ກະຊວງພະລັງງານ ແລະ ບໍ່ແຮ່ຮ່ວມກັບອົງການ Army Corps
and Engineers, Pacific Ocean and Division (USACE) ຈາກສະຫະລັດອາເມລິກາ, ໄດ້ຈັດຊຸດອົບຮົມວິຊາການຄັ້ງທີ
I ກ່ຽວກັບການສ້າງຄວາມເຂັ້ມແຂງໃຫ້ວຽກງານການມີສ່ວນຮ່ວມຂອງຊຸມຊົນ, ການຮ່ວມມື, ວິທີປ່ຽນແປງຄວາມຂັດແຍ່ງ, ການນໍາໃຊ້ຍຸດທະວິທີໃນການແກ້ໄຂບັນຫາ ແລະ ອື່ນໆ ຂຶ້ນລະຫວ່າງວັນທີ
23-25 ກຸມພານີ້ທີ່ນະຄອນຫລວງວຽງຈັນ.
ທ່ານຫົວໜ້າກົມນະໂຍບາຍ ແລະ
ພະລັງງານ
ດຣ. ດາວວົງ ພອນແກ້ວ ໄດ້ສະແດງຄວາມຂອບໃຈ ຕໍ່ສະຖານທູດສະຫະລັດອາເມລິກາ
ແລະ ອົງການດັ່ງກ່າວຈາກສະຫະລັດອາເມລິກາ ທີ່ໄດ້ໃຫ້ການ
ຊ່ວຍເຫລືອການຈັດຝຶກອົບຮົມຄັ້ງນີ້ ເພື່ອສ້າງຄວາມເຂັ້ມແຂງໃຫ້ແກ່ບຸກຄະລາກອນ, ຄະນະວິຊາການ ແລະ ສື່ມວນຊົນລາວ ເຫັນໄດ້ຄວາມສໍາຄັນໃນການສ້າງໂອກາດອັນດີ
ແລະ ສົ່ງເສີມຄວາມຮູ້ຄວາມສາມາດໃຫ້ຂະແໜງການຕ່າງໆທົ່ວສັງຄົມພາຍໃນໃຫ້ມີຄວາມເຂົ້າໃຈທີ່ຖືກຕ້ອງຕໍ່ກັບການພັດທະນາຂະແໜງພະລັງງານໄຟຟ້າແບບຍືນຍົງຢູ່ລາວ ໂດຍສະເພາະພະລັງງານໄຟຟ້າ, ຊຶ່ງເປັນປັດໄຈພື້ນຖານໃນການຊຸກຍູ້ບັນດາຂະແໜງການອື່ນໆ ທີ່ປິ່ນອອ້ມໃຫ້ມີການຂະຫຍາຍຕົວໄປຕາມກົນໄກຂອງການພັດທະນາເສດຖະກິດ-ສັງຄົມ ລວມທັງການແກ້ໄຂຄວາມທຸກຍາກ ຂອງປະຊາຊົນບັນດາເຜົ່າໃນທົ່ວປະເທດ.
ຫລາຍປີຜ່ານມາ, ການຈັດຕັ້ງປະຕິບັດຂອງຂະແໜງການພະລັງງານໄຟຟ້າໄດ້ຮັບການພັດທະນາ ແລະ ມີການຂະຫຍາຍຕົວຢ່າງແຂງແຮງແບບກ້າວກະໂດດ, ສາມາດປະຕິບັດໄດ້ລື່ນຄາດໝາຍຫລາຍດ້ານເຊັ່ນ: ການພັດທະນາໂຄງການໄຟຟ້າໄຊຍະບູລີ ແລະ ໂຄງການພັດທະນາໄຟຟ້າດອນສະໂຮງ,ໄດ້ສ້າງພື້ນຖານໜັກແໜ້ນໃຫ້ແກ່ການຫັນເປັນອຸດສາຫະກໍາ ແລະ ທັນສະໄໝ
ແຕ່ແນວໃດກໍດີ ພວກເຮົາຍັງພົບກັບຄວາມຍຸ້ງຍາກ ແລະ ສິ່ງທ້າທາຍຈໍານວນໜຶ່ງ ກ່ຽວກັບການເຜີຍແຜ່ຂໍ້ມູນຂ່າວສານດ້ານເຕັກນິກ, ເສດຖະກິດ-ສັງຄົມ ໃຫ້ສັງຄົມທັງພາຍໃນ
ແລະ ສາກົນເຂົ້າໃຈຖືກຕ້ອງຕໍ່ກັບການພັດທະນາໂຄງການເຫລົ່ານັ້ນ ເຊິ່ງບັນຫາດັ່ງກ່າວໄດ້ພົວພັນເຖິງລະດັບຄວາມຮັບຮູ້, ຄວາມສາ ມາດ, ບົດຮຽນ ແລະ ປະສົບການຕົວຈິງ ເປັນຕົ້ນຄວາມເຂົ້າໃຈແຕກຕ່າງກັນ, ບໍ່ເປັນເອກະພາບພາຍໃນແນວຄວາມຄິດຂອງສັງຄົມ ເກີດຂໍ້ຂັດແຍ່ງບາງຄັ້ງ ສະນັ້ນ, ການຝຶກອົບຮົມຄັ້ງນີ້ເປັນໂອກາດດີທີ່ສຸດ ໄດ້ມີໂອກາດຮັບຟັງບົດຮຽນ ແລະ ປະສົບການຕ່າງໆຈາກປະເທດທີ່ພັດທະນາແລ້ວກ່ຽວກັບວຽກງານປະຊາສໍາພັນໂຄງການໄຟຟ້າ ທີ່ລວມເອົາສະພາບຄວາມເປັນຈິງ, ຂໍ້ສະດວກ ແລະ ຫຍຸ້ງຍາກ ເຊິ່ງສາມາດຖອດຖອນໄດ້ຈາກການນໍາສະເໜີ ແລະ ແລກປ່ຽນຄວາມຄິດຄວາມເຫັນກັບບັນດານັກວິສະວະກອນ ແລະ ຊ່ຽວຊານຈາກສະຫະລັດ ຜູ້ທີ່ມີປະສົບການຫລາຍເພື່ອນໍາໄປຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ໃຫ້ຖືກຕ້ອງສອດຄ່ອງກັບສະພາບຄວາມເປັນຈິງຕາມແນວທາງນະໂຍບາຍຂອງພັກ-ລັດຖະບານ ແລະ ສາມາດເຊື່ອມໂຍງກັບສາກົນເທື່ອລະກ້າວ.
No comments:
Post a Comment