ກອງທຶນສາມັກຄີພັດທະນາລາວ ມອບເຄື່ອງຊ່ວຍເຫລືອຫລາຍຮ້ອຍລ້ານໃຫ້ລາວ

        ພິທີມອບ-ຮັບເຄື່ອງຊ່ວຍເຫລືອ ລະຫວ່າງທ່ານ ດາໂຕະສິຣິ ປະທານຄະນະກອງທຶນສາມັກຄີພັດທະນາລາວ, ທັງເປັນປະທານທະນາຄານລາວກໍ່ສ້າງ ແລະ ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ, ທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ ແລະ ທ່ານນາງ ສຸວັນເພັງ ບຸບຜານຸວົງ ລັດຖະມົນຕີປະຈຳຫ້ອງວ່າການສຳນັກງານນາຍົກລັດຖະມົນຕີ ໄດ້ມີຂຶ້ນໃນວັນທີ 19 ພະຈິກນີ້, ຢູ່ນະຄອນຫລວງວຽງຈັນ.

          ເຄື່ອງຊ່ວຍເຫລືອດັ່ງກ່າວໄດ້ມອບໃຫ້ສູນກາງແນວລາວສ້າງຊາດ ປະກອບມີ: ຜ້າຮົ່ມ 2 ພັນຜືນ,

ປາກະ ປ໋ອງ 200 ແກ໋ດ, ເຂົ້າສານ 25 ໂຕນ, ຖົງເທົ້າ-ຖົງມື ຢ່າງລະ 2 ພັນຄູ່ ລວມມູນຄ່າທັງໝົດ 400 ລ້ານກີບ, ສ່ວນເຄື່ອງມອບໃຫ້ສະພາແຫ່ງຊາດ ປະກອບມີ: ເຂົ້າສານ 20 ໂຕນ ລວມມູນຄ່າ 140 ລ້ານກີບ ແລະ ມອບໃຫ້ຫ້ອງວ່າການສຳນັກງານນາຍົກລັດ ຖະມົນຕີ ປະກອບມີ: ເຂົ້າສານ 20 ໂຕນ ລວມມູນຄ່າ 140 ລ້ານກີບ, ເພື່ອນຳໄປຊ່ວຍເຫລືອປະຊາຊົນຜູ້ທີ່ໄດ້ຮັບຜົນກະທົບຈາກໄພທຳມະຊາດ ແລະ ຜູ້ທີ່ທຸກຍາກຂາດເຂີນໃຫ້ເຂົາເຈົ້າໄດ້ມີເງື່ອນໄຂຟື້ນຟູຊີວິດການເປັນຢູ່ຂອງຕົນດີຂຶ້ນ.

          ທ່ານປະທານສູນກາງແນວລາວສ້າງຊາດ ຕາງໜ້າໃຫ້ລັດຖະບານລາວ ກ່າວສະແດງຄວາມຂອບອົກຂອບໃຈມາຍັງກອງທຶນດັ່ງກ່າວ ຕໍ່ການຊ່ວຍເຫລືອອັນລ້ຳຄ່ານີ້, ເພື່ອນຳໄປຊ່ວຍປະຊາຊົນຜູ້ທຸກຍາກຂາດເຂີນ ແລະ ຜູ້ປະສົບໄພທຳມະຊາດມີເງື່ອນໄຂຟື້ນຟູການຜະລິດ ແລະ ປົວແປງຊີວິດການເປັນຢູ່ດີຂຶ້ນ.