາງ ໜ້າຢູ່ ສປປ ລາວ. ພ້ອມນີ້ ຝ່າຍຈີນ ຍັງຈະຊ່ວຍຍົກ ລະດັບຄວາມຮູ້ວິຊາການໃຫ້ແກ່ພະນັກງານໂທລະພາບລາວ ດ້ານຕ່າງໆ.        

       ສະຖານີວິທະຍຸໂທ ລະພາບ ສາກົນແຂວງຢູນນານ ມີສະຖານີ ໂທລະພາບ 10 ຊ່ອງ ແລະ ວິທະຍຸ 11 ຊ່ອງ,  ການອອກ ອາກາດສາມາດກວມເອົາ 80% ຂອງຈຳ ນວນປະຊາກອນທົ່ວປະເທດ.

            ການຮ່ວມມືກັນຂອງທັງສອງສະຖານີດັ່ງກ່າວເປັນຂີດໝາຍອັນດີ ໃນການພັດທະນາວຽກງານໂທລະ ພາບສອງປະ ເທດໃຫ້ນັບມື້ ຂະຫຍາຍຕົວແລະກວ້າງຂວາງຍິ່ງໆຂຶ້ນ.