ລັດຖະບານລາວຖືສຳຄັນການສົ່ງເສີມພັດທະນາຊັບສິນທາງປັນຍາ

     ວັນທີ 24 ເມສານີ້ ຢູ່ກະຊວງ ວິທະຍາ ແລະ ເຕັກໂນໂລຊີ, ທ່ານ ສາສະດາຈານ ດຣ. ບໍ່ວຽງຄຳ ວົງດາລາ ລັດຖະມົນຕີວ່າ ການກະຊວງດັ່ງກ່າວ ໄດ້ຖະແຫລງຕໍ່ ສື່ມວນຊົນກ່ຽວກັບຄວາມໝາຍ ສຳຄັນຂອງວັນຊັບສິນທາງປັນຍາທີ່ວຽນບັນຈົບຄົບ ຮອບອີກວາລະໜຶ່ງນີ້ວ່າ: ວັນທີ 16 ເມສາ ນີ້ ແມ່ນວັນຊັບສິນທາງປັນຍາ ໂລກທີ່ໄດ້ໝູນວຽນມາບັນຈົບຄົບ ຮອບອີກວາລະ ໜຶ່ງ. ໃນປີ 2013 ນີ້, ສປປ ລາວ ພ້ອມກັບບັນດາປະ ເທດສະມາຊິກອົງການຊັບສິນ ທາງປັນຍາໂລກ ຈັດການສະ ຫລອງວັນ ສຳຄັນນີ້ ພາຍໃຕ້ຄຳ ຂວັນທີ່ອົງການຊັບສິນທາງປັນ ຍາໂລກໄດ້ວາງອອກວ່າ: ຄວາມ ຄິດສ້າງສັນແມ່ນຍຸກສະໄໝແຫ່ງ ອະນາ ຄົດ ໂດຍສ້າງກິດຈະກຳ, ຂະບວນການ ແລະ ໂຄສະນາ ເຜີຍແຜ່ວຽກງານຊັບສິນທາງປັນ ຍາໃຫ້ມວນຊົນໄດ້ຮັບຮູ້ຢ່າງເລິກ ເຊິ່ງ ເພື່ອນຳໄປໝູນໃຊ້ໃນການ ພັດທະນາເສດຖະກິດ-ສັງຄົມ.

    ລັດຖະມົນຕີ ໄດ້ເນັ້ນເຖິງ ຄວາມສຳຄັນການສະເຫລີມສະ ຫລອງວັນຊັບສິນທາງປັນຍາໂລກ ເພື່ອສ້າງຈິດສຳນຶກໃຫ້ແກ່ ສັງຄົມເຂົ້າໃຈເລິກເຊິ່ງກ່ຽວກັບ ພາລະບົດບາດ ແລະ ຄວາມສຳ ຄັນຂອງວຽກງານຊັບສິນທາງປັນຍາເປັນຕົ້ນກ່ຽວກັບສິດ ທິບັດ, ອະນຸສິດທິບັດ, ແບບອຸດສາຫະ ກຳ, ເຄື່ອງໝາຍການຄ້າ, ລິຂະ ສິດ ແລະ ຜົນງານຊັບສິນທາງປັນ ຍາດ້ານອື່ນໆ, ຕໍ່ການພັດທະນາ ເສດຖະກິດ-ສັງຄົມ. ພ້ອມນັ້ນ ຍັງ ເປັນການສະແດງຄວາມເຄົາລົບ ແລະ ຍ້ອງຍໍສັນລະເສີນຜົນງານ, ພູມປັນຍາຂອງບັນດານັກຄົ້ນຄວ້າວິທະຍາສາດ, ນັກປະດິດ ສ້າງ, ປະດິດແຕ່ງ ເພື່ອຊຸກຍູ້ສົ່ງເສີມການພັດທະນາຂອງມວນ ມະນຸດ. ສຳລັບປີ 2013 ນີ້, ອົງການ ຊັບສິນທາງປັນຍາໂລກ ໄດ້ວາງ ຄຳຂວັນ ເພື່ອເນັ້ນໃຫ້ເຫັນເຖິງບົດບາດຄວາມສຳຄັນ ຂອງຊັບສິນທາງປັນຍາທີ່ສົ່ງເສີມໃຫ້ຄົນຮຸ່ນໃໝ່ມີຄວາມຄິດສ້າງສັນ ເພື່ອ ສ້າງນະວັດຕະກຳ ແລະ ຜະລິດ ຕະພັນໃໝ່ໆອອກ ມາຮັບໃຊ້ສັງຄົມ. ພ້ອມກັນນັ້ນ ກໍເພື່ອສົ່ງເສີມຫົວຄິດປະດິດສ້າງ, ປະດິດຄິດ ແຕ່ງ, ເສດຖະກິດພູມປັນຍາ ແລະ ການຄົ້ນ

ຄວ້າພັດທະນາເພື່ອການຖ່າຍທອດເຕັກໂນໂລຊີຈາກປະເທດທີ່ພັດທະນາແລ້ວໄປສູ່ປະ ເທດທີ່ພວມພັດທະນານຳອີກ.

    ສຳລັບ ສປປ ລາວ ພວກເຮົາ ໄດ້ເຂົ້າເປັນສະມາຊິກອົງການ ຊັບສິນທາງປັນຍາໂລກແຕ່ປີ 1995 ເປັນຕົ້ນມາ ພາຍໃຕ້ການ ຊີ້ ນຳ-ນຳພາ ເປັນຕົ້ນການຈັດຕັ້ງ ຜັນຂະຫຍາຍເນື້ອໃນຈິດໃຈຂອງ ມະຕິກອງປະຊຸມໃຫຍ່ຄັ້ງທີ IX ຂອງພັກ ໃນການບຸກທະ ລຸທັງ 4 ດ້ານນັ້ນ, ກະຊວງວິທະຍາສາດ ແລະ ເຕັກໂນໂລຊີ ໄດ້ຮັບມອບ ໝາຍໃຫ້ຮັບຜິດຊອບວຽກງານ ຊັບສິນທາງປັນຍາ ໃຫ້ເອົາໃຈໃສ່ໃນການຄຸ້ມຄອງ, ພັດທະນາ ແລະ ບໍລິການວຽກງານຊັບສິນ ທາງປັນຍາຢູ່ລາວຂອງພວກເຮົາ ຢ່າງຕໍ່ເນື່ອງ ສາ ມາດບັນລຸຜົນງານໃນຫລາຍດ້ານ ເປັນຕົ້ນໄດ້ ເຄື່ອນໄຫວເຂົ້າຮ່ວມນຳບັນດາ ອົງການຈັດຕັ້ງຕ່າງໆຂອງສາ ກົນທາງຊັບສິນປັນ ຍາເຊັ່ນ: ໃນປີ 1997 ໄດ້ເຂົ້າຮ່ວມເຄື່ອນໄຫວໃນ ໜ່ວຍງານຮ່ວມມືຊັບສິນທາງປັນ ຍາອາຊຽນ, ປີ 1998 ໄດ້ເຂົ້າ ຮ່ວມພາ ຄີສົນທິສັນຍາປາຣີວ່າ ດ້ວຍການປົກປ້ອງຊັບສິນອຸດສາ ຫະກຳ, ປີ 2006 ໄດ້ເຂົ້າເປັນພາຄີ ສົນທິສັນຍາວ່າດ້ວຍການຮ່ວມມື ດ້ານສິດທິບັດ ແລະ ປີ 2012 ເປັນ ພາຄີສົນທິສັນຍາເບີນວ່າດ້ວຍ ການປົກປັກຮັກສາສິລະປະວັນນະກຳ ໂດຍສະເພາະ ການໄ ດ້ເປັນເຈົ້າການໃນການສ້າງກົດໝາຍ ສະບັບປັບປຸງໃໝ່ວ່າດ້ວຍຊັບສິນ ທາງປັນຍາ ສະບັບເລກທີ 01/ສພຊ, ລົງວັນທີ 20 ພະ ຈິກ 2011 ແລະ ລະບຽບການຈັດຕັ້ງ ປະຕິບັດກົດໝາຍດັ່ງກ່າວ ຈຳ ນວນ 6 ສະບັບ ໃຫ້ເໝາະສົມກັບ ຫລັກການການຄ້າ ທີ່ພົວພັນເຖິງ ຊັບສິນທາງປັນຍາ. ລັດຖະມົນຕີ ຍັງກ່າວອີກວ່າ: ບັນດາເອກະ ສານດັ່ງກ່າວ ເປັນນິຕິກຳທີ່ສຳ ຄັນໃນການສ້າງ ເງື່ອນໄຂໃຫ້ ສປປ ລາວ ໄດ້ເຂົ້າເປັນສະມາຊິກ ຂອງອົງການການຄ້າໂລກ ໃນ ວັນທີ 2 ມີນາ 2013 ແລະ ສ້າງ ເງື່ອນໄຂຮອງ ຮັບໃຫ້ແກ່ການ ເຂົ້າຮ່ວມປະຊາຄົມເສດຖະກິດ ອາຊຽນ ກໍຄືການເຊື່ອມໂຍງເສດ ຖະກິດເຂົ້າກັບພາກພື້ນ ແລະ ສາ ກົນໃນ ອະນາຄົດ. ຄຽງຄູ່ກັບການ ເຄື່ອນໄຫວໃນເວທີສາກົນດັ່ງທີ່ ກ່າວມາຂ້າງເທິງ. ນອກນັ້ນ ພະ ນັກງານຊັບສິນທາງປັນຍາຂອງ ກະຊວງວິທະຍາສາດ ແລະ ເຕັກ ໂນໂລຊີ ກໍໄດ້ລົງຮາກຖານຢ່າງ ແຂງແຮງ ເພື່ອປະຕິບັດມະຕິ 03/ກກມ ຂອງກົມການ ເມືອງສູນກາງພັກກ່ຽວກັບວຽກງານ 3 ສ້າງ ເພື່ອເຄື່ອນໄຫວຈັດຕັ້ງຄຸ້ມ ຄອງຊັບສິນທາງປັນຍາ ແຕ່ສູນ ກາງລົງຮອດທ້ອງ ຖິ່ນ, ປະສານງານໂຄສະນາເຜີຍແຜ່, ຊຸກຍູ້ສົ່ງ ເສີມການເກີດຫົວຄິດປະດິດສ້າງ, ສ້າງຈິດສຳນຶກໃນການນັບຖືລິ ຂະສິດ ແລະ ຈັດຕັ້ງປະຕິບັດກົດ ໝາຍວ່າດ້ວຍຊັບສິນທາງປັນຍາ. ພ້ອມກັນນັ້ນກໍຍັງໄດ້ພົວພັນຮ່ວມມືກັບສາກົນ, ພາກພື້ນ ແລະ ຮ່ວມ ມືສອງຝ່າຍເພື່ອຍາດແຍ່ງ ການກໍ່ສ້າງບຸກຄະລາກອນ ແລະ ປັບປຸງພື້ນຖານໂຄງລ່າງໂດຍຜ່ານມາໄດ້ຮັບຈົດທະບຽນຊັບ ສິນ ທາງປັນຍາຫລາຍກວ່າ 35 ພັນລາຍການ, ໄດ້ຮັບແຈ້ງຂໍ້ມູນລິ ຂະສິດຫລາຍກວ່າ 160 ລາຍ ການ, ໄດ້ເປັນເຈົ້າການໃນການ ປົກປ້ອງສິດ ແລະ ນຳໃຊ້ມາດຕະ ການຕໍ່ຜູ້ລະເມີດຫລາຍກວ່າ 70 ກໍລະນີ ເຊິ່ງເປັນການປະກອບສ່ວນເຂົ້າໃນການພັດທະ ນາເສດຖະກິດ-ສັງຄົມຂອງປະເທດເຮົາໃຫ້ນັບມື້ເຂັ້ມແຂງ.

    ລັດຖະມົນຕີຍັງຮຽກຮ້ອງມາຍັງບັນດານັກຄົ້ນຄວ້າວິທະຍາສາດ, ນັກປະດິດສ້າງ, ນັກປະດິດແຕ່ງ, ນັກຮຽນຮູ້ປັນຍາຊົນ ແລະ ທຸກຊັ້ນຄົນພາຍໃນປະເທດສຸມສະຕິປັນຍາເຂົ້າໃນການນຳໃຊ້ ແລະ ພັດທະນາຊັບສິນທາງປັນຍາ ຂອງປະເທດເຮົາໃຫ້ ຍົກລະດັບຂຶ້ນຢ່າງບໍ່ຢຸດຢັ້ງເພື່ອຊຸກຍູ້ສົ່ງເສີມການຜະລິດສິນຄ້າ, ສ້າງເສດຖະກິດພູມປັນຍາ ແລະ ສ້າງເງື່ອນໄຂໃນການຫັນ ປະເທດເຮົາເປັນອຸດສາຫະກຳ ແລະ ທັນສະໄໝເທື່ອລະກ້າວ.