ລາວ-ໄທ ລົງນາມການຮ່ວມມືຫລາຍຂົງເຂດດ້ານວິທະຍາສາດ-ເຕັກໂນໂລຊີ

     ກະຊວງວິທະຍາສາດ ແລະ ເຕັກໂນໂລຊີແຫ່ງ ສປປ ລາວ ແລະ ກະຊວງວິທະ ຍາສາດ ແລະ ເຕັກໂນໂລຊີ ແຫ່ງຣາຊະອາ ນາຈັກໄທ ໄດ້ລົງນາມບົດບັນທຶກການ ຮ່ວມມືດ້ານວິທະຍາສາດ ແລະ ເຕັກໂນໂລຊີ ໃນ 14 ຂົງ ເຂດປະກອບມີການຮ່ວມ ມືດ້ານເຕັກໂນໂລຊີຊີວະພາບ ແລະ ຊີວະນາໆພັນ; ພະລັງງານທົດ ແທນ; ເຕັກໂນ ໂລຊີເອເລັກໂຕຣນິກ ແລະ ຄອມພິວເຕີ; ດາລາສາດ; ເຕັກໂນໂລຊີແສງຊິນໂຄ ຕຣອນ; ເຕັກໂນໂລຊີອະວະກາດ, ການສືບຢັ່ງທາງໄກ ແລະ ລະບົບຂໍ້ມູນພູມສາດ; ມາດຕະຖານ ແລະ ການວັດແທກ, ການກວດສອບ ແລະ ການປະເມີນຄວາມ ສອດຄ່ອງ; ການສ້າງຈິດສຳນຶກທາງດ້ານວິ ທະຍາສາດ ແລະ ພິພິທະພັນທາງດ້ານວິທະຍາສາດ; ນະໂຍບາຍວິທະຍາສາດ-ເຕັກໂນໂລຊີ ແລະ ນະວັດຕະກຳ; ການສົ່ງເສີມ ນະວັດຕະກຳສຳລັບວິສາຫະກິດຂະໜາດນ້ອຍ-ຂະໜາດກາງ; ອຸທິຍານວິທະຍາສາດ; ການຄຸ້ມຄອງຊັບພະຍາກອນນ້ຳ; ເຕັກ ໂນໂລຊີນິວເຄຣຍ, ຄວາມປອດໄພ, ຄວາມໝັ້ນຄົງ, ການປ້ອງກັນໄພຈາກນິວເຄຣຍ ແລະ ຂົງເຂດອື່ນໆຂອງການຮ່ວມມືທີ່ ອາດຕົກລົງຮ່ວມກັນ.

     ຂໍ້ມູນດັ່ງກ່າວໄດ້ຮັບການ ລາຍງານໃນກອງປະຊຸມລັດຖະມົນຕີວ່າດ້ວຍວິທະຍາສາດ ແລະ ເຕັກໂນໂລຊີ ລາວ-ໄທ ຄັ້ງທີ 6 ໃນວັນທີ 28 ພະຈິກຜ່ານມາທີ່ ນະຄອນຫລວງວຽງຈັນ ພາຍໃຕ້ ການເປັນປະທານຮ່ວມຂອງ ທ່ານ ສຈ.ດຣ ບໍ່ວຽງຄຳ ວົງ ດາລາ ລັດຖະມົນຕີວ່າການກະ ຊວງວິທະຍາສາດ ແລະ ເຕັກໂນໂລຊີ ຂອງ ລາວ ແລະ ທ່ານ ດຣ. ພິເຊດ ດຸຣົງຄະເວໂຣດ ລັດຖະ ມົນຕີວ່າການກະຊວງວິທະຍາ ສາດ ແລະ ເຕັກໂນໂລຊີ ແຫ່ງຣາຊະອານາຈັກໄທເຊິ່ງໃນກອງປະຊຸມໄດ້ ພິຈາລະນາປຶກ ສາຫາລືກ່ຽວກັບການຮ່ວມມືສອງ ຝ່າຍເປັນຕົ້ນບົດບັນທຶກການ ຮ່ວມມືໃນບັນດາຂົງເຂດໂຄງ ການ ແລະ ກິດຈະກຳການ ຮ່ວມມືທີ່ເປັນບຸລິມະສິດໃນສະເພາະໜ້າ ແລະ ຍາວນານ ທີ່ຈະຕ້ອງ ໄດ້ເອົາໃຈໃສ່ການຄົ້ນຄວ້າກົນ ໄກ, ວິທີການຈັດຕັ້ງປະ ຕິບັດໃຫ້ເກີດຜົນເຊິ່ງສອງຝ່າຍຈະຕ້ອງໄດ້ມີການຈັດຕັ້ງຄະນະກຳມະການຮ່ວມລະຫວ່າງສອງກະຊວງທີ່ຈະຕ້ອງຊອກຫາວິທີ ການໃນການຈັດຕັ້ງປະຕິບັດແຜນການ, ໂຄງການ ແລະ ກິດຈະກຳທີ່ກຳນົດຮ່ວມກັນໃຫ້ປະກົດຜົນເປັນຈິງ.