ການກ້າວສູ່ປະຊາຄົມເສດຖະກິດອາຊຽນ
(AEC) ໃນປີ 2015 ໄດ້ເລັ່ງໃຫ້ພາກລັດ ແລະ ເອກະຊົນຕ້ອງມີຄວາມພ້ອມ ແລະ ກຳນົດບັນດາເງື່ອນໄຂທ່າແຮງຕ່າງໆເພື່ອຈະນຳໄປສູ່ການເຊື່ອມໂຍງກັບປະເທດສະມາຊິກອາຊຽນດ້ວຍກັນ
ແລະ ຂະແໜງຄົມມະນາຄົມແມ່ນຂະແໜງການໜຶ່ງທີ່ຕ້ອງໄດ້ມີການປັບປຸງໃຫ້ໄດ້ມາດ ຕະຖານ
ສາມາດເຊື່ອມໂຍງກັບພາກພື້ນ.
ທ່ານ ຄຳມູນ ບົວພັນ ຫົວ ໜ້າຫ້ອງການກອງເລຂາຂົນສົ່ງແຫ່ງຊາດ
ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ກ່າວວ່າ: ການກ້າວສູ່ປະຊາຄົມເສດ
ຖະກິດອາຊຽນໃນປີ 2015 ສຳລັບຂະແໜງການຄົມມະນາຄົມຂົນສົ່ງຂອງພວກເຮົານີ້ແມ່ນມີບັນຫາທ້າທາຍຫລາຍສົມຄວນໃນການເຊື່ອມໂຍງດັ່ງກ່າວ
ເນື່ອງຈາກວ່າລະບົບພື້ນຖານໂຄງລ່າງດ້ານການຄົມມະນາ ຄົມຂອງເຮົາຍັງບໍ່ມີມາດຕະຖານດີ
ເມື່ອທຽບກັບປະເທດໃກ້ຄຽງ ໂດຍສະເພາະບັນຫາເສັ້ນທາງ ປັດຈຸບັນພວກເຮົາໄດ້ກຳນົດເອົາ
5 ເສັ້ນທາງເປີດໃຫ້ນຳໃຊ້ໃນຂອບອາຊຽນ ຄືເສັ້ນທາງ R3, ທາງເລກ 13 ເໜືອ-13ໃຕ້,
ທາງເລກ 8 ແລະ ທາງເລກ 9, ໃນນັ້ນ ມີພຽງເສັ້ນ ທາງ R3 ແລະ
ທາງເລກ 9 ທີ່ໄດ້ມາດຕະຖານຂອງອາຊຽນ,
ສ່ວນທີ່ເຫລືອແມ່ນຈະຕ້ອງໄດ້ມີການປັບປຸງຍົກລະດັບ ເພື່ອໃຫ້ໄດ້ມາດຕະຖານດີຂຶ້ນ
ແລະ ສາມາດຮອງຮັບນ້ຳໜັກຂອງລົດບັນທຸກສິນຄ້າຂອງບັນດາປະເທດສະມາຊິກອາຊຽນທີ່ຈະຜ່ານເຂົ້າ-ອອກລາວໄດ້ສະດວກຂຶ້ນຕື່ມ.
ທ່ານຫົວໜ້າຫ້ອງການກອງເລຂາຂົນສົ່ງແຫ່ງຊາດ
ກ່າວວ່າ: ຜ່ານມາພວກເຮົາໄດ້ຈັດການເຜີຍແຜ່ເປັນໄລຍະ ເພື່ອໃຫ້ພາກລັດ ແລະ
ເອກະຊົນຜູ້ປະ ກອບການຂົນສົ່ງມີຄວາມເຂົ້າໃຈຕໍ່ບັນດາຂອບການຮ່ວມມືຂອງອາຊຽນໃນຂົງເຂດວຽກງານຄົມ
ມະນາຄົມຂົນສົ່ງ ເຊິ່ງມີສັນຍາ ແລະ ອະນຸສັນຍາການຮ່ວມມືຕ່າງໆປະມານ 11 ສະບັບ
ທີ່ກຳ ນົດກ່ຽວກັບວຽກການຂົນສົ່ງທີ່ພວກເຮົາໄດ້ເຂົ້າຮ່ວມ ແລະ ຈັດ ຕັ້ງປະຕິບັດເຊັ່ນ:
ການຂົນສົ່ງຂ້າມແດນລະຫວ່າງປະເທດ, ການຂົນສົ່ງຫລາຍຮູບແບບ, ການອຳນວຍຄວາມສະດວກໃນການຂົນສົ່ງ,
ມາດຕະຖານຂອງລົດ, ເງື່ອນໄຂການສ້າງຕັ້ງບໍລິ ສັດຂົນສົ່ງ, ການຂົນສົ່ງສິນຄ້າອັນຕະລາຍ
ແລະ ອື່ນໆ, ສ່ວນສັນ ຍາການຂົນສົ່ງຫລາຍຮູບແບບ ແລະ ອະນຸສັນຍາທີ 6 ກ່ຽວກັບທາງລົດໄຟແມ່ນພວກເຮົາຍັງບໍ່ທັນໄດ້ໃຫ້ສັດຕະຍາບັນ.
ທ່ານຫົວໜ້າຫ້ອງການກອງເລຂາການຂົນສົ່ງແຫ່ງຊາດ
ກ່າວວ່າ: ສິ່ງທ້າທາຍສຳລັບຂະແໜງໂຍທາທິການ ແລະ ຂົນສົ່ງໃນການເຂົ້າເປັນປະຊາຄົມອາຊຽນບໍ່ສະເພາະແຕ່ເສັ້ນທາງທີ່ບໍ່ໄດ້ມາດຕະຖານເທົ່ານັ້ນ,
ແຕ່ຍັງມີຫລາຍປັດໄຈອ່ອນນ້ອຍເຊັ່ນ: ດ້ານອຸປະກອນພາຫະນະການຂົນສົ່ງມີຈຳກັດ
ແລະ ບໍ່ທັນສະໄໝ, ບຸກຄະລາກອນມີຈຳກັດ ແລະ ງົບ ປະມານຍັງບໍ່ພຽງພໍໃນການຍົກລະດັບວຽກງານດັ່ງກ່າວໃຫ້ຮັບ
ປະກັນດີ.
No comments:
Post a Comment