ຈັດຂະບວນຂີ່ລົດຖີບປອດໄພ

        ໃນວັນທີ 25 ຕຸລານີ້ ຢູ່ສວນເຈົ້າອະນຸວົງ ໄດ້ຈັດກິດຈະກຳຂີ່ລົດຖີບຈາກນັກຮຽນ ແລະ ມວນຊົນ ເພື່ອໂຄສະນາການ ປ້ອງກັນອຸປະຕິເຫດໂດຍການໃສ່ໝວກກັນກະທົບ ແລະ ຖືວັດສະດຸສະທ້ອນແສງ ໂດຍການເຂົ້າຮ່ວມຂອງ​ເຈົ້າໜ້າທີ່ກົມຂົນ ສົ່ງກະຊວງ ຍທຂ ເຊິ່ງມີນັກຖີບລົດຈາກສະມາຄົມຂີ່ລົດຖີບແລະນັກຮຽນໂຮງຮຽນຕ່າງໆ​ໃນນະຄອນຫຼວງວຽງຈັນເຂົ້າຮ່ວມ ຢ່າງຫຼວງຫຼາຍ.

             ​ເຈົ້າໜ້າທີ່ກົມ​ຂົນ​ສົ່ງ ໃຫ້ ຮູ້ວ່າ:ກິດຈະກຳດັ່ງກ່າວແມ່ນກະຊວງ ຍທຂ ແລະ ອົງການ ອະນາໄມໂລກ ຮ່ວມກັນຈັດ ຂຶ້ນເພື່ອສົ່ງເສີມໃຫ້ສັງຄົມໄດ້ມີຄວາມຕື່ນໂຕໃນການຂີ່ລົດຖີບທີ່ປອດໄພເປັນຕົ້ນແມ່ນການໃສ່ໝວກກັນກະທົບ ແລະ ຖືວັດ ສະດຸສະທ້ອນແສງໃນຍາມກາງຄືນ ເຊິ່ງຊ່ວຍໃນການເບິ່ງເຫັນ ແລະ ເຕືອນໃຫ້ຜຸ້ໃຊ້ຖະໜົນມີສະຕິ. ກິດຈະກຳດັ່ງກ່າວໄດ້ ມີການຂັບຂີ່ລົດຖີບໄປຕາມເສັ້ນທາງເຈົ້າອານຸວົງຫາສາມແຍກໂຮງຮຽນເຕັກນິກລາວ-ເຢຍລະມັນ ແລະ ກັບຄືນແຄມຂອງ ເຊິ່ງຫວັງວ່າການຈັດກິດຈະກຳນີ້ ຈະຊ່ວຍເຮັດໃຫ້ການເສຍຊີວິດຈາກອຸປະຕິເຫດຕາມຖະໜົນຫຼຸດລົງ.

         ຜູ້​ລາຍ​ງານ​ໃຫ້​ຮູ້ວ່າ: ປັດຈຸບັນສະພາບອຸປະຕິເຫດຢູ່​ລາວເຫັນວ່າມີຫລາຍ ແລະ ມີຜູ້ເສຍຊີວິດຫຼາຍຂຶ້ນສະເລ່ຍແຕ່ລະ ປີເພີ່ມຂຶ້ນ 7% ແລະ ປະມານ 80% ຂອງຜູ້ຂັບຂີ່ແມ່ນບໍ່ປະຕິບັດລະບຽບເປັນຕົ້ນແມ່ນຂີ່ລົດໄວ, ດື່ມສິ່ງມຶນເມົາ ເຊິ່ງນອກ ຈາກນີ້ກໍຍັງແມ່ນກຸ່ມທີ່ຂີ່ລົດຖີບໂດຍບໍ່ຖືວັດສະດຸສະທ້ອນແສງໃນຍາມກາງຄືນ ເຊິ່ງເຮັດໃຫ້ຜູ້ຂັບຂີ່ເບິ່ງບໍ່ເຫັນ ແລະ ເກີດອຸ ປະຕິເຫດ. ສະນັ້ນ ຈຶ່ງຕ້ອງການໃຫ້ມີການໂຄສະນາຫຼາຍຂຶ້ນ, ຂະນະດຽວກັນແຕ່ນີ້ ຮອດປີ 2020, ຄະນະກຳມະການຄຸ້ມ ຄອງຄວາມປອດໄພທາງຖະໜົນກໍໄດ້ມີແຜນສະກັດກັ້ນອຸປະຕິເຫດໃຫ້ຫຼຸດລົງ 50% ທັງຈຳນວນຜູ້ເສຍຊີວິດໂດຍຈະເລັ່ງ​ໃສ່ ການໂຄສະນາໃສ່ໝວກກັນກະທົບ, ດື່ມບໍ່ຂັບ, ການໃສ່ສາຍນິລະໄພ, ການກຳນົດຄວາມໄວ, ໄລຍະແນມເຫັນ ແລະ ແສງສະ ຫວ່າງເຊິ່ງເປັນແຜນການທີ່ຈະຊ່ວຍຫຼຸດຜ່ອນບັນຫາອຸປະຕິເຫດ ແລະ ຜູ້ເສຍຊີວິດລົງ.