ການລົງທຶນຂອງຈີນຢູ່ລາວບັນລຸ 5 ຕື້ກວ່າໂດລາສະຫະລັດ

      ທ່ານ ອາຈົງລາວມາວ ຮັກ ສາການຫົວໜ້າກົມສົ່ງເສີມການ ລົງທຶນ ກະຊວງແຜນການ ແລະ ການລົງທຶນ ໃຫ້ຮູ້ວ່າ: ພາຍຫຼັງ ສປປ ລາວ ໄດ້ດຳເນີນນະໂຍບາຍ ສົ່ງເສີມການລົງທຶນຕ່າງປະເທດ ແຕ່ປີ 1988 ເປັນຕົ້ນມາ ເຫັນວ່າ ການລົງທຶນ ຈາກຕ່າງ ປະເທດຢູ່ ລາວມີທີ່ຂະຫຍາຍຕົວຕໍ່ເນື່ອງ ຊຶ່ງ ເຫັນໄດ້ວ່າຈຳນວນໂຄງການ ແລະ ມູນຄ່າການລົງທຶນທີ່ຜ່ານ ການ ອະນຸມັດແຕ່ປີ 1988 ເຖິງປັດ ຈຸບັນ ມີທັງໝົດ 739 ໂຄງການ, ມີມູນຄ່າການລົງທຶນເຖິງ 5,1 ຕື້ ໂດລາສະຫະລັດ, ໃນນັ້ນ ຮູ້ນຝ່າຍ ລາວ ຈຳນວນ 1,2 ຕື້ໂດລາສະຫະ ລັດ ແລະ ຮຸ້ນຝ່າຍຈີນ ຈຳນວນ 3,9 ຕື້ໂດລາສະຫະລັດ, ໃນຂະ ແໜງການຕ່າງໆ ເຊັ່ນ: ບໍ່ແຮ່,​ກະສິ ກຳ, ພະລັງງານໄຟຟ້າ, ບໍລິການ ແລະ ອື່ນໆ ສະເພາະການລົງທຶນ ຂອງນັກທຸລະກິດ ສປ.ຈີນ ໃນ ລາວ ໄດ້ປະກອບ ສ່ວນສຳຄັນໃນ ການພັດທະນາເສດຖະກິດ-ສັງຄົມ ຂອງປະເທດ ຊຶ່ງເຫັນວ່າມີຫຼາຍ ໂຄງການມີປະສິດທິພາບສູງ ແລະ ມີຜົນສຳເລັດເປັນຢ່າງດີ ເປັນຕົ້ນ ແມ່ນ ໂຄງການລົງທຶນກໍ່ສ້າງ ໂຮງງານຜະລິດເກືອກາລີ, ໂຄງ ການກໍ່ສ້າງເຂື່ອນ ໄຟຟ້າ ນ້ຳຕົກ, ໂຄງການກໍ່ສ້າງບ້ານພັກປະມຸກ ລັດ ( ດອນຈັນ ),​ ໂຄງການລົງທຶນ ໃນຂະແໜງການບໍລິການຂອງບໍ ລິສັດ ປູກຢາງ ພາລາ ລາວ-ຈີນ ລຸຍຟາງ, ໂຄງການບໍລິການໂຮງ ແຮມ ແລະ ອື່ນໆ.

        ທ່ານ ອາຈົງ ກ່າວວ່າ: ການ ລົງທຶນຂອງບໍລິສັດ ຈາກ ສປ ຈີນ ເຫັນວ່າ ມີທ່ວງທ່າເພີ່ມຂື້ນ ເລື້ອຍໆ ທັງຈຳນວນໂຄງ ການ ແລະ ມູນຄ່າການລົງທຶນກໍເພີ່ມ ຂື້ນ; ເປັນການປະກອບທຶນ ຮອນອັນໃຫຍ່ຫຼວງໃຫ້ແກ່ການ ພັດທະນາເສດຖະກິດ-ສັງ ຄົມທັງ ໄດ້ສ້າງວຽກເຮັດງານທຳໃຫ້ປະ ຊາຊົນ ແລະ ສ້າງລາຍຮັບໃຫ້ແກ່ ງົບປະມານແຫ່ງຊາດ.

        ນອກຈາກນັ້ນ ເພື່ອບັນລຸເປົ້າ ໝາຍສະຫັດສະວັດ ແລະ ບັນລຸ ເປົ້າຕົວເລກຄາດໝາຍສູ້ຊົນຕາມ ແຜນພັດທະນາເສດ ຖະກິດ-ສັງ ຄົມ 5 ປີ ຄັ້ງທີ VII (2011-2015) ພວກເຮົາຕ້ອງໄດ້ມີການຊຸກຍູ້ສົ່ງ ເສີມໃນການດຶງດູດນັກລົງທຶນ ເຂົ້າມາໃຫ້ ຫຼາຍກວ່າເກົ່າເນື່ອງຈາກວ່າ: ຍັງມີທ່າແຮງບົ່ມຊ້ອນ ຫຼາຍຢ່າງໃນຂົງເຂດຕ່າງໆເຊັ່ນ: ຂົງເຂດກະສິກຳ, ຂົງເຂດອຸດສາ ຫະກຳປຸງ ແຕ່ງກະສິກຳ, ຂົງເຂດການບໍລິການໂຮງແຮມ, ຮ້ານອາ ຫານ, ທ່ອງທ່ຽວ; ການລົງທຶນໃນ ການພັດທະນາອະສັງຫາລິມະຊັບ ແລະ ການບໍລິການອື່ນໆ.