ນະຄອນຫລວງວຽງຈັນ ເມືອງເອກຂອງ ສປປ ລາວ, ເປັນເມືອງທີ່ສະອາດສວຍ ສົດງົດງາມ,
ມີສະຖານທີ່ທ່ອງທ່ຽວຫລາຍແຫ່ງທີ່ໂດດເດັ່ນທັງເປັນເມືອງທີ່ມີນັກ ທ່ອງທ່ຽວເຂົ້າມາ ທ່ຽວຊົມຫລາຍທີ່ສຸດເມືອງໜຶ່ງ
ຂອງປະເທດ ເຫັນໄດ້ໃນສົກປີ 2012-2013 ຜ່ານມາ ບັນຍາກາດ ການທ່ອງທ່ຽວແມ່ນເປັນຂະ ບວນຄຶກຄື້ນ,
ມີນັກທ່ອງທ່ຽວທັງ ພາຍໃນ ແລະ ຕ່າງປະ ເທດເຂົ້າມາທ່ຽມຊົມເກືອບ 1,5 ລ້ານຄົນ, ສາມາດສ້າງລາຍຮັບໄດ້
10,7 ຕື້ ກີບ, ສະພາບການທ່ອງທ່ຽວໃນ ສົກປີຜ່ານມາ ມີຂະບວນຟົດຟື້ນພໍສົມຄວນເພາະນະຄອນຫລວງວຽງຈັນ
ມີສະຖານທີ່ທ່ອງທ່ຽວ ຫລາຍແຫ່ງທີ່ງົດງາມ ແລະ ໂດດເດັ່ນເປັນ ຕົ້ນພະທາດຫລວງ, ຫໍພະແກ້ວ, ວັດສີສະເກດ,
ວັດຊຽງຄວນ ແລະ ອີກຫລາຍໆ ແຫ່ງທີ່ໜ້າສົນໃຈ.
ອີງຕາມບົດລາຍງານປະຈຳປີ 2013 ຂອງພະແນກຖະແຫລງ ຂ່າວ,
ວັດທະນະທຳ ແລະ ທ່ອງທ່ຽວນະຄອນຫລວງ ໃຫ້ຮູ້ ວ່າ: ໃນສົກປີຜ່ານມາ, ບັນຍາກາດການທ່ອງທ່ຽວມີຄວາມຄຶກຄື້ນ
ແລະ ນັກທ່ອງທ່ຽວທີ່ເຂົ້າມາທ່ຽວສ່ວນຫລາຍມາຈາກປະ
ເທດ ເພື່ອນບ້ານເຊັ່ນ: ໄທ, ສິງກະໂປ, ຈີນເປັນຕົ້ນເຊິ່ງລວມແລ້ວມີນັກທ່ອງທ່ຽວເຂົ້າມາທ່ຽວຊົມທັງໝົດ
1,4 ລ້ານກວ່າຄົນ, ສ້າງລາຍ ຮັບໄດ້ 10,76 ຕື້ກີບ ຖືວ່າເປັນທ່າກ້າວຂຶ້ນຖ້າທຽບໃສ່ສົກປີ
2011- 2012, ສ່ວນຈຸດທີ່ສ້າງຄວາມປະທັບໃຈໃຫ້ ນັກທ່ອງທ່ຽວແມ່ນຂອດການບໍລິການຕ່າງໆລວມ ໄປເຖິງສະຖານທີ່ທ່ອງທ່ຽວທີ່ງົດງາມ
ແລະ ໂດດເດັ່ນ, ທັງນີ້ກໍ ເນື່ອງຈາກ ປະຊາຊົນລາວ, ຊາວນະຄອນຫລວງວຽງຈັນສ່ວນ ໃຫຍ່ເນັ້ນໜັກເອົາໃຈໃສ່ໃນການປະຕິບັດ
6ສ ໃຫ້ປາກົດຜົນເປັນຈິງໂດຍ ສະເພາະ ສ.ສະອາດ ເພື່ອເຮັດໃຫ້ນະຄອນຫລວງມີຄວາມສະອາດສົມເປັນເມືອງເອກຂອງປະເທດລາວທັງເປັນແຮງດຶງດູດ
ໃຫ້ນັກທ່ອງທ່ຽວເຂົ້າມາທ່ຽວຊົມນັບມື້ເພີ່ມຂຶ້ນ.
ປັດຈຸບັນ, ນະຄອນຫລວງວຽງຈັນມີແຫລ່ງທ່ອງທ່ຽວທັງໝົດ
36 ແຫ່ງ, ໃນນັ້ນ ສະຖານທີ່ທ່ອງທ່ຽວທາງປະຫວັດສາດ 10 ແຫ່ງ, ວັດທະນະທຳ 12 ແຫ່ງ ແລະ ທຳມະຊາດ
14 ແຫ່ງ. ນອກຈາກນີ້ ບັນດາໂຮງແຮມ, ເຮືອນພັກ, ລີສອດກໍມີການ ພັດທະນາຂຶ້ນເລື້ອຍໆ. ມາຮອດປັດຈຸບັນນະຄອນຫລວງວຽງຈັນມີໂຮງແຮມ
200 ກວ່າແຫ່ງ, ເຮືອນພັກ- ລີສອດ 217 ກວ່າແຫ່ງ.
No comments:
Post a Comment