ເຂົ້າອາດຂຶ້ນລາຄາຖ້າຂາດມາດຕະການຄວບຄຸມ

     ຫຼັງປີໃໝ່ສາກົນລາຄາສິນຄ້າຢູ່ຕາມທ້ອງຕະຫຼາດໂດຍສະເພາະແມ່ນລາຄາເຂົ້າ ເລີ່ມມີການເໜັງຕີງ, ເຊິ່ງມາຮອດປັດຈຸບັນ ເຂົ້າສານໜຽວລາຄາຕ່ຳສຸດລະ ເລ່ຍໝື່ນ ລະ  65 - 70 ພັນກີບ, ເຂົ້າສານ (ຈ້າວ) ໝື່ນລະ 80-90 ພັນກີບ, ຂະນະທີ່ການ ຄຸ້ມຄອງລາຄາຈາກພາກສ່ວນກ່ຽວຂ້ອງນັບວ່າຍັງມີການຖືເບົາ, ແຕ່ຖ້າຫາກຍັງຂາດ ການຄຸ້ມຄອງຢ່າງເຂັ້ມງວດອາດຈະນຳຜົນກະທົບໃຫ້ກັບການດຳລົງຊີວິດຂອງພະນັກ ງານລັດຖະກອນ ແລະ ປະຊາຊົນຜູ້ທີ່ມີລາຍຮັບຕ່ຳ.

    ຕໍ່ກັບການເໜັງຕີງຂອງລາຄາເຂົ້າແມ່ນໄດ້ເລີ່ມມາຈາກບຸນປີໃໝ່ສາກົນເປັນຕົ້ນມາ, ໃນນີ້ນອກຈາກລາຄາເຂົ້າແລ້ວບັນດາ ຊາວຄ້າຂາຍຍັງໄດ້ສວຍໂອກາດຂຶ້ນລາຄາສິນຄ້າປະເພດເຄື່ອງໃຊ້ສອຍອື່ນໆ, ໂດຍແມ່ຄ້າ ມັກສວຍໂອກາດຂຶ້ນລາຄາສິນຄ້າໃນ ເວລາບຸນປະເພນີ ແລະ ເທສະການຕ່າງໆຕາມລຳພັງໃຈ, ເຊັ່ນດຽວກັບລາຄາເຂົ້າຄືດັ່ງທີ່ ກ່າວມານັ້ນ, ຊຶ່ງຊາວຄ້າຂາຍຕ່າງກໍ ໃຫ້ ເຫດຜົນວ່າ: ໃນບ່ໍພໍ່ເທົ່າໃດ ວັນຕໍ່ໜ້າເຂົ້າສານໜຽວລາຄາຍິ່ງຈະເພີ່ມສູງຂຶ້ນກວ່າເກົ່າ

ເນື່ອງຈາກວ່າທ້າຍເດືອນມັງກອນ- ເດືອນກຸມພາ 214 ນີ້ຈະມີເທສະການບຸນປີໃໝ່ຂອງຊາວ ຫຽວດນາມ ແລະ ຊາວຈີນ,  ຊຶ່ງ ເທສະການດັ່ງກ່າວຊາວຫວຽດ ນາມ ແລະ ຊາວຈີນແມ່ນຕ້ອງການເຂົ້າສານໜຽວເປັນຈຳນວນຫຼາຍເພື່ອໄປເຮັດເຂົ້າຕົ້ມບູຊາ ຕາມປະເພນີ, ບ່ໍສະເພາະເທົ່າ ນັ້ນປະຊາຊົນຊາວໄຮ່ນາຢູ່ຕາມເຂດຊາຍແດນທີ່ຕິດກັບປະເທດ ດັ່ງກ່າວກໍ່ຈະນຳເອົາຜົນຜະລິດ (ເຂົ້າ) ສົ່ງຂາຍອອກໄປຍັງປະ ເທດດັ່ງກ່າວ, ດັ່ງນັ້ນ, ຈຶ່ງເຮັດໃຫ້ລາຄາເຂົ້າຢູ່ຕາມທ້ອງຕະຫຼາດ, ຢູ່ຕາມທ້ອງຖິ່ນ, ເຂດ ແຂວງ ຕ່າງໆໃນທົ່ວປະເທດມີການ ຖີບຕົວຂື້ນ ແລະ ມັນເປັນໂອກາດດີໃຫ້ແກ່ຊາວຄ້າຂາຍເຂົ້າ, ແຕ່ມັນຈະນຳຜົນກະທົບ ໃຫ້ກັບປະ ຊາຊົນຜູ້ມີລາຍຮັບຕ່ຳ, ດັ່ງນັ້ນ, ຂະແໜງການຄ້າ ແລະ ພາກສ່ວນກ່ຽວຂ້ອງຄວນເອົາໃຈໃສ່ເພີ່ມທະວີໃນການຄວບຄຸມລາ ຄາເຂົ້າ, ລວມໄປເຖິງລາ ຄາສິນຄ້າອື່ນໆເພື່ອບໍ່ໃຫ້ເກີດການສວຍໂອກາດເກີດຂຶ້ນແຕ່ຫົວທີ.