ກອງປະຊຸມຄົບຄະນະເປີດ ກວ້າງຂອງຄະນະກຳມາທິການ ເພື່ອສົ່ງເສີມຄວາມ ກ້າວໜ້າຂອງແມ່ຍິງແຫ່ງຊາດ ປະຈຳສົກປີ 2012-2013 ໄດ້ໄຂຂຶ້ນໃນຕອນ ເຊົ້າ ວັນທີ
28 ຕຸລານີ້ ຢູ່ຫ້ອງວ່າການລັດຖະບານ ພາຍໃຕ້ການ ເປັນປະທານຂອງທ່ານ ນາງ ເຂັມ ແພງ ພົນເສນາ
ລັດຖະມົນຕີປະ ຈຳຫ້ອງວ່າການລັດຖະບານ, ປະທານ ຄະນະກຳມາທິການເພື່ອຄວາມກ້າວໜ້າຂອງແມ່ ຍິງແຫ່ງຊາດ,
ຄະນະກຳມາທິ ການເພື່ອ ສົ່ງເສີມຄວາມກ້າວໜ້າຂອງແມ່ຍິງກະຊວງ, ອົງການ, ແຂວງ ແລະ ນະຄອນຫລວງ
ເຂົ້າຮ່ວມ.
ໃນກອງປະຊຸມ, ຜູ້ເຂົ້າຮ່ວມ ໄດ້ຮັບຟັງລາຍງານການຈັດຕັ້ງ
ປະຕິບັດວຽກງານຂອງຂະແໜງການໃນດ້ານຕ່າງໆເປັນຕົ້ນ ການເຊື່ອມບົດບາດຍິງ-ຊາຍ ແລະ ການສົ່ງເສີມຄວາມກ້າວໜ້າ
ຂອງແມ່ຍິງຕິດພັນກັບການບັນລຸເປົ້າໝາຍສະຫັດສະວັດດ້ານ ການ ພັດທະນາຂອງຂະແໜງການ ກໍຄືບົດຮຽນໃນການຈັດຕັ້ງປະຕິບັດຂະບວນການແຂ່ງຂັນສ້າງຄອບຄົວ
ແລະ ບ້ານພັດທະ ນາຕິດພັ ກັບການປະຕິບັດສິດສະເໜີພາບ ຍິງ-ຊາຍ ແລະ ປາສະຈາກການ ໃຊ້ຄວາມຮຸນແຮງໃນຄອບຄົວ
ໂດຍສະເພາະຕໍແມ່
ຍິງ ແລະ ເດັກນ້ອຍຂອງບາງທ້ອງຖິ່ນ. ຈາກນັ້ນ ຜູ້ເຂົ້າຮ່ວມໄດ້ປະກອບຄຳຄິດເຫັນຕໍ່ບັນຫາທີ່ເປັນອຸປະສັກ
ແລະ ສິ່ງທ້າທາຍ ເພື່ອເປັນພື້ນຖານໃນການກຳນົດມາດຕະຖານອັນຈຳເປັນແນໃສ່ໃຫ້ການຈັດຕັ້ງ ປະຕິບັດແຜນຍຸດທະສາດແຫ່ງຊາດເພື່ອສົ່ງ
ເສີມຄວາມກ້າວໜ້າຂອງແມ່ຍິງມີຜົນສຳເລັດຕາມຄາດໝາຍທີ່ວາງໄວ້ ແລະ ເປັນພື້ນຖານແກ່ການກຳນົດວຽກງານໃນຊຸມປີ
ຕໍ່ໜ້າ. ພ້ອມນີ້, ກອງປະຊຸມໄດ້ເຫັນດີເປັນເອກະພາບຮັບຮອງເອົາບົດສະຫລຸບກາງສະໄໝຂອງແຜນພັດທະນາ
ຍຸດທະສາດແຫ່ງຊາດ ເພື່ອສົ່ງເສີມຄວາມກ້າວໜ້າແມ່ຍິງ 5 ປີ ຄັ້ງທີ II
(2011-2015) ແລະ ແຜນ ການທ້າຍສະໄໝ, ບົດສະຫລຸບການເຄື່ອນໄຫວຈັດຕ້ັງປະຕິບັດວຽກງານສົ່ງເສີມຄວາມກ້າວ
ໜ້າແມ່ຍິງປະຈຳສົກປີ 2012- 2013 ແລະ ແຜນການເຄື່ອນໄຫວປະຈຳສົກປີ 2013-2014
ເພື່ອໃຫ້ ຄກມ ທົ່ວປະເທດນຳໄປຜັນຂະ ຫຍາຍ ເພື່ອຮັບປະກັນໃຫ້ການ ປະສານງານ,
ການຊຸກຍູ້ຕິດຕາມ ກວດກາ, ການສະຫລຸບລາຍງານ ແລະ ການຖອດຖອນບົດຮຽນວຽກງານສົ່ງເສີມຄວາມກ້າວ
ໜ້າແມ່ຍິງ, ຄວາມສະເໝີພາບຍິງ-ຊາຍໃຫ້ເປັນປົກກະຕິຕໍ່ເນື່ອງ. ຄຽງຄູ່ກັບການເອົາໃຈໃສ່ໂຄສະນາເຜີຍແຜ່
ແລະ ສ້າງຂະບວການຕ່າງໆ ເພື່ອປູກຈິດສຳ ນຶກໃຫ້ສັງຄົມມີຄວາມເຂ້ົາໃຈ ກ່ຽວກັບສິດສະເໝີພາບລະຫວ່າງ
ຍິງ-ຊາຍ, ສ້າງໂອກາດໃຫ້ທຸກຄົນໃນສັງຄົມໄດ້ເຂົ້າຮ່ວມການພັດທະນາ, ດຳລົງຊີວິດ
ແລະ ເຄື່ອນໄຫວຂະບວນການຕ່າງໆຕາມກົດໝາຍ ແລະ ລະບຽບການຂອງບ້ານເມືອງ ແລະ ສູ້ຊົນສ້າງເງ່ືອນໄຂໃຫ້ແມ່ຍິງໄດ້ຮັບການຍົກລະດັບໃນທຸກດ້ານ
ເພື່ອເພີ່ມຄວາມສາມາດດ້ານວິຊາການໃຫ້ນັບມື້ສູງຂຶ້ນ. ສິ່ງສຳຄັນຕ້ອງເອົາໃຈໃສ່ແກ້ໄຂອຸປະສັກຕ່າງໆ
ເພື່ອສ້າງໂອກາດໃຫ້ແມ່ຍິງ, ເດັກຍິງ ໄດ້ມີໂອກາດເຂົ້າເຖິງການບໍລິການຕ່າງໆທາງສັງຄົມເປັນຕົ້ນການສຶກສາ,
ສາທາລະນະສຸກ, ແຮງງານ-ສະຫວັດດີການສັງຄົມ ແລະ ອື່ນໆ.
No comments:
Post a Comment