ທ້າວ ບຸດດາ ຫລື ເປດ ອາຍຸ 47 ປີ ຢູ່ບ້ານສີມຸງຄຸນ
ເມືອງປາກຊັນ ແຂວງບໍລິຄຳໄຊ ຕ້ອງກັບຄືນຮັບໂທດເຂົ້າໄປນອນຄຸກອີກເປັນຄັ້ງທີ
3, ພາຍຫລັງຖືກເຈົ້າໜ້າທີ່ແຂວງບໍລິຄຳໄຊກັກຕົວມາດຳເນີນຄະດີໃນຂໍ້ຫາຄ້າຂາຍຢາເສບຕິດ
ພ້ອມຂອງກາງຢາບ້າ 4 ພັນກວ່າເມັດ ເມື່ອວັນທີ 5 ພຶດສະພາຜ່ານມາ.
ເຈົ້າໜ້າທີ່ໃຫ້ຮູ້ວ່າ: ທ້າວ ບຸດດາ ມີພຶດຕິກຳເຄື່ອນໄຫວຄ້າຂາຍຢາເສບຕິດພາຍໃນເມືອງບໍລິຄັນ
ແລະ ເມືອງປາກຊັນເປັນເວລາດົນແລ້ວ ແລະ ຖືກເຈົ້າໜ້າທີ່ກັກຕົວໄດ້ໃນຂະນະໄປສົ່ງຢາໃຫ້ລູກຄ້າຢູ່ເຂດເມືອງປາກຊັນ
ແລະ ຜ່ານການສອບສວນ, ຜູ້ ກ່ຽວເຄີຍຕ້ອງໂທດມາແລ້ວສອງຄັ້ງໃນຂໍ້ຫາຄ້າຂາຍຢາເສບຕິດເຊັ່ນດຽວກັນ
ຄືຄັ້ງທີໜຶ່ງ ສານຕັດສິນຈຳຄຸກ 1 ປີ, ຄັ້ງທີສອງຈຳຄຸກ 2 ປີ 7 ເດືອນ, ແຕ່ບໍ່ເຂັດຫລາບຍັງພົວພັນກັບຢາເສບຕິດອີກ
ຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີຕາມກົດໝາຍເປັນຄັ້ງທີ 3 ແລະ ຄາດວ່າຄັ້ງນີ້
ຈະຖືກລົງໂທດຫລາຍຂຶ້ນເພື່ອເຂັດຫລາບ.
No comments:
Post a Comment