ຢູເອັນຢືນຢັນສື່ແມ່ນຄູ່ຮ່ວມງານທີ່ສຳຄັນ

ທ່ານນາງ ກາຣີນາ ອິມໂມເນັນ ຜູ້ຕາງໜ້າອົງການສະຫະປະຊາຊາດ(ສປຊ) ເພື່ອການພັດທະນາປະຈຳລາວ, ໄດ້ກ່າວໃນພິທີພົບປະສື່ມວນຊົນລາວເມື່ອວັນທີ 13 ມີນາຜ່ານມາ, ທີ່ສຳນັກງານອົງການດັ່ງກ່າວຢູ່ນະຄອນຫລວງວຽງຈັນວ່າ: ສື່ມວນຊົນ ແມ່ນຄູ່ຮ່ວມມືທີ່ສຳຄັນຂອງອົງການສະຫະປະຊາຊາດໃນການສົ່ງຂໍ້ມູນ

ຂ່າວສານເພື່ອການພັດທະນາຂອງປະເທດ.

     ຜູ້ຕາງໜ້າ ສປຊ ປະຈຳລາວ ກ່າວວ່າ: ຄືດັ່ງພວກເຮົາຮູ້ນຳກັນແລ້ວວ່າ, ປັດຈຸບັນ ແມ່ນຍຸກໂລກາພິວັດ, ອະນາຄົດຂອງ ສປປ ລາວ ແມ່ນກ່ຽວພັນຢ່າງ ສະໜິດແ ໜ້ນກັບພາກພື້ນ ແລະ ສາກົນ, ບໍ່ວ່າດ້ານການເມືອງ, ເສດຖະກິດ, ຄວາມໝັ້ນຄົງ, ສິ່ງແວດລ້ອມ ແລະ ຄວາມປອດໄພຕ່າງໆ, ເຊິ່ງມັນຈະມີທັງໂອກາດ ແລະ ສິ່ງທ້າທາຍຫລາຍຢ່າງ, ສະນັ້ນ ເພື່ອ ເປັນການຮັບມື ແລະ ມີມາດຕະການແກ້ໄຂ, ພວກເຮົາຈຶ່ງມີຄວາມຈຳເປັນຕ້ອງຮັບຮູ້ ແລະ ເຂົ້າໃຈເປັນເອກກະ

ພາບຕໍ່ບັນຫາທ້າທາຍດັ່ງກ່າວ, ໂດຍສະເພາະແມ່ນ 8 ເປົ້າໝາຍສະຫັດສະວັດທີ່ກ່ຽວກັບການລົບລ້າງຄວາມທຸກຍາກ ແລະ ຄວາມອຶດຫິວ, ສຸຂະພາບ, ການສຶກສາ, ຄວາມສະເໝີພາບລະຫວ່າງຍິງ-ຊາຍ ແລະ ສິ່ງແວດລ້ອມ ທີ່ໄດ້ກຳນົດຂຶ້ນໃນປີ 2000 ເປັນຕົ້ນມາ, ລວມທັງເປົ້າໝາຍສະຫັດສະວັດທີ 9 ກ່ຽວກັບການແກ້ໄຂບັນຫາລະເບີດບໍ່ທັນແຕກ ແລະ ສປປ ລາວ ໄດ້ກຳນົດບັນລຸເປົ້າໝາຍດັ່ງກ່າວໃນປີ 2015 ນີ້, ຊຶ່ງຍັງເຫລືອເວລາພຽງ 9 ເດືອນເທົ່ານັ້ນ.

    ທ່ານນາງ ກາຣີນາ ອິມໂມເນັນ ກ່າວວ່າ: ໃນໄລຍະຜ່ານມາ, ສປປ ລາວ ສາມາດຈັດຕັ້ງປະຕິບັດໄດ້ຮັບຜົນສຳເລັດ ຢ່າງໜ້າພໍໃຈໃນຫລາຍເປົ້າໝາຍ, ເຊິ່ງເຫັນໄດ້ຈາກຄວາມຄືບໜ້າການຂະຫຍາຍຕົວຢ່າງຕໍ່ເນື່ອງ ດ້ານເສດຖະກິດ-ສັງຄົມ ເຊັ່ນ: ອັດຕາຄວາມທຸກຍາກໄດ້ຫລຸດລົງຫລາຍກວ່າ 40% ນັບແຕ່ປີ 2010 ເປັນຕົ້ນມາ, ອັດຕາການຕາຍຂອງເດັກເກີດ ໃໝ່ ແລະ ເດັກນ້ອຍຕ່ຳກວ່າ 5 ປີແມ່ນຫລຸດລົງຢ່າງຕໍ່ເນື່ອງ ແລະ ເປົ້າໝາຍແຫ່ງຊາດໃນການຫລຸດອັດຕາການຕາຍ ຂອງເດັກຕ່ຳກວ່າ 5 ປີ ໄດ້ບັນລຸຕາມຄາດໝາຍ, ນອກຈາກນີ້ຍັງມີຄວາມຄືບໜ້າໃນການເຂົ້າເຖິງການສຶກສາຂັ້ນຕົ້ນ, ການບໍລິການສຸຂະພາບ ແລະ ຄວາມແຕກໂຕນລະຫວ່າງຍິງ-ຊາຍ. ແນວໃດກໍຕາມ, ສປປ ລາວ ຍັງປະເຊີນກັບບັນຫາ ທ້າທາຍຮ້າຍແຮງກ່ຽວກັບເປົ້າໝາຍສະຫັດສະວັດດ້ານໂພສະນາການກວມປະມານ 44% ຂອງເດັກນ້ອຍຕ່ຳກວ່າ 5 ປີຍັງຂາດທາດອາຫານ ແລະ ຫລາຍກວ່າ 27% ແມ່ນມີນ້ຳໜັກໜ້ອຍ. ປັດຈຸບັນ ສປຊ, ທະນາຄານໂລກ ແລະ ບັນ ດາຄູ່ຮ່ວມຕ່າງໆພວມ ສືບຕໍ່ພະຍາຍາມຊອກຫາວິທີແກ້ໄຂບັນຫານີ້ໃຫ້ຫລຸດລົງ ແລະໃນເດືອນກັນຍາທີ່ຈະເຖິງນີ້ເລຂາ ທິການໃຫຍ່ອົງການສະຫະປະຊາຊາດຈະໄດ້ຮັບຮອງເອົາ 17 ເປົ້າໝາຍການພັດທະນາແບບຍືນຍົງຂອງໂລກ, ເຊິ່ງ

ກວມເອົາບັນຫາສຳຄັນຕົ້ນຕໍຄືການລົບລ້າງຄວາມທຸກຍາກ, ການພັດທະນາແບບຍືນຍົງ ແລະ ບົດບາດຍິງ-ຊາຍໃນສັງ ຄົມ, ບັນຫາພະລັງງານ, ພື້ນຖານໂຄງລ່າງ, ຄວາມສະຫງົບປອດໄພໂດຍຈະສາມາດນຳໃຊ້ໃນທຸກປະເທດທັງປະເທດ ຮັ່ງມີ ແລະ ທຸກຍາກໃຫ້ບັນລຸໃນປີ 2030 ແລະ ຕໍ່ກັບເປົ້າໝາຍພັດທະນາແບບຍືນຍົງ ສປປ ລາວ ກໍໄດ້ເຂົ້າຮ່ວມ ຢ່າງຕັ້ງໜ້າ, ເນື່ອງຈາກ 80% ຂອງປະຊາກອນລາວແມ່ນຕິດພັນກັບວຽກງານກະສິກຳ, ຜົນກະທົບຈາກໄພພິບັດທາງທຳ ມະຊາດເຊັ່ນ: ໄພແຫ້ງແລ້ງ, ລົມພະຍຸ ແລະ ນ້ຳຖ້ວມ, ສະນັ້ນ ພວກເຮົາຫວັງວ່າລັດຖະບານຈະເອົາບູລິມະສິດເປົ້າ ໝາຍຕ່າງໆ ແລະ ຄວາມໝັ້ນໝາຍຂອງສາກົນເຂົ້າໃນແຜນພັດທະນາເສດຖະກິດ-ສັງຄົມ ແຫ່ງຊາດຄັ້ງທີ 8 ເພື່ອຮັບ ປະກັນການພັດທະນາແບບຍືນຍົງ ແລະ ເທົ່າທຽມກັນ, ສະນັ້ນ ສື່ມວນຊົນຈຶ່ງມີຄວາມສຳຄັນຫລາຍເພື່ອລາຍງານຜົນ ສຳເລັດຂອງລັດຖະບານໃນແຕ່ລະດ້ານ, ຂະນະດຽວກັນກໍເໝືອນກັບວ່າສື່ໄດ້ຊ່ວຍກຳນົດ ແລະ ເລືອກບັນຫາ ທີ່ເອົາ ເຂົ້າໃສ່ໃນແຜນປະຕິບັດງານຂອງພວກເຮົາ, ພ້ອມທັງຊີ້ໃຫ້ເຫັນເຖິງບັນຫາທີ່ຈະຕ້ອງໄດ້ພ້ອມກັນຮີບຮ້ອນແກ້ໄຂ

ຢ່າງຮີບດ່ວນ.