ກະຊວງຍຸຕິທຳ ໄດ້ສະເໜີລັດ ຖະບານ ເພື່ອຂໍອະນຸມັດສ້າງຕັ້ງ
ສະຖາບັນຝຶກ ອົບຮົມແຫ່ງຊາດ ໃນເດືອນມີນາ 2013 ແລະ ປັດຈຸ ບັນພວມຢູ່ໃນໄລຍະລໍຖ້າ ການ ພິຈາລະນາຊຶ່ງຄາດວ່າຈະໄດ້ສ້າງຂຶ້ນໃນທ້າຍປີ 2014.
ລັດຖະບານລາວ ແລະ ບັນ ດາຄູ່ຮ່ວມພັດທະນາ
ໄດ້ຈັດຊຸດ ສຳມະນາ ພາຍໃຕ້ຫົວຂໍ້ “ ການສ້າງຕັ້ງສະຖາບັນຝຶກອົບ ຮົມສຳລັບພະນັກງານໃນຂົງເຂດຍຸຕິທຳ
ແລະ ນັກວິຊາຊີບກົດໝາຍ ” ໃນວັນທີ 28 ຕຸລາ 2013 ນີ້ ທີ່ຫໍປະ ຊຸມແຫ່ງຊາດ ນະຄອນຫລວງວຽງຈັນ
ເພື່ອພັດທະນາບຸກຄະລາກອນໃນຂະແໜງຍຸຕິທຳ ແລະ ກົດໝາຍ ຢູ່ ສປປ. ລາວ ໂດຍການເປັນປະທານຮ່ວມຂອງທ່ານ
ສຈ. ເກດ ກຽດຕິສັກ ລັດຖະມົນຕີຊ່ວຍວ່າການກະຊວງຍຸຕິທຳ; ທ່ານນາງ ເມລານີ ບຣາຍ ຜູ້ຮັບ
ຜິດຊອບຝ່າຍຮ່ວມມືສະຫະພາບເອີຮົບ ປະຈຳ ສປປ. ລາວ ແລະ ທ່ານນາງ ຊຸດາ ກູຕີ ຜູ້ຊ່ວຍຜູ້
ຕາງໜ້າອົງ ການສະຫະປະຊາຊາດເພື່ອການພັດທະນາ ປະຈຳ ສປປ. ລາວ ແລະ ມີພາກສ່ວນທີ່ກ່ຽວຂ້ອງເຂົ້າຮ່ວມ.
ໃນໂອກາດດັ່ງກ່າວ ບັນດາ ທ່ານປະທານ
ໄດ້ຜັດປ່ຽນກັນຂຶ້ນມີຄວາມເຫັນ ຊຶ່ງທ່ານ ສຈ. ເກດ ກຽດຕິສັກ ໄດ້ເນັ້ນ ເຖິງຄຳໝັ້ນສັນຍາ ຂອງກະຊວງຍຸຕິທຳ
ໃນການຍົກລະດັບຄວາມສາມາດຂອງບຸກຄະລາກອນໃນຂະແໜງກົດໝາຍ ແລະ ຄວາມຈຳເປັນຂອງການສືບຕໍ່ໃຫ້ການສະໜັບສະໜູນ
ຂອງບັນດາຄູຮ່ວມພັດ ທະນາ ແລະ ສະເໜີກ່ຽວກັບແຜນການໃນການສ້າງສະຖາບັນຝຶກອົບຮົມວຽກງານຍຸຕິທຳແຫ່ງຊາດ.
ສ່ວນທ່ານນາງ ຊຸດາ ກູຕີ ກໍໄດ້ເນັ້ນໜັກເຖິງຄວາມສຳຄັນ ຂອງການປະສານງານກັນ
ລະ ຫວ່າງ ອົງການຈັດຕັ້ງທີ່ມີສ່ວນຮ່ວມຕ່າງໆຢູ່ໃນຂະແໜງກົດ ໝາຍ ຊຶ່ງເປັນໂອກາດທີ່ດີໃນ
ການ ສະແດງໃຫ້ເຫັນ ເຖິງຄຳ ໝັ້ນສັນຍາຕໍ່ຖະແຫລງການວຽງ ຈັນ ວ່າດ້ວຍປະສິດທິພາບຂອງ ການຊ່ວຍເຫລືອ.
ເມື່ອມີການ ສ້າງຕັ້ງສະຖາບັນແລ້ວ ສິ່ງສຳ ຄັນຕ້ອວຮັບປະກັນ ຄຸນນະພາບ ຂອງການຮຽນ-ການສອນ
ລວມ ທັງຫລັກ ສູດ ໃນລະດັບທີ່ດີສຳ ລັບຜູ້ພິພາກສາ, ໄອຍະການ ແລະ ນັກກົດໝາຍ ທົ່ວປະ ເທດ.
ສຳລັບທ່ານນາງ ເມລານີ ບຣາຍ ກໍໃຫ້ຮູ້ວ່າ:
ສະຖາບັນຝຶກອົບຮົມແຫ່ງຊາດທີ່ຈະສ້າງຂຶ້ນໃໝ່ນີ້ ຈະເນັ້ນໃສ່ການພັດທະ ນາພະນັກງານ
ໃຫ້ກາຍເປັນຜູ້ພິພາກ ສາ, ໄອຍາການ ແລະ ນັກກົດ ໝາຍ ຊຶ່ງສະຖາບັນແຫ່ງນີ້ ເປັນສະຖາບັນຝຶກອົບຮົມທາງດ້ານກົດໝາຍ
ທີ່ເປັນສູນລວມແຫ່ງທຳອິດຢູ່ ສປປ. ລາວ ທຸກວິຊາຮຽນທີ່ກ່ຽວຂ້ອງ ຈະປະກອບເຂົ້າເປັນຫລັກ
ສູດຂອງການຝຶກອົບຮົມ.
No comments:
Post a Comment