ເກີດເຫດຍິງກັນໃກ້ຕະຫລາດຊັ່ງຈຽງ

               ນັບວ່າເປັນເຫດການສະເທືອນຂວັນບໍ່ໜ້ອຍໃນສັງຄົມມີຄະດີຫນຶ່ງ ພາຍຫລັງມີຄົນຮ້າຍສອງຄົນ,  ເຫດດຶງກະ ເປົາ ຍິງຊາວຈີນຄົນຫນຶ່ງແຕ່ບໍ່ສຳເລັດ ຄົນຮ້າຍຈຶ່ງໃຊ້ປຶນທີ່ກຽມມາຍິງໃສ່ຜູ້ຄົນດ່ັງກ່າວຈົນເສຍຊີວິດ.

          ເຈົ້າໜ້າທີ່ ປກສ ກຸ່ມສີຖານ ໃຫ້ຮູ້ວ່າ: ເຫດການດັ່ງກ່າວເກີດຂຶ້ນໃນຕອນແລງວັນທີ 11 ກໍລະ ກົດນີ້, ຂະນະທີ່ມີສອງຜົວເມຍຊາວຈີນພວມຍ່າງກັບຈາກໄປສອນນັກຮຽນຢູ່ໂຮງຮຽນ ແຫ່ງໜຶ່ງ, ຕາມເສັ້ນທາງເຕ 2 ເພື່ອຈະກັບບ່ອນພັກເຊົາໃນເຂດຕະຫລາດຊັງຈຽງ, ໃນເວລາດຽວກັນ ໄດ້ມີຊາຍສອງຄົນຊ້ອນລົດຈັກຍີ່ຫໍ້ ຄລິກໄອ ສີດຳ ຕາມຫລັງມາ ແລະ ກໍໄດ້ລົງມືດຶງກະເປົາທີ່ຜູ້ເປັນເມຍພາຍຢູ່, ແຕ່ບໍ່ສຳເລັດຍ້ອນຜູ້ເສຍຫາຍຈ່ອງກະ ເປົາເອົາໄ້ວທັນ  ແລະ ເຮັດໃຫ້ລົດຈັກ ຂອງຄົນຮ້າຍລົ້ມ, ສ່ວນຜູ້ເປັນຜົວໄດ້ຮ້ອງຂໍຄວາມຊ່ວຍເຫລືອຈາກປະຊາຊົນເຂດດັ່ງ ກ່າວ, ເມື່ອເຫັນທ່າ

ບໍ່ດີຄົນຮ້າຍທັງສອງໄດ້ຈົກເອົາປືນສັນທີ່ກຽມມາຍິງໃສ່ຜູ້ເສຍຫາຍທັງສອງ, ຈຶ່ງເຮັດໃຫ້ຜູ້ເປັນເມຍ ຊື່ນາງ ລີແຢນຍີນ ອາຍຸ 45 ຖືກຍິງບໍລິເວນເອິກຫນຶ່ງນັດຈົນເຮັດໃຫ້ ເສຍຊີວິດຄາທີ່.

ປັດຈຸບັນຄະດັ່ງກ່າວພວມຢູ່ໃນຂັນຕອນສືບສວນ-ສອບສວນຂອງເຈົ້າຫນ້າທີ່ເພື່ອເລັ່ງຕິດຕາມຄົນຮ້າຍມາດຳເນີນຄະດີໂດຍໄວ.