ມອບ-ຮັບໜ້າທີ່ອໍານວຍການໃຫຍ່ລັດວິສາຫະກິດໄຟຟ້າລາວ

          ພິທີມອບ-ຮັບ ໜ້າທີ່ອຳນວຍການໃຫຍ່ລັດວິສາຫະກິດໄຟຟ້າລາວ ໄດ້ມີຂຶ້ນໃນວັນທີ 11 ກໍລະກົດນີ້, ລະຫວ່າງ ທ່ານ ສີສະຫວາດ ທິຣະວົງ ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວຜູ້ເກົ່າ ແລະ ທ່ານ ບຸນອູ້ມ ສີວັນເພັງ ຜູ້ອຳນວຍການໃຫຍ່ ບໍລິສັດຜະລິດ-ໄຟຟ້າລາວ ມະຫາຊົນ ເປັນຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ຜູ້ໃໝ່ໂດຍອີງຕາມມະຕິຂອງນາຍຍົກລັດຖະມົນຕີແຫ່ງ ສປປລາວ, ໂດຍການເຂົ້າຮ່ວມຂອງທ່ານ ຄໍາມະນີ ອິນທິລາດ ລັດຖະມົນຕີກະຊວງພະລັງ ງານ-ບໍ່ແຮ່.

          ໃນໂອກາດນີ້, ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ-ບໍ່ແຮ່ກໍໄດ້ໂອ້ລົມ

ແນະນຳວ່າ: ລັດວິສາຫະກິດໄຟຟ້າລາວ ແມ່ນເປັນຫົວໜ່ວຍທຸລະກິດທີ່ສຳຄັນຂອງລັດ ເພື່ອປະກອບ ສ່ວນໃນການຊຸກຍູ້ໃຫ້ກັບຂະແໜງການອື່ນໆ ດັ່ງນັ້ນ, ລັດວິສາຫະກິດໄຟຟ້າລາວ ຕ້ອງໄດ້ເອົາໃຈໃສ່ທຸກໜ້າທີ່ວຽກງານຂອງຕົນຄື: ວຽກງານການເມືອງແນວຄິດ ຕິດພັນກັບວຽກງານວິຊາສະເພາະ ເພື່ອໃຫ້ສາມາດປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດເຕີບໃຫຍ່ເຂັ້ມແຂງ.