laophatthananewspaper: ຊາຍໜຸ່ມກໍ່ເຫດຂົ່ມຂືນຖືກສານຕັດສິນລົງໂທດແລ້ວ.

13 February 2014

ຊາຍໜຸ່ມກໍ່ເຫດຂົ່ມຂືນຖືກສານຕັດສິນລົງໂທດແລ້ວ.

ໃນວັນທີ 11 ກຸມພານີ້, ສານນະຄອນຫລວງວຽງຈັນ ໄດ້ຕັດສິນລົງໂທດທ້າວ ສົມພອນ ອາຍຸ 23 ປີ ຢູ່ບ້ານນາຊ່າງໄພ ເມືອງໄຊເສດຖາ ນະຄອນຫລວງວຽງຈັນ ໃຫ້ຈຳຄຸກເປັນເວລາ 5 ປີ ແລະ ປັບໄໝເງິນ 2 ລ້ານກີບ ແລະ ເສຍຄ່າສູ່ຂວັນປົວແປງຈິດໃຈ 30 ລ້ານກີບ, ໃຫ້ກັບຍິງຄົນໜຶ່ງອາຍຸ 15 ປີ ຢູ່ບ້ານໜອງແວງ ເມືອງຫາດຊາຍຟອງ ນະຄອນຫລວງວຽງຈັນ ຊຶ່ງຖຶກຜູ້ກ່ຽວ ຂົ່ມຂືນເມື່ອວັນທີ 8 ເມສາ 2013 ແລະ ຖືກເຈົ້າໜ້າທີ່ກັກຕົວໄດ້ໃນມື້ຕໍ່ມາ.

ເຈົ້າໜ້າທີ່ເປີດເຜີຍວ່າ: ເບື້ອງຕົ້ນຜູ້ກ່ຽວໄດ້ພົບຍິງຄົນດັ່ງກ່າວຢູ່ງານບຸນພະເຫວດບ້ານຖິ່ນເພຍເມືອງຫາດຊາຍຟອງ ແລະ ຈາກນັ້ນ ສອງວັນຕໍ່ມາຜູ້ກ່ຽວໄດ້ໂທລະສັບຊັກຊວນ ແລະ ມາຮັບຍິງຄົນດັ່ງກ່າວໄປຫລິ້ນແຄມຂອງ ແລະ ດື່ມກິນຢູ່ຮ້ານອາ ຫານຈົນຮອດຄ່ຳ, ຫລັງຈາກນັ້ນ,ຜູ້ກ່ຽວໄດ້ພາໄປຂົ່ມຂືນຢູ່ບ້ານພັກແຫ່ງໜຶ່ງໂດຍຂູ່ວ່າ ຖ້າບໍ່ໃຫ້ນອນນຳຈະຂ້າຖີ້ມ, ຈົນເຖິງ ຮຸ່ງເຊົ້າມື້ຕໍ່ມາຈຶ່ງພາມາສົ່ງຢູ່ຕໍ່ໜ້າ ໂຮງໝໍເສດຖາທິລາດ ແລະ ຍິງຜູ້ເຄາະຮ້າຍຈຶ່ງໄດ້ໂທລະສັບຫາຜູ້ປົກຄອງ ແລະ ໄປແຈ້ງ ຄວາມຕໍ່ເຈົ້າໜ້າທີ່ ແລະ ສາມາດ ກັກຕົວຜູ້ກ່ຽວໄດ້ໃນວັນດັ່ງກ່າວ.