ໂຕໂຍຕາ ນຳສະເໜີ ລົດຍີ່ຫໍ້ ຟໍຈູນເນີ້ຮຸ່ນໃໝ່

          ບໍລິສັດ ໂຕໂຍຕາ ມໍເຕີ້ ປະເທດໄທ ຈຳກັດ ຮ່ວມກັບຕົວແທນຈຳໜ່າຍຢູ່ລາວ, ໄດ້ຈັດພິທີນຳສະເໜີລົດໂຕໂຍຕາ ຟໍຈູນເນີ້ໃໝ່, ຂຶ້ນໃນວັນທີ 25 ມີນານີ້, ທີ່ນະຄອນຫລວງວຽງຈັນ ໂດຍມີທ່ານ ວິຊຽນ ເອມປະເສີດສຸກ ປະທານບໍລິຫານ ແລະ ທ່ານ ປະກອນ ວົງວິທະຍາພິລົມ ປະທານຝ່າຍປະຕິບັດການ ສຳນັກງານເຂດພູມມີພາກແມ່ນ້ຳຂອງ ບໍລິສັດດັ່ງກ່າວ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນຈຳນວນຫລາຍ.

          ປະທານຝ່າຍປະຕິບັດການ ມີຄຳເຫັນໃນພິທີວ່າ: ລົດຟໍຈູນເນີ້ ຮຸ່ນໃໝ່ນີ້ ເປັນລົດທີ່ໄດ້ເພີ່ມຄວາມແຂງແກ່ນ ແລະ ຮັບປະກັນຄວາມປອດໄພ, ມີຫ້ອງໂດຍສານໂອ່ງໂຖງ, ກວ້າງສະບາຍ ພຽບພ້ອມໄປດ້ວຍອຸປະກອນທີ່ອຳນວຍຄວາມສະດວກເໜືອລະດັບ, ປະຢັດນ້ຳມັນເປັນເລີດ, ລະບົບເກຍ ອັດຕະໂນມັດ 5 ສະ

ປີດ, ໄອເສຍຕ່ຳ ເປັນມິດຕໍ່ສິ່ງແວດລ້ອມ, ມີຄວາມຫລູລາ, ທັນສະໄໝທັງພາຍໃນ ແລະ ພາຍນອກ, ໂດຍສະເພາະເຕັກໂນໂລຢີແມ່ນມີຄວາມປອດໄພສູງສ້າງຄວາມໝັ້ນໃຈໄດ້ທຸກການເດີນທາງ. ນອກນັ້ນ ລົດຮຸ່ນໃໝ່ນີ້ ຍັງມີຫລາຍສີສັນໃຫ້ເລືອກຊື້ເປັນຕົ້ນ ສີຂາວ, ດຳ, ຟ້າ, ປອນ, ສີນ້ຳຕານ ແລະ ອື່ນໆ.

ລົດໂຕໂຍຕາ ຟໍຈູນເນີ້ ອອກຈຳໜ່າຍນັບແຕ່ປີ 2005 ເປັນຕົ້ນມາ, ເຊິ່ງສາມາດສ້າງປາກົດ ການ ໃນການເປັນຜູ້ນຳຕະຫລາດອະເນກປະສົງ ດ້ວຍຊື່ສຽງອັນເປັນທີ່ຍອມຮັບຄຸນນະພາບການຜະ ລິດ, ໃນລະດັບມາດຕະຖານຂອງໂລກ, ມີປະໂຫຍດໃຊ້ສອຍຢ່າງຄຸ້ມຄ່າ ແລະ ເປັນລົດທີ່ສວຍງາມຖືກໃຈລູກຄ້າທຸກໆລະດັບ.