6 ວັນຊ່ວງໄລຍະສະຫລອງປີໃໝ່ສາກົນ ມີຜູ້ເສຍຊີຄວິດ 27 ຄົນຈາກອຸປະຕິເຫດບົນທ້ອງຖະໜົນ
ເຈົ້າໜ້າທີ່ກົມຕຳຫລວດຈະລາຈອນ ໃຫ້ຮູ້ວ່າ: ນັບແຕ່ວັນທີ
29 ທັນວາ 2015-3 ມັງກອນ 2016, ທົ່ວປະເທດມີອຸປະຕິເຫດເກີດຂຶ້ນ 138 ກໍລະນີ, ມີພາຫະນະເປ່ເພ
259 ຄັນ, ມີຜູ້ໄດ້ຮັບບາດເຈັບ 236 ຄົນ ແລະ ມີຜູ້ເສຍຊີວິດ 27 ຄົນ, ໃນນັ້ນ ຢູ່ນະຄອນຫລວງວຽງຈັນ ມີອຸປະຕິເຫດເກີດຂຶ້ນຫລາຍກວ່າໝູ່ທັງໝົດ 34 ກໍລະນີ, ມີຜູ້ເສຍຊີວິດ 3 ຄົນຄື: ເກີດຂຶ້ນເຊົ້າຂອງວັນທີ 3 ມັງກອນ 2016, ຢູ່ເຂດບ້ານອູບມຸງ, ເມືອງສີໂຄດຕະບອງ ນະຄອນຫລວງວຽງຈັນ ໄດ້ເກີດເຫດລົດຈັກເສຍຫລັກຕໍາເສົາໄຟຟ້າຢູ່ຂ້າງທາງດ້ວຍຄວາມຮຸນແຮງ ເຮັດໃຫ້ຜູ້ຂັບຂີ່ລົດຈັກນາງ ວອນ ອາຍຸ
19 ປີ ຢູ່ບ້ານສີໄຄທົ່ງ ເມືອງສີໂຄດຕະບອງ ເສຍຊີວິດຄາທີ່ ແລະ ໃນວັນທີ 30 ທັນວາ 2015 ໄດ້ເກີດອຸປະຕິເຫດຂຶ້ນ 2 ກໍລະນີຄື: ກໍລະນີໜຶ່ງລົດຈັກຕຳກັນ ເຫດເກີດປະມານ 17:30 ໂມງ, ຢູ່ເຂດບ້ານທ່ານພະລານໄຊ ເມືອງສີສັດຕະນາກ ເຮັດໃຫ້ທ້າວ ແສນ ອາຍຸ 56 ປີ ກຳມະກອນ ຢູ່ບ້ານດັ່ງກ່າວ ເສຍຊີວິດຄາທີ່ ແລະ ອີກກໍລະນີໜຶ່ງ ລົດໃຫຍ່ຕຳກັບລົດບັນທຸກ ເຫດເກີດຂຶ້ນປະມານ 19:00 ໂມງ ຢູ່ເຂດບ້ານພ້າວ ເມືອງປາກງື່ມ, ເຮັດໃຫ້ຜູ້ໂດຍສານທີ່ນັ່ງມາໃນລົດບັນທຸກເສຍຊີວິດ 1 ຄົນ. ສ່ວນແຂວງທີ່ມີຜູ້ເສຍຊີວິດຫລາຍກວ່າໝູ່ແມ່ນແຂວງຈຳປາສັກ ເສຍຊີວິດ 6 ຄົນ.
No comments:
Post a Comment