ເຈົ້າໜ້າທີ່ ປກສ ນະຄອນຫຼວງວຽງຈັນ ອອກມາເຕືອນໃຫ້ສັງຄົມມີສະຕິໃນການຮັກສາຊັບສິນຂອງຕົນເອງໃຫ້ດີ
ເພື່ອບໍ່ໃຫ້ຕົກເປັນເຫຍື່ອຂອງຄົນບໍ່ດີໄດ້ງ່າຍພາຍຫຼັງເຫັນວ່າໄລຍະນີ້ສະພາບຂີ້ລັກງັດແງະ
ປຸ້ນຈີ້ຊີງຊັບ, ດຶງສາຍຄໍ, ລັກລົດ ຈັກ, ລົດໃຫ່ຍ ແລະ ອື່ນໆເກີດຂຶ້ນຫລາຍ.
ເຈົ້າໜ້າທີ່ຕຳຫຼວດໃຫ້ຮູ້ວ່າ: ໃນອາທິດຜ່ານມາຢູ່ນະ
ຄອນຫລວງວຽງຈັນປະກົດການຫຍໍ້ທໍ້ເກີດຂື້ນ 40 ເລື່ອງ ພົ້ນເດັ່ນແມ່ນສະພາບຊີງຊັບ,
ລັກຊັບພົນລະເມືອງມີ 10 ກ່ວາເລື່ອງ ຊຶ່ງສ່ວນໃຫຍ່ແມ່ນກຸ່ມໄວລຸ້ນທີ່ຂາດວຽກເຮັດງານທຳມີການໃຊ້ອາວຸດ,ມີດ,ງ້າວ,
ປືນ ແລະ ອື່ນໆເພື່ອສ້າງຄວາມອັນຕະລາຍຕໍ່ສັງ ຄົມ ແລະ ສ່ວນໜຶ່ງກໍມາຈາກ ການຕິດຢາເສບຕິດ
ຈຶ່ງປະ ລະການສຶກສາ,ຂະນະດຽວກັນກໍເຫັນວ່າສັງຄົມຍັງບໍ່ທັນເປັນເຈົ້າການຮັກສາຊັບສິນຂອງຕົນຈຶ່ງເຮັດໃຫ້ເກີດປາກົດການຫຍໍ້ທໍ້
ໄດ້ງ່າຍຄື ໃນວັນທີ 22 ເມສາ ນີ້ ໄດ້ເກີດເຫດມີຄົນຮ້າຍ 2 ຄົນ ໃຊ້ອາວຸດປືນ
ເຂົ້າປຸ້ນຊັບປະຊາຊົນຢູ່ເຂດບ້ານ ຕານມີໄຊ ເມືອງ ໄຊທານີ ນະຄອນຫຼວງວຽງຈັນ ໂດຍໄດ້ເອົາລົດຈັກຂອງຜູ່ກ່ຽວພ້ອມຊັບສິນອີກຈຳນວນໜຶ່ງຫຼົບໜີໄປ
ແລະ ວັນທີ 19 ເດືອນດຽວກັນ ໄດ້ມີຄົນຮ້າຍກໍ່ເຫດດຶງຖົງເງິນຂອງປະຊາຊົນ ຢູ່ເຂດຫຼັກ
18 ເສັ້ນທາງ 13 ໃຕ້ ແລ້ວຫຼົບໜີ ແລະ ເມື່ອບໍ່ ດົນ ມານີ້, ເຈົ້າໜ້າທີ່ຕຳຫຼວດພະແນກສືບສວນ-ສອບສວນ
ນະ ຄອນຫຼວງ ໄດ້ສົມທົບກັບພາກ ສ່ວນກ່ຽວຂ້ອງລົງກວດກາສະ
ຖານທີ່ເກີດເຫດຄົນຮ້າຍງັດແງະເພື່ອຊີງຊັບຢູ່ຕູ້
ATM ຂອງທະ ນາຄານຮ່ວມພັດທະນາຕັ້ງຢູ່ວົງວຽນສາມແຍກດອນໜູນ ບ້ານ ໄຊສະຫວ່າງ ເມືອງ
ໄຊທານີ ນະ ຄອນຫຼວງວຽງຈັນ ຈາກຜົນເສຍຫາຍແມ່ນເຮັດໃຫ້ຕູ້ ATM ເປ່ເພໃຊ້ການບໍ່ໄດ້
ແລະ ກໍໂຊກດີສະເພາະເງິນຢູ່ໃນຕູ້ ATM ດັ່ງກ່າວແມ່ນຄົນຮ້າຍເອົາໄປບໍ່ໄດ້
ແລະ ສະພາບຫຍໍ້ທໍ້ອື່ນໆເກີດຂຶ້ນ ອັນໄດ້ສ້າງຄວາມບໍ່ສະຫງົບໃນສັງ ຄົມ.ສະນັ້ນ
ຈຶ່ງເຕືອນໃຫ້ສັງຄົມຊ່ວຍກັນເປັນຫູ້ເປັນຕາຕໍ່ເຈົ້າໜ້າ ທີ່ຊ່ວຍລາຍງານສະພາບການເມື່ອເຫັນກຸ່ມຄົນບໍ່ດີກໍ່ເຫດ
ແລະ ກໍຕ້ອງໄດ້ມີສະຕິເປັນເຈົ້າການຮັກສາຊັບສິນຂອງຕົນເພື່ອບໍ່ຕົກເປັນເຫຍື່ອໃຫ້ຄົນບໍ່ດີຊີງເອົາໄປໄດ້ງ່າຍ.
No comments:
Post a Comment