ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ ໄດ້ຖະແຫລງໃນໂອກາດເຂົ້າຮ່ວມກອງປະຊຸມລັດຖະບານສະໄໝສາມັນ ປະຈຳເດືອນ ພຶດສະພາ
2016 ໃນວັນທີ 24-25 ພຶດສະພານີ້ວ່າ: ໂດຍຈັດຕັ້ງປະຕິບັດຕາມແຈ້ງການລັດຖະບານສະບັບເລກທີ 122 ລົງວັນທີ 19/1/2011 ເຊິ່ງໄດ້ອານຸມັດໃຫ້ລັດວິສະຫະກິດໄຟຟ້າລາວ ຈັດຕັ້ງປະຕິບັດລາຄາໄຟຟ້າສະບັບປັບປຸງ
ໝວດທີ 5 ມາດ 47 ອັດຕາລາຄາໄຟຟ້າສຳລັບຜູ້ຊົມໃຊ້ທົ່ວໄປ, ໃນນັ້ນ ການຊົມໃຊ້ໄຟຟ້າມີຢູ່ 10 ປະເພດ, ໂດຍໄດ້ວາງອອກເປັນ 3 ລາຄາ ຄື:
ລາຄາເກື້ອກູນ 0-25 ກິໂລວັດໂມງ ນັບແຕ່ ປີ
2013-2017 ລາຄານີ້ຈະຂຶ້ນພຽງ 7 ກີບຕໍ່ປີ ຫລື
ສະເລັ່ຍ 0,6 ກີບຕໍ່ເດືອນ ຖືວ່າຕ່ຳທີ່ສຸດ, ລາຄາປະຢັດ 26-150 ກິໂລວັດໂມງ 2013 ພວກເຮົາໄດ້ເລີ່ມ 390 ກີບ ແລະ ຈະຂຶ້ນພຽງແຕ່ 8 ກີບຕໍ່ປີ, ແຕ່ສຳລັບຜູ້ທີ່ຊົມໃຊ້ໄຟຟ້າຫລາຍກວ່າ 150 ກິໂລວັດໂມງ ແມ່ນຈະຕ້ອງ
ໄດ້ຈ່າຍຫລາຍຂຶ້ນ ສະນັ້ນ ລາຄາໃນສະພາບປັດຈຸບັນນີ້ມີສະຖຽນລະພາບຢູ່ແລ້ວ. ຜ່ານມາຫລາຍທ່ານ ໄດ້ໃຫ້ເຫດຜົນວ່າລາຄາໄຟຟ້າຂຶ້ນ ແຕະຕ້ອງຊີວິດການເປັນຢູ່ຂອງປະຊາຊົນນັ້ນແມ່ນຖືກຕອ້ງ ແຕ່ຢາກແຈ້ງໃຫ້ຊາບວ່າ ໃນຄວາມເປັນຈິງ ມີ
2 ເຫດຜົນ ຄື: ສະພາບດິນຟ້າອາກາດໄດ້ມີການປ່ຽນແປງ. ປັດຈຸບັນອາກາດຮ້ອນຂຶ້ນ ເຮັດໃຫ້ການຊົມໃຊ້ໄຟຟ້າໃນຄອບຄົວ, ຫ້ອງການ, ອາຄານ ແລະ
ອື່ນໆ ກໍເພີ່ມຂຶ້ນເຊັ່ນດຽວກັນ ເຊິ່ງຈະເຫັນວ່າໃນເດືອນມັງກອນ ປີ
2016 ມີການຊົມໃຊ້ໄຟຟ້າພຽງ 246 ເມກາວັດ ແຕ່ມາຮອດຕົ້ນເດືອນມີນາ ການຊົມໃຊ້ໄຟຟ້້າເພີ່ມຂຶ້ນເປັນ 354 ເມກາວັດ (ສະເພາະນະຄອນຫລວງວຽງຈັນ) ຖືວ່າເພີ່ມຂຶ້ນເປັນ
180 ເມກາວັດ.
ແນວໃດກໍດີ ທ່ານ
ລັດຖະມົນຕີ ກະຊວງພະລັງງານ ແລະ ບໍ່ແຮ່ ໄດ້ຮຽກຮ້ອງໃຫ້ບັນດາພະນັກງານ, ປະຊາຊົນ, ທະຫານ, ຕຳຫລວດ ແລະ
ທຸກຊັ້ນຄົນ ຊ່ວຍເປັນຫູເປັນຕາ ແລະ ລາຍງານຕໍ່ເຈົ້າໜ້າທີ່ກ່ຽວຂ້ອງ ຖ້າຫາກເຫັນຄວາມຜິດປົກກະຕິ ແລະ
ມີປະກົດການຫຍໍ້ທໍ້ອັນບໍ່ດີ. ສະນັ້ນ, ກ່ຽວບັນຫາດັ່ງກ່າວ, ທາງກະຊວງພະລັງງານ ແລະ ບໍ່ແຮ່ ໄດ້ອອກແຈ້ງໃຫ້ໜ່ວຍງານກ່ຽວຂ້ອງລົງກວດກາຄືນ ແຕ່ລະກົງເຕີ ຫລື ໝໍ້ນັບໄຟຢ່າງເຄັ່ງຮ້ອນຖ້າພົບບ່ອນໃດບົກຜ່ອງ ຫລື ຜິດພາດ ກໍຕ້ອງມີການປັບປຸງແກ້ໄຂທັນທີ.
ໃນໄລຍະ ປີ 1975 ລາວມີເຂື່ອນໄຟຟ້າພຽງແຕ່ 3 ເຂື່ອນເທົ່ານັ້ນ, ຊຶ່ງມາຮອດປັດຈຸບັນ ລາວເຮົາມີເຂື່ອນໄຟຟ້າທີ່ຜະລິດແລ້ວ 39 ໂຄງການ ແລະ 1 ໂຮງງານໄຟຟ້າຄວາມຮ້ອນຫົງສາ ເຊິ່ງ ສາມາຜະລິດໄຟຟ້າໄດ້ 6.000 ກວ່າເມກາວັດ, ຄາດວ່າແຕ່ນີ້ຮອດປີ
2020 ຈະສຳເລັດການພັດທະນາເຂື່ອນໄຟຟ້າ ອີກ 35 ໂຄງການ
ມີກຳລັງຕິດຕັ້ງ 4.700 ກວ່າເມກາວັດ ລວມທັງໝົດລາວຈະມີເຂື່ອນໄຟຟ້າ 75 ໂຄງການ ມີກຳລັງຕິດຕັ້ງຫລາຍກວ່າ 10.000 ເມກາວັດ.
No comments:
Post a Comment