ຫົວພັນລົງມືສ້າງເສັ້ນທາງແຕ່ເມືອງວຽງທອງຫາດ່ານຜ່ານແດນສົບກົບ-ເຊິນລາ ສສ. ຫວຽດນາມ

      ພິທີວາງສີລາລຶກກໍ່ສ້າງເສັ້ນ ທາງປູຢາງ ຍາວ 61 ກິໂລແມັດ ແຕ່ບ້ານຊ້ອນໃຕ້ ເມືອງວຽງ ທອງ ແຂວງຫົວພັນຫາດ່ານ ຜ່ານແດນສົບກັບຕໍ່ໃສ່ແຂວງ ເຊິນລາ ສສ. ຫວຽດນາມ ໄດ້ມີ ຂຶ້ນໃນວັນທີ 22 ເມສານີ້  ຢູ່ເມືອງດັ່ງກ່າວ ໂດຍການໃຫ້ ກຽດ ເຂົ້າຮ່ວມຂອງທ່ານ ພິມມ ສອນ ເລືອງຄຳມາ ກຳມະການສູນກາງພັກເລຂາພັກ ແຂວງເຈົ້າແຂວງຫລວງນ້ຳທາ ແລະ ທ່ານ ຄຳຮຸ່ງ ເຮືອງວົງສີ ກຳມະ ການສູນກາງ ພັກ, ເລຂາພັກ ແຂວງ, ເຈົ້າແຂວງຫົວພັນເພື່ອເປັນການຂຳ່ນັບຮັບຕ້ອນວັນປົດ ປ່ອຍ ເມືອງຊຳເຫນືອຄົບຮອບ 60 ປີ (5/5/1953-5/5/2013 ).

      ໃນພິທີ, ທ່ານ ຫງວຽນ ເທ່ ງັນ ອຳນວຍການໃຫຍ່ບໍລິສັດ ຈິດຈະເລີນ ຜູ້ຮັບເຫມົາໂຄງການ ກໍ່ສ້າງທາງດັ່ງກ່າວໃຫ້ຮູ້ວ່າ : ບໍລິສັດຂອງຕົນໄດ້ຮັບກຽດຢ່າງ ສູງທີ່ໄດ້ຮັບເຫມົາກໍ່ສ້າງເສັ້ນ ທາງສຳຄັນດັ່ງກ່າວໃນມູນຄ່າ 52 ລ້ານໂດລາ ໂດຍທຶນງົບປະ ມານຂອງແຂວງຫົວພັນ ແລະ ທຶນສົມທົບຂອງລັດຖະບານ ເພື່ອ ສ້າງເປັນທາງປູຢາງສອງຊັ້ນ ຍາວ 61 ກິໂລແມັດ ແລະ ກວ້າງ 5,5 ແມັດ ໂດຍຈະໃຫ້ສຳເລັດພາຍໃນໄລຍະເວລາ 3 ປີ.

      ທ່ານ ຄຳຮຸ່ງ ເຮືອງວົງສີ ມີຄຳເຫັນວ່າ : ນີ້ແມ່ນເສັ້ນທາງ ຍຸດທະສາດສຳຄັນເພື່ອຊ່ວຍໃຫ້ ການຄົມມະນາຄົມຂົນສ່ົງກໍຄື ການສັນຈອນໄປມາຂອງປະຊາຊົນທ້ອງຖິ່ນມີຄວາມສະດວກ ຫລາຍຂຶ້ນ ໂດຍສະເພາະແມ່ນ ເສັ້ນທາງຫນຶ່ງອອກສູ່ປະເທດ ຫວຽດນາມ ອ້າຍນ້ອງ ເພື່ອການພົວພັນແລກປ່ຽນຊີ້ຂາຍສິນຄ້າ ຮ່ວມກັນໃຫ້ນັບມື້ຫລາຍຂຶ້ນປະກອບສ່ວນເຂົ້າໃນການພັດ ທະນາ ເສດຖະກິດ-ສັງຄົມຂອງແຂວງພົວພັນນັບມ້ືເຕີບໃຫຍ່ເຂັ້ມແຂງ.