ກອງປະຊຸມວິຊາການສາກົນ GMSARN ຄັ້ງທີ 11 ຈັດຂຶ້ນຢູ່ ສປ ຈີນ

          ໃນວັນທີ 16 ພະຈິກ ນີ້ ສະມາຄົມວິຊາການ ແລະ ການຄົ້ນຄວ້າ ອະນຸພາກພື້ນແມ່ນ້ຳຂອງ ຫລື GMSARN ໄດ້ຈັດກອງປະຊຸມວິຊາການສາກົນ GMSARN ຄັ້ງທີ 11 ຢູ່ເມືອງຄຸນມິງ ແຂວງ ຢຸນນານ ສປ ຈີນ ພາຍໃຕ້ຫົວຂໍ້ "ປະດິດສ້າງພະລັງງານ, ສິ່ງແວດລ້ອມ ກັບການພັດທະນາແບບຍືນຍົງຂອງເຂດອະນຸພາກພື້ນແມ່ນ້ຳຂອງ ຫລື GMS" ໂດຍຜູ້ເຂົ້າຮ່ວມໄດ້ແລກປ່ຽນທາງເຕັກນິກ ແລະ ຖອດຖອນບົດ ຮຽນ ກ່ຽວກັບການອະນຸລັກຊີວະນາໆພັນ, ການປ່ຽນແປງດິນຟ້າອາກາດກັບພະ ລັງງານ, ການບໍລິໂພກແບບຍືນຍົງກັບການຜະລິດ, ການພັດທະນາຂອງວິສາຫະກິດຂະໜາດກາງ ແລະ ນ້ອຍ, ພະລັງງານໝູນວຽນ, ວັດຖຸເຊື້ອໄຟຊີວະພາບກັບເຕັກນິກທີ່ສະອາດ, ການຄຸ້ມຄອງຊັບພະ ຍາກອນນ້ຳ, ສິ່ງປຸກສ້າງສີຂຽວ ແລະ ອື່ນໆ.

          ອະນຸພາກພື້ນແມ່ນ້ຳຂອງ ປະກອບດ້ວຍ ກຳປູເຈຍ, ຈີນ (ແຂວງຢຸນນານ ແລະ ເຂດປົກ ຄອງຕົນເອງ ເຜົ່າຈ້ວງກວາງຊີ), ລາວ, ມຽນມາ, ໄທ, ຫວຽດນາມ ແລະ ມະຫາວິທະຍາໄລ 11 ແຫ່ງໃນອະນຸພາກພື້ນແມ່ນ້ຳຂອງ ເຊັ່ນ: ມະຫາວິທະຍາໄລເຕັກໂນໂລຊີ ຄຸນມິງ ສປ ຈີນ, ມະຫາວິ ທະຍາໄລເຕັກໂນໂລຊີອາຊີ (ໄທ), ມະຫາວິທະຍາໄລວິທະຍາສາດເຕັກໂນໂລຊີຢ້າງກຸ້ງ ມຽນມາ ເຫລົ່ານີ້ເປັນຕົ້ນ.