ໃນວັນທີ 30 ຕຸລາຜ່ານມາຢູ່ສູນສອນພາສາອັງກິດ
ຊີອີເອ ບ້ານໂພນຄຳ ເມືອງ ສີໂຄດຕະບອງ ນະຄອນຫຼວງວຽງຈັນ ໄດ້ຈັດກິດຈະກຳຮ່ວມສະແດງສິນລະປະແລກປ່ຽນວັດທະນະທຳ
ກັບບັນ ດານັກສຶກສາ ແລະ ອາສາສະ ໝັກຈາກໂຮງຮຽນມັດທະ ຍົມ ເຊັງ ໄມໂຄ ຄໍຈີເອັດຈ໌
ປະເທດອົດສະຕາລີ ເຊິ່ງນຳໂດຍ ທ່ານ ນາງ ພອນວິໄລ ມິ່ງມາໄລ ອຳນວຍການສູນຝຶກອົບຮົມພາ
ສາອັງກິດດັ່ງກ່າວ.
ທ່ານ ນາງ ພອນວິໄລ ມິ່ງ ມາໄລ ກ່າວວ່າ:
ການຈັດກິດຈະກຳແລກປ່ຽນວັດທະນະທຳດັ່ງກ່າວແມ່ນເປັນການຮ່ວມມືກັນຂອງສອງສະຖາບັນພວກເຮົາ
ພາຍຫຼັງທາງອາສາສະໝັກ ແລະ ນັກຮຽນຈາກໂຮງຮຽນ ມັດທະ ຍົມ ເຊັງ ໄມໂຄ ຄໍຈີເອັດຈ໌
ປະເທດອົດສະຕາລີ ໄດ້ມາຮ່ວມໃນການສອນ, ເຝິກທັກສະໃນການຮຽນພາສາອັງກິດໃຫ້ກັບຄູອາ
ຈານຂອງສູນພວກເຮົາ ໃນລະ ຫວ່າງວັນທີ 28 ຫາ 30 ຕຸລາຜ່ານ ມາ, ທັງຍັງເປັນການແລກປ່ຽນ
ວັດທະນະທຳ ແລະ ກິດຈະກຳ ອື່ນໆດ້ານການສຶກສາຮ່ວມກັນ ນຳອີກ ເພື່ອເປັນການເພີ່ມທັກສະໃນການສອນພາສາອັງກິດຂອງສູນໄດ້ດີຂຶ້ນ,
ຂະນະດຽວກັນກໍເພື່ອເພີ່ມຄວາມຮູ້ຄວາມສາມາດຂອງນ້ອງນັກຮຽນພວກເຮົາໂດຍສະເພາະການສະແດງສິນລະປະ,
ການສົນທະນາພາສາອັງກິດ ໃຫ້ດີຍິ່ງຂຶ້ນ.
ທ່ານ ນາງ ພອນວິໄລ ກ່າວ ວ່າ: ສູນພາສາອັງກິດ
ຊີອີເອ ໄດສ້າງຕັ້ງຂື້ນໃນປີ 2010 ໂດຍມີການສອນພາສາອັງກິດທົ່ວໄປ ຫາລະດັບສູງ
ແລະ ໄດ້ນຳເອົາຫຼັກສູດການຮຽນການສອນຈາກມະຫາວິທະຍາໄລ ແຄມບິດ, ຂະນະທີ່ປັດຈຸບັນມີນັກ
ຮຽນພວມສຶກສາຮ່ຳຮຽນຢູ່ຫຼາຍກວ່າ 100 ຄົນ, ໃນນີ້ນອກຈາກການຮຽນການສອນແລ້ວທາງສູນຍັງມີກິດຈະກຳຮ່ວມແລກ
ປ່ຽນບົດຮຽນວິຊາການ ແລະ ວັດທະນະທຳກັບໂຮງຮຽນຕ່າງໆເຊັ່ນ: ໂຮງຮຽນມັດທະຍົມ ຈາກປະເທດ
ສ.ເກົາຫຼີ ແລະ ອົດສະຕາລີ ເພື່ອເຮັດໃຫ້ການຮຽນຮູ້ພາສາອັງກິດຂອງນັກຮຽນມີຄຸນນະພາບດີຍິ່ງຂຶ້ນ.
No comments:
Post a Comment