ລາຄາສິນຄ້າຢູ່ທ້ອງຕະຫຼາດນະຄອນຫຼວງວຽງຈັນເປັນປົກກະຕິດີ

        ໃນໄລຍະນີ້ເຖິງວ່ານະຄອນຫຼວງວຽງຈັນມີຫຼາຍໆກິດຈະກຳ, ເປັນໄລຍະງານບຸນປະເພນີຕ່າງໆຫຼາຍອັນ, ແຕ່ສິ່ງນັ້ນບໍ່ໄດ້ສົ່ງຜົນກະທົບໃດໆເຖິງລາຄາສິນຄ້າເຄື່ອງອາຫານການກິນ ຕ່າງໆຄື: ຈາກການລົງຕິດຕາມສະພາບລາຄາສິນຄ້າຢູ່ຕະຫຼາດຫຼາຍແຫ່ງເຊັ່ນ: ຕະຫຼາດສະພານທອງ,ໂພນສະຫວ່າງ, ຂົວດິນ , ຫົວຂົວ ແລະ ແຫ່ງອື່ນໆຂອງນັກຂອງພວກ ເຮົາໃນວັນທີ 1 ພະຈິກນີ້ເຫັນວ່າ: ລາຄາສິນຄ້າປະເພດພືດຜັກຕ່າງໆແມ່ນຢູ່ໃນເກນປົກກະຕິດີຄື:   ໜອມບົ່ວ-ຫອມປ້ອມລາຄາຂາຍ ຍ່ອຍ 3 ມັດຕໍ່ 5 ພັນກີບ (18-30 ພັນ/ກິໂລ), ຂະນະທີ ໝາກເຜັດ , ໝາກນາວ, ໝາກເລັ່ນ, ຫອມ ລາບ, ໝາກຖົ່ວ, ຜັກບົ້ງ, ຂີງ, ຂ່າມີລາຄາຫຼຸດລົງເລັກນ້ອຍ 1-2 ພັນກີບ, ສຳລັບການຂຶ້ນລົງຂອງລາຄາພືດຜັກນັ້ນຖືວ່າເປັນໄປຕາມກົນໄກຕະຫຼາດ ແລະ ລະດູການຜະລິດຂອງມັນ, ເຊັ່ນດຽວກັບລາຄາສິນຄ້າປະເພດຊີ້ນ-ປາກໍຢູ່ໃນເກນປົກກະຕິເຊັ່ນດຽວກັນຄື: ຊີ້ນງົວ 70 -75 ພັນກີບ/ກິໂລ, ຊີ້ນໝູ 30-40 ພັນກີບ/ກິໂລ, ເປັດ, ໄກ່ 35-45 ພັນກີບ/ກິໂລ, ປານິນກະຊັງ - ປາດຸກພັນມີລາຄາ 15-18 ພັນກີບ/ກິໂລ, ປາດຸກນາ , ອ່ຽງ, ກົບທຳມະຊາດ 50 – 70 ພັນກີບ/ກິໂລ, ເຖິງຢ່າງໃດກໍຕາມຄາດວ່າໃນຕໍ່ໜ້ານີ້ລາຄາສິນຄ້າອາດຈະມີການເໜັງຕີງແພງຂຶ້ນ, ຖ້າຫາກພາກສ່ວນກ່ຽວຂ້ອງບໍ່ມີການຄຸ້ມຄອງກວດກາທີ່ດີ.