ນັບວ່າເປັນຄວາມກ້າວໜ້າໃໝ່ ສຳລັບການບໍລິການຂອງ
ທະນາຄານການ ຄ້າຕ່າງປະເທດລາວມະຫາຊົນ (ທຄຕລ) ທີ່ມອບໃຫ້ນັກສຶກສາສົມກັບຄຳຂວັນທີ່ ວ່າ: ທັນສະໄໝ
ວ່ອງໄວ ໝັ້ນໃຈ, ພາຍຫຼັງທະນາຄານດັ່ງກ່າວສຳເລັດການຫັນເອົາ ບັດນັກສຶກສາເປັນບັດດຽວກັນກັບບັດ
ATM ໂດຍພິທີເປີດການນຳໃຊ້ບັດຮູບແບບ ດັ່ງກ່າວມີຂຶ້ນໃນວັນທີ
24 ເມສາ 2013
ຢູ່ມະຫາວິທະຍາໄລແຫ່ງຊາດ
ເປັນກຽດເຂົ້າຮ່ວມຂອງທ່ານ ຮສ ດຣ ກອງສີ ແສງມະນີ ລັດຖະ ມົນຕີຊ່ວຍວ່າການກະຊວງສຶກສາທິການ
ແລະ ກິລາ, ທ່ານ ວັນຄຳ ວໍລະວົງ ຜູ້ອຳນວຍການໃຫຍ່ທະນາຄານການຄ້າຕ່າງປະເທດລາວມະຫາຊົນ,
ທ່ານ ຊູ ລົວເຕີ ປະທານ ແລະ ຫົວໜ້າບໍລິ ຫານໃຫຍ່ບໍລິສັດ China Union Pay (CUP) ຈາກ
ສປ ຈີນ ແລະ ແຂກຮັບເຊີນເຂົ້າຮ່ວມ.
ຜູ້ອຳນວຍການໃຫຍ່ທະນາ ຄານການຄ້າຕ່າງປະເທດລາວ
ມະຫາຊົນ ກ່າວວ່າ: ນັບແຕ່ທ້າຍປີ 2011 ເປັນຕົ້ນມາ,ທະ ນາຄານ ຕົນໄດ້ເລີ່ມໂຄງການຫັນປ່ຽນບັດ
ATM ຈາກບັດພາຍໃນມາເປັນບັດທີ່ສາມາດນຳໃຊ້ໄດ້ໃນທົ່ວໂລກພາຍໃຕ້ການຮ່ວມມືກັບ
ບໍລິສັດ CUP ຂອງ ສປ ຈີນ ຊຶ່ງລັກສະນະພິເສດຂອງບັດ CUP ແມ່ນເປັນບັດພາຍໃນທີ່ສາມາດນຳໃຊ້ໄດ້ຢູ່
ຕາມຕູ້
ATM ແລະ ຈຸດຮັບບັດທີ່ມີເຄື່ອງໝາຍ
CUP ໃນທົ່ວໂລກ.ຈາກນັ້ນ,ທາງ ທຄຕລ ຈຶ່ງມີແນວຄິດລິເລີມທີ່ຈະນຳເອົາຄວາມທັນສະໄໝຄືດັ່ງ
ກ່າວມາຮັບໃຊ້ສັງຄົມເວົ້າລວມ, ເວົ້າສະເພາະແມ່ນໃນຂົງເຂດການສຶກສາເພື່ອເປັນການອຳນວຍຄວາມສະດວກໃຫ້ແກ່ສະຖາບັນການສຶກສາຕ່າງໆໃນການຄຸ້ມຄອງບັດນັກສຶກສາ
ແລະ ເພີ່ມຊອງທາງທີ່ທັນສະໄໝເຂົ້າໃນການຊຳ ລະຄ່າບໍລິການຕ່າງໆ ໂດຍ ທຄຕລ ໄດ້ເລີ່ມຕົ້ນໂຄງ
ການອອກບັດນີ້ຮ່ວມກັບສະຖາບັນການທະນາຄານໃນເດືອນ ເມສາ 2012 ແລະ ມະຫາວິທະຍາໄລແຫ່ງຊາດໃນເດືອນ
ມິຖຸນາ 2012 ແລະ ພາຍໃນໄຕມາດໜຶ່ງປີ 2013 ກັບມະຫາວິທະຍາໄລສຸພານຸວົງ, ສະຫວັນນະເຂດ
ແລະ ຈຳ ປາສັກ ແລະ ຫຼ້າສຸດແມ່ນຮ່ວມມືກັບວິທະຍາໄລອີກ 6 ແຫ່ງໃນນະຄອນຫຼວງວຽງຈັນໃນວັນທີ
26 ມີນາ 2013 ລວມຈຳນວນບັດນັກສຶກສາຫຼາຍກວ່າ 52 ພັນບັດ.
ຄວາມໝາຍຂອງບັດ ATM ທີ່ເປັນບັດດຽວກັນກັບບັດນັກສຶກ
ສາແມ່ນການລວມເອົາບັດປະ ຈຳໂຕຂອງນັກສຶກສາຢູ່ໃນສະຖາບັນໃດໜຶ່ງເຂົ້າກັບບັດ
ATM ຂອງ ທຄຕລ ເຊິ່ງບັດດັ່ງກ່າວແມ່ນບັດປະຈຳໂຕຂອງນັກສຶກ ສາທີ່ສາມາດນຳໃຊ້ເພື່ອເຄື່ອນໄຫວຕາມສິດ,
ໜ້າທີ່ ແລະ ລະ ບຽບການຂອງສະຖາບັນທີ່ບົງບອກເຖິງສະຖານະພາບຄວາມເປັນນັກສຶກສາ,ແຕ່ບັດດັ່ງກ່າວສາມາດດຳເນີນທຸລະກຳທາງການເງິນຕາມຄຸນລັກສະນະຂອງບັດ
ATM ໃນ ທຄຕລ ໂດຍມີຄຸນສົມບັດໃນການນຳໃຊ້ເປັນບັດນັກສຶກສາ, ຊຳລະຄ່າຮຽນ ຫຼື
ຄ່າບໍລິການຕ່າງໆ, ສາມາດນຳໃຊ້ໄດ້ທັງພາຍໃນ ແລະ ຕ່າງປະເທດຕາມຕູ້ ATM ແລະ ເຄື່ອງຮູດ
EDC ທີ່ມີໂລໂກ UnionPay, ສາມາດປ່ຽນເອົາບັດ ATM ໄປໄດ້ລ້າເມື່ອພົ້ນຈາກສະຖານະພາບການເປັນນັກສຶກສາ,ສາ
ມາດຖອນເງິນສົດຜ່ານຕູ້ ATM, ບໍລິການໂອນເງິນຜ່ານຕູ້ ແລະ ຊຳລະຜ່ານເຄື່ອງຮູດ
EDL ຂອງ ທຄຕລ ໃນຖານະທີ່ເປັນບັດປະ ຈຳໂຕນັກສຶກສາ.
No comments:
Post a Comment