ໄລຍະນີ້ ຝົນຈະຕົກເບົາບາງລົງ

          ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ວັນທີ 13-15 ກໍລະກົດນີ້, ບໍລິເວນຄວາມກົດດັນຕ່ຳຂອງອາກາດຈະມີກຳລັງອ່ອນປົກຄຸມຢູ່ທົ່ວທຸກພາກຂອງລາວ, ສົມທົບກັບກະແສລົມຕາ ເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ມີຝົນຕົກໃນລະດັບຄ່ອຍ ແລະ ຕົກປານກາງພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກຂອງລາວ. ພາກເໜືອ ດ້ານຕາເວັນອອກ: ອາກາດຮ້ອນທຳມະດາ ແລະ ຍັງຈະມີຝົນຕົກກະຈາຍ, ພ້ອມມີລົມພັດ ແຮງເປັນບາງໂອກາດຢູ່ບາງທ້ອງຖິ່ນແຂວງຊຽງຂວາງ. ອຸນຫະພູມຕ່ຳສຸດ 20-22 ອົງສາ ແລະ ສູງສຸດ 31-33 ອົງສາ. ນະຄອນຫລວງວຽງຈັນ: ຈະມີຝົນຕົກໃນລະດັບຄ່ອຍ ພ້ອມ ມີລົມພັດແຮງຢູ່ບາງບໍລິເວນ ໃນໄລຍະວັນທີ 13-14 ກໍລະກົດ, ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 32-34 ອົງສາ. ພາກກາງ: ມີຝົນຕົກໃນລະດັບຄ່ອຍ ແລະ ຕົກປານ ກາງພ້ອມມີລົມພັດແຮງຢູ່ບາງທ້ອງຖິ່ນແຂວງບໍລິຄຳໄຊ, ຄຳມ່ວນ ແລະ ສະຫວັນນະເຂດ ແລະ ພາກໃຕ້: ຈະມີຝົນຕົກໃນລະດັບຄ່ອຍ ແລະ ຕົກປານກາງພ້ອມມີລົມພັດແຮງເປັນ ໂອກາດຢູ່ບາງທ້ອງຖິ່ນ.