ກອງປະຊຸມວົງແຄບຂອງລັດຖະມົນຕີຕ່າງປະເທດອາຊຽນ, ໄດ້ໄຂຂຶ້ນໃນວັນທີ 27 ກຸມພານີ້ທີ່ນະຄອນຫລວງວຽງຈັນ, ໂດຍພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ຮອງນາຍົກ ລັດຖະມົນຕີ
ລັດຖະມົນຕີວ່າການກະຊວງການຕ່າງປະເທດລາວ, ເພື່ອປຶກສາຫາລືກ່ຽວກັບການ ຈັດຕັ້ງປະຕິບັດວິໄສທັດປະຊາຄົມອາຊຽນ 2025, ໂດຍສະເພາະໃຫ້ສອດຄ່ອງກັບຄໍາຂວັນການເປັນປະທານອາຊຽນຂອງ ສປປ
ລາວ ຄື: ຫັນວິໄສທັດໃຫ້ເປັນຮູບປະທໍາເພື່ອຄວາມເຂັ້ມແຂງຂອງປະຊາຄົມອາຊຽນ, ເຊິ່ງແມ່ນກອງປະຊຸມຄັ້ງທໍາອິດຂອງລັດຖະມົນຕີຕ່າງປະເທດອາຊຽນພາຍໃຕ້ການເປັນປະທານອາຊຽນຂອງ
ສປປ ລາວ ປີ 2016.
ໃນໂອກາດດັ່ງກ່າວນີ້, ທ່ານຮອງນາຍົກລັດຖະມົນຕີ ທອງລຸນ ສີສຸລິດ
ໄດ້ແຈ້ງບັນດາບູລິມະສິດສໍາລັບການເປັນປະທານອາຊຽນຂອງ ສປປ ລາວ ໃນປີ 2016 ລວມມີ 8
ບູລິມະສິດຄື: (1)ຜັນຂະຫຍາຍວິໄສທັດປະຊາຄົມອາຊຽນ 2025. (2)
ຮັດແຄບຄວາມແຕກໂຕນທາງດ້ານການພັດທະ ນາ.(3) ການອໍານວຍຄວາມສະດວກດ້ານການຄ້າ.(4)
ການພັດທະນາວິສາຫະກິດຂະໜາດນ້ອຍ ແລະ ກາງ.(5) ການພັດທະນາການທ່ອງທ່ຽວ.(6)
ການເຊື່ອມຈອດ.(7) ການສົ່ງເສີມວຽກເຮັດງານທໍາຫັນໄປສູ່ເສດຖະກິດໃນລະບົບຂອງອາຊຽນ ແລະ
(8) ສົ່ງເສີມການຮ່ວມມືພາກພື້ນເພື່ອການອະນຸລັກ,ປົກປ້ອງ ແລະ ສົ່ງເສີມມໍລະດົກທາງດ້ານວັດທະນະທໍາອາຊຽນ, ລວມທັງປຶກສາຫາລື ແລະ ສະໜັບສະໜູນບູລິມະສິດການເປັນປະທານຂອງ
ສປປ ລາວ ເພື່ອແນໃສ່ປະກອບສ່ວນເຂົ້າໃນການສົ່ງເສີມ ແລະ ຮັດແໜ້ນປະຊາຄົມອາຊຽນ.
ພ້ອມນີ້, ບັນດາລັດຖະມົນຕີຕ່າງປະເທດອາຊຽນຍັງໄດ້ປຶກສາຫາລືກ່ຽວກັບການພົວພັນ
ແລະ ການຮ່ວມມືກັບພາຍນອກ,
ເຊິ່ງເນັ້ນເຖິງຄວາມສໍາຄັນຂອງການເປັນແກ່ນກາງຂອງອາຊຽນໃນກົນໄກຕ່າງໆທີ່ອາຊຽນເປັນຜູ້ສ້າງຂຶ້ນທ່າມກາງໂຄງສ້າງພາກພື້ນມີການຜັນແປ.
ໃນນັ້ນ,
ໄດ້ມີການແລກປ່ຽນຄວາມຄິດຄວາມເຫັນກ່ຽວກັບພາກພື້ນ ແລະ ສາກົນ, ສິ່ງທ້າທາຍ, ບັນຫາການກໍ່ການຮ້າຍ,
ໄພພິບັດທາງທໍາມະຊາດ, ການປ່ຽນແປງດິນຟ້າອາກາດ, ໂລກລະບາດ, ການຍ້າຍຖິ່ນຖານຂອງປະຊາຊົນແບບຜິດປົກກະຕິ, ສະພາບຢູ່ຕາເວັນອອກກາງ ແລະ ອື່ນໆ.
No comments:
Post a Comment