ລັດ​ວິ​ສາ​ຫະກິດ​ໄຟຟ້າ​ລາວສະຫຼຸບຜົນງານປີ 2014 ຜ່ານ​ມາ

ໃນວັນທີ 11 ມີນາ 2015 ຜ່ານ​ມາ ຢູ່ສຳນັກງານໃຫຍ່ ລັດວິສາຫະ ກິດໄຟ ຟ້າລາວ ນະຄອນຫຼວງວຽງຈັນ ໄດ້ມີກອງປະຊຸມສະຫຼຸບວຽກງານປະຈຳປີ 2014 ແລະ ຜ່ານແຜນການ 2015 ຂຶ້ນຢ່າງເປັນທາງການໂດຍການເປັນປະທານ ຂອງທ່ານ ສີສະຫວາດ ທິຣາວົງ ຜູ້ອຳນວຍການໃຫຍ່ລັດວິສາຫະກິດໄຟຟ້າລາວພ້ອມ ຄະນະ ເປັນກຽດເຂົ້າຮ່ວມໂດຍ ທ່ານ ດຣ ຄຳມະນີ ອິນທິລາດ ລັດຖະມົນຕີຊ່ວຍວ່າການ ກະຊວງພະລັງງານ-ບໍ່ແຮ່ ແລະ ທ່ານ ບຸນໂຈມ ອຸບົນປະສິດ ລັດຖະມົນຕີຊ່ວຍວ່າ ການກະຊວງການເງິນມີຄະນະຝ່າຍ, ຄະນະສາຂາ, ບໍລິສັດຜະລິດໄຟຟ້າລາວມະຫາຊົນ ແລະ ແຂກທີ່ຖືກເຊີນເຂົ້າຮ່ວມ.

ໃນກອງປະຊຸມ ທ່ານ ສີສະຫວາດ ທິຣາວົງ ໄດ້ລາຍງານຫຍໍ້ຜົນງານໃນໜຶ່ງປີທີ່ຜ່ານມາລັດວິສາຫະກິດໄຟຟ້າລາວໄດ້ສຸມສະຕິປັນຍາ ແລະ ຄວາມສາມາດທາງດ້ານວິຊາ ສະເພາະເຂົ້າໃສ່ໃນໜ້າວຽກຂອງຕົນຢ່າງເອົາໃຈໃສ່ໂດຍສະເພາະແມ່ນການຄຸ້ມຄອງບໍລິຫານການຈັດຕັ້ງປະຕິບັດບັນດາໂຄງການທີ່ເປັນບຸລິມະສິດເຊິ່ງໄດ້ຖືກຮັບຮອງອະນຸມັດຈາກລັດຖະບານແລ້ວນັ້ນ ໃຫ້ເປັນຮູບປະທຳ ປະກົດຜົນເປັນຈິງ ແລະ ມີຜົນສຳເລັດໃນແຕ່ລະໄລຍະ ເຊັ່ນ: ການສ້າງແຫຼ່ງຜະລິດ, ການສ້າງສະຖານ

ນີໄຟຟ້າ, ສ້າງລະບົບສາຍສົ່ງ, ຕະຫຼອດການຂະຫຍາຍຕາຂ່າຍໄຟຟ້າລົງສູ້ຊົນນະບົດເຂດຫ່າງໄກສອກຫລີກ ເພື່ອເປັນການ ແກ້ໄຂ ແລະ ຫຼຸດຜ່ອນຄວາມທຸກຍາກຂອງປະຊາຊົນບັນດາເຜົ່າ. ມາຮອດປັດຈຸບັນໃນ ສປປລາວ ມີ 27 ເຂື່ອນລວມທັງ IPP , SPP ມີກຳລັງຕິດຕັ້ງ 3.301,84 ເມກາວັດ 10 ເຂື່ອນເປັນຂອງ IPP ມີກຳລັງຕິດຕັ້ງ2.888,8 ເມກາວັດ ມີ 5 ເຂື່ອນເປັນຂອງ SPP ມີກຳລັງຕິດຕັ້ງ 9,38 ເມກາວັດ 7 ເຂື່ອນເປັນຂອງ ບໍລິສັດຜະລິດໄຟຟ້າລາວມະຫາຊົນ ມີກຳລັງຕິດ ຕັ້ງ 387 ເມກາວັດ ແລະ ມີ 5 ເຂື່ອນເປັນຂອງ ຟຟລ ມີກຳລັງຕິດຕັ້ງ 16,66 ເມກາວັດ. ໃນຕອນທ້າຍຂອງກອງປະຊຸມ ທ່ານ ດຣ ຄຳມະນີ ອິນທິລາດ ລັດຖະມົນຕີຊ່ວຍວ່າການກະຊວງພະລັງງານ-ບໍ່ແຮ່ ຍັງໄດ້ໃຫ້ຄຳຄິດເຫັນຕໍ່ກອງປະຊຸມ ແລະ ໃຫ້ລັດວິສາຫະກິດໄຟຟ້າລາວ ສືບຕໍ່ຜົນງານຂອງຕົນໃນຕະຫຼອດປີ 2015 ໃຫ້ໄດ້ຕາມແຜນການ.