ຊົມເຊີຍຜົນສຳເລັດມະຫະກຳກິລາມະຫາວິທະຍາໄລອາຊຽນຄັ້ງ ທີ 16 ຫລາຍກົມກອງ ແລະ ບຸກຄົນດີເດ່ັນໄດ້ຮັບ ຫລຽນໄຊ ແລະ ຍ້ອງຍໍ

        ມະຫະກຳກິລາມະຫາວິທະຍາໄລ ອາຊຽນ ຄັ້ງທີ 16 ທີ່ ສປປ ລາວ ໄດ້ຮັບ ກຽດເປັນເຈົ້າພາບຈັດໃນປີ 2012 ໄດ້ສຳເລັດຜົນຢ່າງຈົບງາມຍ້ອນໄດ້ຮັບການປະ ກອບສ່ວນຢ່າງຕັ້ງໜ້າຂອງ ກຳມະການຝ່າຍຕ່າງໆ ແລະ ນັກກິລາ. ດັ່ງ ນັ້ນເພື່ອຍ້ອງ ຍໍຜົນງານດັ່ງກ່າວ, ຄະນະກຳມະການຈັດມະຫະກຳກິລາຄັ້ງນີ້ ຈຶ່ງໄດ້ຈັດພິທີປະດັບ ຫລຽນໄຊແຮງງານ, ຫລຽນກາແຮງງານ ແລະ ໃບຍ້ອງຍໍລັດຖະບານໃຫ້ບັນດາກົມ ກອງລວມໝູ່ ແລະ ບຸກຄົນດີເດັ່ນທ່ີປະກອບສ່ວນ ຢ່າງສົມກຽດຂຶ້ນໃນວັນທີ 15 ສິງຫານີ້ ຢູ່ມະຫາວິທະຍາໄລແຫ່ງຊາດ (ດົງ ໂດກ) ໂດຍການໃຫ້ກຽດເຂົ້າຮ່ວມຂອງ ທ່ານ ດຣ. ພັນຄຳ ວິພາວັນ ກຳມະການກົມການ ເມືອງສູນກາງພັກ, ລັດຖະມົນຕີວ່າການກະຊວງສຶກສາທິການ ແລະ ກິລາ ທັງເປັນປະທານຈັດມະຫະກຳກິລາມະຫວິທະຍາໄລອາຊຽນ ຄັ້ງທີ 16, ພ້ອມນັ້ນ ກໍມີ ທ່ານ ສຈ.ດຣ ສຸກກົງແສງ ໄຊຍະ ເລີດອະທິ ການບໍດີມະຫາວິທະຍາໄລແຫ່ງຊາດ, ຜູ້ປະຈຳການຮອງປະທານການຈັດມະຫະ ກຳກິ ລາມະຫາວິທະຍາໄລອາຊຽນ ຄັ້ງທີ 16, ມີບັນດາລັດຖະມົນຕີຊ່ວຍວ່າການ, ຫົວໜ້າກົມ,  ຮອງກົມພ້ອມດ້ວຍພະນັກງານຜູ້ໄດ້ຮັບຍ້ອງຍໍຈາກພາກ ສ່ວນຕ່າງໆເຂົ້າຮ່ວມເປັນຈໍານວນຫລາຍ.                  

          ໃນພິທີ, ທ່ານ ສຈ. ດຣ ສຸກ ກົງແສງ ໄຊຍະເລີດ ໄດ້ລາຍງານ ຜົນສຳເລັດ ໂດຍຍົກໃຫ້ເຫັນວ່າ: ສປປ. ລາວ ສາມາດຍາດໄດ້ຜົນ ສຳເລັດ ຫລາຍ ດ້ານສາມາດເອກ ອ້າງໃຫ້ແກ່ແຂກທັງພາຍໃນ ແລະ ຕ່າງປະເທດທ່ີເຂົ້າ ຮ່ວມການ ແຂ່ງຂັນໄດ້ຢ່າງໜ້າພາກພູມໃຈ. ຈາກຜົນສຳເລັດດັ່ງກ່າວ, ລັດຖະ ບານ ຈຶ່ງໄດ້ຕົກລົງເຫັນດີປະດັບ ຫລຽນໄຊແຮງງານຊັ້ນ I ໃຫ້ 6 ກົມກອງ ແລະ ບຸກຄົນຈຳນວນ 200 ທ່ານ, ຫລຽນໄຊແຮງງານ ຊັ້ນ II ໃຫ້ 25 ກົມກອງ ແລະ ບຸກຄົນ 748 ທ່ານ, ຫລຽນໄຊແຮງ ານ ຊັ້ນ III ໃຫ້ 9 ກົມກອງ ແລະ ບຸກຄົນ 869 ທ່ານ, ຫລຽນ ກາແຮງງານໃຫ້ 16 ກົມກອງ ແລະ ບຸກຄົນ 1.191 ທ່ານ, ໃບຍ້ອງຍໍລັດຖະບານ 21 ກົມກອງ ແລະ ບຸກຄົນ 3.355 ທ່ານ.              

      ໃນໂອກາດອັນສະຫງ່າລາສີ ນີ້, ທ່ານ ດຣ.ພັນຄຳ ວິພາວັນ ກຳມະການກົມການເມືອງສູນກາງພັກ, ລັດຖະມົນ ຕີກະຊວງສຶກສາທິການ, ປະທານຈັດມະຫະກຳກິລາມະຫາວິທະຍາໄລອາຊຽນ ຄັ້ງທີ 16 ໄດ້ມີຄຳ ເຫັນຕໍ່ພິທີວ່າ: ການຈັດມະຫະກຳກິລາດັ່ງກ່າວ ແມ່ນມີຄວາມໝາຍສຳ ຄັນຍິ່ງ ເພາະເປັນຊ່ວງໄລຍະທີ່ທົ່ວພັກ, ທ່ົ່ວປວງຊົນລາວ ທັງຊາດ ພວມອອກແຮງງານແຂ່ງຂັນກັນຜັນຂະຫຍາຍເນື້ອໃນຈິດໃຈມະຕິກອງປະຊຸມໃຫຍ່ຄັ້ງທີ IX ຂອງ ພັກ ແລະ ວຽກງານກິລາກາຍະກຳກໍແມ່ນກິດຈະກຳໜຶ່ງໃນ ການພັດທະນາຊັບພະຍາກອນມະນຸດ ແລະ ເປັນການເຝິກ ຝົນຫລໍ່ຫລອມສຸຂະພາບພາລະນາ ໄມ ແລະ ຈິດ ໃຈໃຫ້ເຂັ້ມແຂງ ຮອບດ້ານ ແລະ ອີກດ້ານໜຶ່ງການຈັດມະຫະ ກຳກິລາມະຫາວິທະຍາໄລອາຊຽນ ຄັ້ງນີ້ກໍເພື່ອເສີມສ້າງຄວາມສາມັກຄີ, ຄວາມເປັນມິດໄມຕີລະຫວ່າງນັກສຶກສາ ມະຫາວິທະຍາໄລ ຂອງບັນດາປະເທດໃນອາຊຽນ ໃຫ້ຈະເລີນງອກງາມຍິ່ງຂຶ້ນ ແລະ ທ່ານລັດຖະມົນຕີວ່າການກະ ຊວງສຶກສາທິການ ແລະ ກິລາເວົ້າ ເນັ້ນວ່າ: ຜົນສຳເລັດດ່ັງກ່າວແມ່ນຍ້ອນຄວາມເອົາໃຈໃສ່ຂອງຄະນະກຳມະການ ຊີ້ນຳລະດັບຊາດ, ກຳມະການຝ່າຍຕ່າງໆ, ພ້ອມອານຸກຳມະການ, ແຮງງານ ແລະ ອາສາສະໝັກນັກຮຽນ-ນັກສຶກ ສາ, ຄູອາຈານ, ພະນັກງານ, ທະຫານ, ຕຳຫລວດ ແລະ ປະຊາຊົນ ນະຄອນຫລວງວຽງຈັນ ໄດ້ພ້ອມກັນເປັນ ເຈົ້າ ພາບທ່ີດີ ເຮັດໃຫ້ງານມະຫະກຳກິລາດັ່ງກ່າວມີຜົນສຳເລັດສູງສາມາດເອກອ້າງໃຫ້ແຂກທັງພາຍໃນ ແລະ ຕ່າງປະ ເທດທີ່ເຂົ້າຮ່ວມການແຂ່ງຂັນໄດ້ຢ່າງພູມໃຈໂດຍໄດ້ຂະໜານນາມວ່າ ເປັນແບບຢ່າງທີ່ດີເລີດໃຫ້ແກ່ມະຫະກຳກິລາ ມະຫາວິທະຍາໄລອາຊຽນຄັ້ງຕໍ່ໆໄປ.