ລາວ-ຈີນ ຮ່ວມມືດ້ານການທ່ອງທ່ຽວ

          ເມື່ອບໍດົນມານີ້ຢູ່ແຂວງອຸ ດົມໄຊສອງບໍລິສັດລາວ-ຈີນຄື:ບໍ ລິສັດ ແຟເຊັດຈຳ ກັດຂອງ ລາວ ແລະ ບໍລິສັດ ເຫຼິນ ຕ້າ ສາກົນຈຳກັດ ຂອງສປຈີນໄດ້ລົງນາມຮ່ວມ ມືບຸກເບີກເຂດທ່ອງທ່ຽວອະນຸລັກທະມະຊາດ ຢູ່ແຂວງອຸດົມໄຊ ໃນໂຄງການ” ທ່ອງທ່ຽວ-ທ່ຽວຊົມສິ່ງທີ່ມີຊີວິດຫຼາຍຮູບແບບໃນເຂດດິນຕາດນ້ຳກັດ  ແລະ ວັດທະ ນາທຳຊົນເຜົ່າໃນເນື້ອໃນ 6 ພັນກວ່າ ເຮັກຕາ, ໄລຍະເວລາສຳປະທານ 45 ປີ, ພິທີ ເຊັນສັນຍາດັ່ງກ່າວ ໄດ້ມີຂຶ້ນລະຫວ່າງທ່ານ ສົມເພັດ ມ້າວປະເສີດ, ປະທານບໍ ລິສັດ ແຟເຊັດ ຈຳກັດ ສປປ ລາວ ແລະ ທ່ານ ຖ໋ຽນຫາຍ ຈິ້ນ, ປະທານ ບໍລິສັດ ເຫຼິນຕ້າສາ ກົນຈຳກັດ ສປ ຈີນ, ມີທ່ານ ຄຳ ແພງ ຈິດຕະວົງ, ຮອງເຈົ້າແຂວງໆອຸດົມໄຊ ແລະ ຫົວ ໜ້າພະແນກທ່ອງທ່ຽວແຂວງອຸດົມໄຊ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນ ສັກຂີພິຍານ.

         ການລົງນາມດັ່ງກ່າວທັງສອງບໍລິສັດແມ່ນຮ່ວມກັນບຸກເບີກເຂດທ່ອງທ່ຽວອານຸລັກທຳມະຊາດຢູ່ແຂວງອຸດົມໄຊ, ໃນ ໂຄງການທ່ອງທ່ຽວ-ທ່ຽວຊົມສິ່ງທີ່ມີຊີວິດຫຼາຍຮູບແບບໃນເຂດດິນແດນຕາດນ້ຳກັດ ແລະ ວັດທະນະທຳຊົນເຜົ່າ, ຊຶ່ງທັງສອງ

ຝ່າຍຈະຕ້ອງໄດ້ແບ່ງຜົນປະໂຫຍດຮ່ວມກັນຄື: ບໍລິສັດເຫຼິນຕ້າສາກົນຈະເປັນຜູ້ໂຄສະນາການທ່ອງທ່ຽວຢູ່ ສປ ຈິນ ໃຫ້ນັກ ທ່ອງທ່ຽວເຂົ້າມາທ່ຽວ ແລະ ບໍລິສັດເຫຼິນ ຕ້າຈະໄດ້  10% ຂອງລາຍຮັບ ທີ່ໄດ້ຈາກນັກທ່ອງທ່ຽວ, ສ່ວນບໍລິສັດ ແຟເຊັດ ແມ່ນຈະໄດ້ 90 % ຂອງລາຍຮັບທັງໝົດ, ຕະຫຼອດໄລຍະເວລາຂອງການສຳປະທານ.

          ມາຮອດປັດຈຸບັນທັງສອງບໍລິສັດກຳລັງພັດທະນາເຂດທ່ອງທ່ອງດັ່ງກ່າວໃຫ້ມີຫຼາກຫຼາຍກິດຈະກຳເພື່ອດຶງດູດນັກ ທ່ອງທ່ຽວ ເຊັ່ນ: ສ້າງຂົວອູ່ເທີງຕົ້ນໄມ້, ຂີ່ສະລິງ, ຍ່າງປ່າ, ຂີ່ລົດໄຟຟ້າ, ລົດຖີບ ແລະ ຂີ່ຊ້າງຊົມວິວ, ພ້ອມທັງການສະແດງ ອື່ນໆຊຶ່ງການພັດທະນາແມ່ນຈະໃຫ້ສຳເລັດ ແລະ ເປີດໃຫ້ບໍລິການກ່ອນງານມະຫາກຳກິລາແຫ່ງຊາດຄັ້ງທີ່ 10 ທີ່ແຂວງອຸດົມ ໄຊເປັນເຈົ້າພາບປີ 2014.