laophatthananewspaper: ການລົງທຶນໃສ່ໄວໜຸ່ມມີບົດບາດສຳຄັນຕໍ່ການພັດທະນາເສດຖະກິດ-ສັງຄົມ

ວັນທີ 28 ພະຈິກນີ້, ກະຊວງແຜນການ ແລະ ການລົງທຶນ ຮ່ວມກັບອົງການສະຫະປະຊາຊາດກອງທຶນສຳລັບປະຊາ ກອນ ຈັດພິທີຖະແຫລງຂ່າວບົດລາຍງານສະຖານະພາບປະຊາກອນໂລກປະຈຳປີ 2014 ພາຍໃຕ້ຫົວຂໍ້ “ພະລັງງານຂອງໄວໜຸ່ມ 1,8 ຕື້ຄົນ ແລະ ອະນາຄົດທີ່ສົດໃສ” ຂຶ້ນທີ່ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ດຣ. ກິແກ້ວ ຈັນທະບູລີ ລັດຖະ ມົນຕີຊ່ວຍວ່າການກະຊວງແຜນ ການ ແລະ ການລົງທຶນ, ທ່ານ ດຣ. ຮັດຊານ ໂມທາຊາມິ ຜູ້ຕາງ ໜ້າອົງການສະຫະປະຊາຊາດກອງທຶນສຳລັບປະຊາກອນປະ ຈຳລາວ, ມີຕາງໜ້າໄວໜຸ່ມ ແລະ ນັກຂ່າວສື່ມວນຊົນເຂົ້າຮ່ວມເປັນຈຳນວນຫລາຍ.

ຜູ້ຕາງໜ້າອົງການສະຫະປະຊາຊາດກອງທຶນສຳລັບປະ ຊາກອນປະຈຳລາວ ກ່າວວ່າ: ບົດລາຍສະຖານະພາບປະຊາ ກອນໂລກປະຈຳປີ 2014 ໄດ້ປະເມີນວ່າ: 1,8 ຕື້ຄົນ ໃນທົ່ວໂລກເປັນໄວໜຸ່ມທີ່ມີອາຍຸລະຫວ່າງ 10-24 ປີ ເຊິ່ງມັນເນັ້ນເຖິງຄວາມສຳຄັນ ແລະ ບັນຫາຮີບດ່ວນໃນການສຸມໃສ່ການພັດທະນາໄວໜຸ່ມ, ຜົນສະທ້ອນຂອງໄວໜຸ່ມຕໍ່ການພັດທະນາຈະດີ

ຫລື ບໍ່ ແມ່ນຂຶ້ນກັບນະໂຍບາຍຂອງລັດຖະ ບານຕໍ່ຄວາມຕ້ອງການຂອງໄວໜຸ່ມ ແລະ ໃຫ້ເຂົາເຈົ້າມີສ່ວນຮ່ວມໃນວຽກງານເສດ ຖະກິດ-ສັງຄົມ. ບົດລາຍງານໄດ້ຊີ້ໃຫ້ເຫັນວ່າ: ຜົນໄດ້ຮັບຈາກການລົງທຶນໃສ່ໄວໜຸ່ມ ໂດຍສະເພາະໄວໜຸ່ມຍິງ ແລະ ເດັກຍິງແມ່ນມີຜົນຢ່າງມະຫາສານຕໍ່ການພັດ ທະນາເສດຖະກິດ ເຊິ່ງມັນມີແນວໂນ້ມຈະຜັກດັນໃຫ້ເສດຖະ ກິດເຕີບໂຕຢ່າງໄວວາ ແລະ ລຶບລ້າງຄວາມທຸກຍາກອັນເປັນຈຸດປະສົງຫລັກຂອງການບັນລຸເປົ້າໝາຍສະຫັດສະວັດໃນປີ 2015, ຢູ່ພາກພື້ນອາຊີຕາເວັນອອກໄດ້ເລີ່ມລົງທືນໃສ່ໄວໝຸ່ມຕໍ່ຫົວຄົນນັບແຕ່ຊຸມປີ 1960 ເປັນຕົ້ນມາ, ຊຶ່ງເຮັດໃຫ້ພາກພື້ນດັ່ງກ່າວຮັບຮູ້ເຖິງຜົນປະໂຫຍດ ດ້ານປະຊາກອນທີ່ມີສ່ວນເຮັດໃຫ້ GDP ເພີ່ມຂຶ້ນເຖິງ 6 % ແລະ ເພີ່ມລາຍຮັບຕໍ່ຫົວຄົນໃນບາງ ປະເທດສູງເຖິງ 4 ເທົ່າ, ຊຶ່ງການສະໜອງຄວາມຕ້ອງການແລະຄວາມປາຖະໜາຂອງໄວໜຸມແລະ ໃຫ້ເຂົາເຈົ້າສາມາດນຳໃຊ້ສິດທິຕໍ່ຊີວິດຂອງເຂົາເຈົ້າເປັນຕົວກຳນົດອະນາຄາດຂອງພວກເຮົາ.

ຜູ້ຕາງໜ້າອົງການສະຫະປະຊາຊາດກອງທຶນສຳລັບປະ ຊາກອນກ່າວວ່າ: ປັດຈຸບັນໄວໜຸ່ມໃນຈຳນວນ 1,8 ຕື້ຄົນ,ໃນນັ້ນມີ 9 ໃນ 10 ຄົນອາໄສຢູ່ປະເທດດ້ອຍພັດທະນາແລະ ມີອຸປະ ສັກໃນການນຳໃຊ້ສິດທິຂອງຕົນຕໍ່ການສຶກສາ, ສຸຂະພາບ ແລະ ປາສະຈາກຄວາມຮຸນແຮງ, ໄວໜຸ່ມເຫຼົ່ານີ້ອາດຈະບໍ່ຮູ້ເຖິງຄວາມສາມາດຂອງຕົນເອງ, ເນື່ອງຈາກໄວໜຸ່ມ 57 ລ້ານຄົນແມ່ນບໍ່ໄດ້ເຂົ້າໂຮງຮຽນ, ແມ່ຍິງລວມເຖິງເດັກຍິງ 1 ໃນ 3 ຄົນແມ່ນປະ ສົບກັບການໃຊ້ຄວາມຮຸນແຮງຈາກສາມີ ແລະ ໄວໜຸ່ມ 2 ໃນ 5ຄົນ ແມ່ນບໍ່ມີວຽກເຮັດງານທຳ, ຈຳສະພາບການດັ່ງກ່າວມັນສະ ທ້ອນໃຫ້ເຫັນຖິງຄວາມຮີບດ່ວນໃນການລົງທຶນໃສ່ໄວໜຸ່ມເພື່ອໃຫ້ເຂົາເຈົ້າມີສ່ວນຮ່ວມໃນການພັດທະນາຊຸມຊົນແລະ ປະເທດຊາດ, ບົດລາຍງານສະຖານະ ພາບປະຊາກອນໂລກຍັງສະແດງໃຫ້ເຫັນອີກວ່າ: ການສົ່ງເສີມທີ່ຖືກຕ້ອງຕໍ່ໄວໜຸ່ມເຮັດໃຫ້ເຂົາເຈົ້າສາມາດບັນລຸເປົ້າໝາຍຕາມຄວາມສາມາດ ແລະ ກາຍເປັນກຳລັງທີ່ເຂັ້ມແຂງໃນນະວັດ ຕະກຳການຜະລິດ ແລະ ຄວາມຄ່ອງແຄ່ວໃນການເລັ່ງພັດທະນາໃຫ້ໄວຂຶ້ນ, ແລະບົດລາຍງານສະ ບັບນີ້ຈະນຳມາຊຶ່ງຜົນປະໂຫຍດ ແລະ ເປັນທິດເຍືອງທາງໃຫ້ແກ່ຜູ້ຕັດສິນບັນຫາ, ຜູ້ຮ່າງນະໂຍບາຍ ແລະ ຜູ້ຄົ້ນຄ້ວາໃນການລົງທຶນໃສ່ໄວໜຸ່ມ ແລະ ການພັດທະນາປະເທດໃຫ້ຈະເລີນຮຸ່ງເຮືອງ.